ಮಣಿಪುರದಲ್ಲಿ ರಿಕ್ಟರ್ ಮಾಪಕದಲ್ಲಿ 5.5 ತೀವ್ರತೆಯ ಭೂಕಂಪ

ಇಂಫಾಲ್, ಜನವರಿ 7: ಭಾನುವಾರ ಮಧ್ಯಾಹ್ನ ಮಣಿಪುರ ಭೂಕಂಪಕ್ಕೆ ತುತ್ತಾಗಿದೆ. ರಿಕ್ಟರ್ ಮಾಪಕದಲ್ಲಿ 5.5 ತೀವ್ರತೆಯ ಭೂಕಂಪ ಈಶಾನ್ಯ ರಾಜ್ಯದಲ್ಲಿ ನಡೆದಿದೆ.

ಪ್ರಾಥಮಿಕ ಮಾಹಿತಿಗಳ ಪ್ರಕಾರ ಸದ್ಯಕ್ಕೆ ಯಾವುದೇ ಆಸ್ತಿಪಾಸ್ತಿ ಮತ್ತು ಜೀವಹಾನಿ ಸಂಭವಿಸಿಲ್ಲ.

ಅಮೆರಿಕಾದ ಭೂಗರ್ಭ ಇಲಾಖೆಯ ಮಾಹಿತಿಗಳ ಪ್ರಕಾರ ಇಲ್ಲಿನ ಯರಿಪೋಕ್ ನಿಂದ 86 ಕಿಲೋಮೀಟರ್ ಪೂರ್ವಕ್ಕೆ, 22.8 ಕಿಲೋಮೀಟರ್ ಆಳದಲ್ಲಿ ಭೂಕಂಪದ ಕೇಂದ್ರ ಬಿಂದು ಇತ್ತು.

ಈ ಹಿಂದೆ ಜನವರಿ 4, 2016ರಲ್ಲಿ 6.7 ತೀವ್ರತೆಯ ಭೂಕಂಪ ಮಣಿಪುರದಲ್ಲಿ ಸಂಭವಿಸಿತ್ತು. ಈ ಭೂಕಂಪದಲ್ಲಿ 11 ಜನ ಸಾವನ್ನಪ್ಪಿದ್ದರು. 200 ಕ್ಕೂ ಹೆಚ್ಚು ಜನರು ಗಾಯಗೊಂಡಿದ್ದರು. ಈ ಘಟನೆಯಲ್ಲಿ ನೂರಾರು ಕಟ್ಟಡಗಳು ಧರೆಶಾಯಿಯಾಗಿದ್ದವು.

English summary

Earthquake measuring 5.5 on the Richter scale struck Manipur at 12.17 pm said US Geological Survey.