ಕೋವಿಡ್-19 ಸಮಸ್ಯೆಗೆ ಒಳಗಾದ ವಿದ್ಯಾರ್ಥಿಗಳಿಗೆ ಸಿಬಿಎಸ್ಇ ಪ್ರಾಕ್ಟಿಕಲ್ ಪರೀಕ್ಷೆ
ನವದೆಹಲಿ, ಏಪ್ರಿಲ್ 2: ಕೋವಿಡ್-19ಕ್ಕೆ ತುತ್ತಾಗಿದ್ದ 10 ಹಾಗೂ 12ನೆಯ ತರಗತಿ ವಿದ್ಯಾರ್ಥಿಗಳಿಗೆ ಜೂನ್ ತಿಂಗಳ 11ಕ್ಕೂ ಮುನ್ನ ಪ್ರಾಕ್ಟಿಕಲ್ ಪರೀಕ್ಷೆಗಳನ್ನು ನಡೆಸಲು ಸಿಬಿಎಸ್ಇ ತೀರ್ಮಾನಿಸಿದೆ. ಈ ಸಂಬಂಧ ಸಿಬಿಎಸ್ಇ, ಗುರುವಾರ ಅಧಿಸೂಚನೆ ಹೊರಡಿಸಿದೆ.
'ಅಭ್ಯರ್ಥಿಯು ಕೋವಿಡ್-19 ಪಾಸಿಟಿವ್ಗೆ ಒಳಗಾಗಿದ್ದ ಕಾರಣಕ್ಕೆ ಅಥವಾ ಅವರ ತಂದೆ, ತಾಯಿ, ಸಹೋದರ ಮತ್ತು ಸಹೋದರಿ ಮುಂತಾದ ಕುಟುಂಬದ ಯಾವುದೇ ಸದಸ್ಯರು ಕೋವಿಡ್-19 ಪಾಸಿಟಿವ್ಗೆ ಒಳಗಾಗಿದ್ದರಿಂದ ಪ್ರಾಕ್ಟಿಕಲ್ ಪರೀಕ್ಷೆಗೆ ಗೈರು ಹಾಜರಾಗಿದ್ದರೆ, ಅಂತಹ ಅಭ್ಯರ್ಥಿಗಳಿಗೆ ಸಂಬಂಧಿಸಿದ ಪ್ರಾದೇಶಿಕ ಅಧಿಕಾರಿಗಳೊಂದಿಗೆ ಶಾಲೆಗಳು ಸಮಾಲೋಚನೆ ನಡೆಸಿದ ಬಳಿಕ ಸೂಕ್ತ ಸಮಯದಲ್ಲಿ ಪ್ರಾಕ್ಟಿಕಲ್ ಪರೀಕ್ಷೆಗಳನ್ನು ನಡೆಸಲಿವೆ. ಆದರೆ ಈ ಪರೀಕ್ಷೆಗಳು ಜೂನ್ 11ರ ಒಳಗೆ ನಡೆಯಲಿವೆ' ಎಂದು ಅಧಿಸೂಚನೆ ತಿಳಿಸಿದೆ.
ಬೋರ್ಡ್ ವಿದ್ಯಾರ್ಥಿಗಳ ಪ್ರಾಕ್ಟಿಕಲ್ ಪರೀಕ್ಷೆಗಳು ಮಾರ್ಚ್ 1ರಂದು ಆರಂಭವಾಗಿದ್ದು, ಜೂನ್ 11ರಂದು ಮುಕ್ತಾಯಗೊಳ್ಳಲಿದೆ. ಸಿಬಿಎಸ್ಇ ಬೋರ್ಡ್ ಪರೀಕ್ಷೆಗಳು ಮೇ 4ರಿಂದ ಜೂನ್ 1ರವರೆಗೆ ನಡೆಯಲಿವೆ.
ಈ ನಡುವೆ 2021-22ನೇ ಸಾಲಿನ 9-12ನೇ ತರಗತಿಯವರೆಗಿನ ಪಠ್ಯಕ್ರಮಗಳನ್ನು ಬಿಡುಗಡೆ ಮಾಡಲಾಗಿದೆ. ಹೊಸ ಶೈಕ್ಷಣಿಕ ಅವಧಿಯು ಏಪ್ರಿಲ್ನಿಂದ ಆರಂಭವಾಗಿದ್ದು, ಪಠ್ಯಕ್ರಮದಲ್ಲಿ ಸಿಬಿಎಸ್ಇ ಯಾವುದೇ ಕಡಿತಗಳನ್ನು ಮಾಡಿಲ್ಲ.
ಈ ಹೊಸ ಪಠ್ಯಕ್ರಮವು 2021-22ನೇ ಶೈಕ್ಷಣಿಕ ಅವಧಿಗೆ ಅನ್ವಯವಾಗುತ್ತದೆ. 2021ರ ಸಿಬಿಎಸ್ಇ ಬೋರ್ಡ್ ಪರೀಕ್ಷೆಗಳು ಈ ಹಿಂದಿನ ಪಠ್ಯಕ್ರಮಕ್ಕೆ ಅನುಗುಣವಾಗಿರುತ್ತದೆ.
Click it and Unblock the Notifications
Sign in with Google