ಗುಜರಾತ್ ಚುನಾವಣೆಯಲ್ಲಿ NOTA, ಬಿಜೆಪಿಗೆ ನೀಡುವುದೆ ಕಾಟ?
ನವದೆಹಲಿ, ಡಿಸೆಂಬರ್ 06: ಯಾರಿಗೆ ಜಿಎಸ್ ಟಿ ಬಗ್ಗೆ ಬೇಸರವಿದೆಯೋ, ಯಾವ ಪಕ್ಷದ ಮೇಲೆಯೂ ವಿಶ್ವಾಸವಿಲ್ಲವೋ ಅಂಥವರು, 2017 ರ ಗುಜರಾತ್ ವಿಧಾನಸಭೆ ಚುನಾವಣೆಯಲ್ಲಿ ನೋಟಾ(None Of The Above) ಆಯ್ಕೆಯನ್ನು ಆರಿಸಿಕೊಳ್ಳಬಹುದು!
ಹೌದು, ಇದೇ ಮೊದಲ ಬಾರಿಗೆ ವಿಧಾನಸಭೆ ಚುನಾವಣೆಯಲ್ಲಿಯೂ ನೋಟಾ ಬಳಕೆಗೆ ಚುನಾವಣಾ ಆಯೋಗ ಅವಕಾಶ ನೀಡಿದೆ. 2014 ರ ಲೋಕಸಭೆ ಚುನಾವಣೆಯಲ್ಲಿ ನೋಟಾ ಆಯ್ಕೆಗೆ ಅವಕಾಶ ನೀಡಲಾಗಿತ್ತು. ಈ ಸಂದರ್ಭದಲ್ಲಿ 4.20 ಯಷ್ಟು ವೋಟುಗಳು ನೋಟಾ ಖಾತೆ ಸೇರಿದ್ದವು! ಅಂದರೆ ಯಾವ ಪಕ್ಷದ ಖಾತೆಗೂ ಸೇರಿರಲಿಲ್ಲ!
ಈ ನೋಟಾ ಆಯ್ಕೆ ಬಿಜೆಪಿಗೆ ಶಾಪವಾಗಲಿದೆ ಎಂಬ ಮಾತು ಹಲವೆಡೆಯಿಂದ ಕೇಳಿಬರುತ್ತಿದೆ. ಕಳೆದ ಚುನಾವಣೆಯಲ್ಲಿ ಬಿಜೆಪಿಗೆ ಮತಹಾಕಿದವರೂ ಈ ಬಾರಿ ಕೇಂದ್ರ ಬಿಜೆಪಿ ಸರ್ಕಾರದ ಜಿಎಸ್ ಟಿ ಮತ್ತು ನೋಟು ನಿಷೇಧದ ನಿರ್ಧಾರದಿಂದಾಗಿ ಬಿಜೆಪಿ ವಿರುದ್ಧ ಮುನಿಸಿಕೊಂಡಿದ್ದಾರೆ. ಅವರೆಲ್ಲ ಈ ಬಾರಿ ನೋಟಾ ಆಯ್ಕೆಯನ್ನು ಆರಿಸಿಕೊಳ್ಳುವ ಸಾಧ್ಯತೆಯನ್ನು ಅಲ್ಲಗಳೆಯುವಂತಿಲ್ಲ.
ಡಿಸೆಂಬರ್ 9 ಮತ್ತು 14 ರಂದು ನಡೆಯಲಿರುವ ಗುಜರಾತ್ ವಿಧಾನಸಭೆ ಚುನಾವಣೆಯಲ್ಲಿ ನೋಟಾ ಮಾಡಿದ ಮ್ಯಾಜಿಕ್ ಏನು ಎಂಬುದು ಡಿ.18 ರ ಫಲಿತಾಂಶದ ದಿನದಂದು ತಿಳಿಯಲಿದೆ.
Click it and Unblock the Notifications
Sign in with Google