ಕೊರೊನಾ ಬಗ್ಗೆ ಸಹಾಯಕ್ಕಾಗಿ ಇ-ಮೇಲ್ ಐಡಿ
ನವದೆಹಲಿ, ಏಪ್ರಿಲ್ 01 : ಸುಪ್ರೀಂಕೋರ್ಟ್ ನಿರ್ದೇಶನದಂತೆ ಕೇಂದ್ರ ಸರ್ಕಾರ ಕೊರೊನಾ ಕುರಿತು ತಾಂತ್ರಿಕ ಸಹಕಾರ ನೀಡಲು ಇ-ಮೇಲ್ ಐಡಿಯನ್ನು ನೀಡಿದೆ. ಜನರು ಇ-ಮೇಲ್ ಕಳಿಸುವ ಮೂಲಕ ಮಾರಣಾಂತಿಕ ವೈರಸ್ ಬಗ್ಗೆ ತಮಗೆ ಇರುವ ಗೊಂದಲವನ್ನು ಬಗೆಹರಿಸಿಕೊಳ್ಳಬಹುದು.
Recommended Video
ಜಂಟಿ ಕಾರ್ಯದರ್ಶಿ ದರ್ಜೆಯ ಅಧಿಕಾರಿ ಮತ್ತು ಏಮ್ಸ್ನ ತಜ್ಞ ವೈದ್ಯರು ಜನರಿಗೆ ಅಗತ್ಯವಾದ ಸಲಹೆಗಳನ್ನು ನೀಡಲಿದ್ದಾರೆ. ಜನರು [email protected] ಗೆ ಇ-ಮೇಲ್ ಕಳಿಸಬಹುದು ಎಂದು ಆರೋಗ್ಯ ಸಚಿವಾಲಯ ಹೇಳಿದೆ.
ಸುಪ್ರೀಂಕೋರ್ಟ್ ಮಾಧ್ಯಮಗಳಿಗೂ ಸೂಚನೆಯನ್ನು ನೀಡಿದ್ದು, ಕೊರೊನಾ ಸೋಂಕಿನ ವಿಚಾರದಲ್ಲಿ ಖಚಿತವಾದ ಮಾಹಿತಿಯನ್ನು ಮಾತ್ರ ಪ್ರಸಾರ ಮಾಡಬೇಕು ಎಂದು ಹೇಳಿದೆ. ಆರೋಗ್ಯ ಸಚಿವಾಲಯ ಪ್ರತಿದಿನವೂ ಬುಲೆಟಿನ್ ನೀಡಬೇಕು ಎಂದು ಹೇಳಿದೆ.
ಬುಲೆಟಿನ್ ಎಲ್ಲಾ ಮಾಧ್ಯಮಗಳು, ಸಾಮಾಜಿಕಜಾಲತಾಣದಲ್ಲಿ ಪ್ರಕಟಿಸಬೇಕು. ಅಧಿಕೃತವಾಗಿ ಬಂದ ಹೇಳಿಕೆಯನ್ನು ಮಾತ್ರ ಮಾಧ್ಯಮಗಳು ಪ್ರಸಾರ ಮಾಡಬೇಕು ಎಂದು ಸುಪ್ರೀಂಕೋರ್ಟ್ ಮಾಧ್ಯಮಗಳಿಗೆ ನಿರ್ದೇಶನ ನೀಡಿದೆ.
ಲಾಕ್ ಡೌನ್ ಇನ್ನು ಕೆಲವು ದಿನ ಮುಂದುವರೆಯಲಿದೆ ಎಂಬ ಸುಳ್ಳು ಸುದ್ದಿ ವಲಸಿಗ ಕಾರ್ಮಿಕರಲ್ಲಿ ಆತಂಕವನ್ನು ಮೂಡಿಸಿತ್ತು. ಇದರಿಂದಾಗಿ ಅವರು ಸಾವಿರಾರು ಸಂಖ್ಯೆಯಲ್ಲಿ ಗುಳೆ ಹೊರಟಿದ್ದರು. ಇದರಿಂದಾಗಿ ಸಂಕಷ್ಟಕ್ಕೆ ಸಿಲುಕಿದ್ದರು.
ಮಂಗಳವಾರ ಕೇಂದ್ರ ಸರ್ಕಾರ ಯಾವುದೇ ಎಲೆಕ್ಟ್ರಾನಿಕ್ ಅಥವ ಮುದ್ರಣ ಮಾಧ್ಯಮ ಕೊರೊನಾ ಕುರಿತು ಸರ್ಕಾರ ನೀಡುವ ಮಾಹಿತಿಯನ್ನು ಮಾತ್ರ ಪ್ರಸಾರ ಮಾಡಬೇಕು ಎಂದು ನಿರ್ದೇಶನ ನೀಡುವಂತೆ ಕೋರಿತ್ತು.
Click it and Unblock the Notifications
Sign in with Google