ಅಕ್ರಮ ಹಣ ವರ್ಗಾವಣೆ ಪ್ರಕರಣ: 'ಪೊನ್ನಿಯಿನ್ ಸೆಲ್ವನ್' ನಿರ್ಮಾಣ ಸಂಸ್ಥೆ ಲೈಕಾ ಮೇಲೆ ಇಡಿ ದಾಳಿ
ಚೆನ್ನೈ, ಮೇ. 15: ತಮಿಳುನಾಡು ರಾಜಧಾನಿ ಚೆನ್ನೈನಲ್ಲಿರುವ ಬಾಕ್ಸ್ ಆಫೀಸ್ ಹಿಟ್ ಸಿನಿಮಾಗಳಾದ ಪೊನ್ನಿಯಿನ್ ಸೆಲ್ವನ್ 1 ಮತ್ತು 2 ಅನ್ನು ನಿರ್ಮಿಸಿದ (ಲೈಕಾ) LYCA ಪ್ರೊಡಕ್ಷನ್ಸ್ ಆವರಣದಲ್ಲಿ ಜಾರಿ ನಿರ್ದೇಶನಾಲಯದ ತಂಡವು ಶೋಧ ನಡೆಸುತ್ತಿದೆ.
ಎನ್ಡಿಟಿವಿ ವರದಿಯ ಪ್ರಕಾರ ಜಾರಿ ನಿರ್ದೇಶನಾಲಯವು ಮಂಗಳವಾರ ಚೆನ್ನೈನ ಲೈಕಾ ಪ್ರೊಡಕ್ಷನ್ಸ್ ಆವರಣದಲ್ಲಿ ಶೋಧ ನಡೆಸುತ್ತಿದೆ. ಸುಬಾಸ್ಕರನ್ ಅಲ್ಲಿರಾಜ ಸ್ಥಾಪಿಸಿದ ಲೈಕಾ ಪ್ರೊಡಕ್ಷನ್ಸ್, ಕಾಲಿವುಡ್ನ ಪ್ರಮುಖ ನಿರ್ಮಾಣ ಸಂಸ್ಥೆಗಳಲ್ಲಿ ಒಂದಾಗಿದೆ. ಇದು 2014 ರಲ್ಲಿ ವಿಜಯ್ ಮತ್ತು ಸಮಂತಾ ಅವರ ಬ್ಲಾಕ್ ಬ್ಲಾಸ್ಟರ್ ಚಿತ್ರ 'ಕತ್ತಿ' ನಿರ್ಮಾಣದೊಂದಿಗೆ ತಮಿಳು ಚಿತ್ರರಂಗವನ್ನು ಪ್ರವೇಶಿಸಿತು.
ಅಂದಿನಿಂದ, ಇದು ಚಲನಚಿತ್ರಗಳನ್ನು ನಿರ್ಮಿಸುವ ಮತ್ತು ವಿತರಿಸುವ ಮೂಲಕ ಕಾಲಿವುಡ್ನೊಂದಿಗೆ ಸಂಬಂಧ ಹೊಂದಿದೆ. 'ಯಮನ್', 'ಕೋಲಮಾವು ಕೋಕಿಲ', 'ವಡ ಚೆನ್ನೈ', 'ರೋಬೋ 2.0', 'ದರ್ಬಾರ್' ಮತ್ತು 'ನಾನು ರೌಡಿ ಧಾನ್' ಈ ಸಂಸ್ಥೆ ನಿರ್ಮಿಸಿದ ಕೆಲವು ಗಮನಾರ್ಹ ಚಲನಚಿತ್ರಗಳು. ಇದಾದ ಬಳಿಕ ಲೈಕಾ ಪ್ರೊಡಕ್ಷನ್ಸ್ ಇತ್ತೀಚೆಗೆ ಮಣಿರತ್ನಂ ಅವರ 'ಪೊನ್ನಿಯಿನ್ ಸೆಲ್ವನ್' ಸರಣಿಯನ್ನು ನಿರ್ಮಿಸಿತ್ತು.
ಇನ್ನು, ಜಾರಿ ನಿರ್ದೇಶನಾಲಯದ ದಾಳಿಯ ಬಗ್ಗೆ ನಿರ್ಮಾಣ ಕಂಪನಿಯಿಂದ ಯಾವುದೇ ಪ್ರತಿಕ್ರಿಯೆ ಬಂದಿಲ್ಲ.
Click it and Unblock the Notifications
Sign in with Google