5 ರಾಜ್ಯಗಳ Exit Poll ಸಮೀಕ್ಷೆ: ಕಾಂಗ್ರೆಸ್ ವೈಟ್ ವಾಶ್

Updated: Wednesday, December 4, 2013, 22:54 [IST]

ನವದೆಹಲಿ, ಡಿ 4: ಇಂದು ದೆಹಲಿ ವಿಧಾನಸಭೆಯ ಚುನಾವಣೆ ಶಾಂತಿಯುತವಾಗಿ ಮುಗಿಯುವ ಮೂಲಕ ಐದು ರಾಜ್ಯಗಳ ಅಸೆಂಬ್ಲಿ ಚುನಾವಣೆ ಮುಕ್ತಾಯಗೊಂಡಿದೆ.

ಮಿಜೋರಾಂ ಹೊರತು ಪಡಿಸಿ ಚುನಾವಾಣೆ ನಡೆದ ನಾಲ್ಕು ರಾಜ್ಯಗಳಾದ ಮಧ್ಯಪ್ರದೇಶ, ದೆಹಲಿ, ರಾಜಸ್ಥಾನ ಮತ್ತು ಛತ್ತೀಸಗಢ ರಾಜ್ಯದ ಮತಎಣಿಕೆ ಡಿಸೆಂಬರ್ ಎಂಟು ಭಾನುವಾರದಂದು ನಡೆಯಲಿದೆ. ಮಿಜೋರಾಂ ಮತಎಣಿಕೆ ಸೋಮವಾರದಂದು ನಡೆಯಲಿದೆ.

ಛತ್ತೀಸಗಢದ ನಕ್ಸಲ್ ಪೀಡಿತ ಪ್ರದೇಶದಲ್ಲೂ ಚುನಾವಣೆಗೆ ಮತದಾರರು ಹೆಚ್ಚಿನ ಒಲವು ತೋರಿದ್ದು ಈ ಬಾರಿಯ ಅಸೆಂಬ್ಲಿ ಚುನಾವಣೆಯ ವಿಶೇಷವಾಗಿತ್ತು. ಎಲ್ಲಾ ಐದು ರಾಜ್ಯಗಳಲ್ಲಿ ಮತದಾರ ಹೆಚ್ಚಿನ ಸಂಖ್ಯೆಯಲ್ಲಿ ಮತದಾನದಲ್ಲಿ ಪಾಲ್ಗೊಂಡಿದ್ದರು.

ಇಂಡಿಯಾ ಟುಡೇ, ಸಿವೋಟರ್ (ಜಂಟಿಯಾಗಿ), ಐಬಿಎನ್, ದಿ ವೀಕ್, ಸಿಎಸ್ಡಿಎಸ್ (ಜಂಟಿಯಾಗಿ), ಎನ್ ಡಿಟಿವಿ, ನೀಲ್ಸೇನ್, ಟುಡೇಸ್ ಚಾಣಕ್ಯ ನಡೆಸಿದ ಮತಗಟ್ಟೆ ಸಮೀಕ್ಷೆಯ ಫಲಿತಾಂಶ ಹೊರಬಿದ್ದಿದೆ. ಎಲ್ಲಾ ರಾಜ್ಯಗಳಲ್ಲಿ ಸಮೀಕ್ಷೆ ಪ್ರಕಾರ ಕಾಂಗ್ರೆಸ್ಸಿಗೆ ತೀವ್ರ ಮುಖಭಂಗವಾಗಲಿದೆ.

ಭಾನುವಾರ (Dec 8) ನಾಲ್ಕು ರಾಜ್ಯಗಳ ಮತಎಣಿಕೆ ಬೆಳಗ್ಗೆ ಎಂಟು ಗಂಟೆಗೆ ಆರಂಭವಾಗಲಿದೆ. ಫಲಿತಾಂಶದ Live Update ಒನ್ ಇಂಡಿಯಾ ಕನ್ನಡದಲ್ಲಿ ಲಭ್ಯವಾಗಲಿದೆ.