ಟ್ಯಾಲೆಂಟ್ ಮ್ಯಾನೇಜರ್ ದಿಶಾ ಸಾಲಿಯಾನ್ ಸಾವು ಆಕಸ್ಮಿಕ ಎಂದ ಸಿಬಿಐ
ನವದೆಹಲಿ, ನವೆಂಬರ್ 24: ಮುಂಬೈ ಮೂಲದ ಟ್ಯಾಲೆಂಟ್ ಮ್ಯಾನೇಜರ್ ದಿಶಾ ಸಾಲಿಯಾನ್ ಸಾವಿನ ಪ್ರಕರಣವು ಆಕಸ್ಮಿಕ ಎಂದು ಕೇಂದ್ರೀಯ ತನಿಖಾ ದಳ (ಸಿಬಿಐ) ತನಿಖೆಯ ನಂತರದಲ್ಲಿ ತೀರ್ಮಾನಿಸಿದೆ.
ಸಿಬಿಐ ತಂಡವು ದಿಶಾ ಸಾಲಿಯಾನ್ ಸಾವಿನ ಬಗ್ಗೆ ಪ್ರತ್ಯೇಕ ಪ್ರಥಮ ಮಾಹಿತಿ ವರದಿಯನ್ನು ಸಲ್ಲಿಸಿಲ್ಲವಾದರೂ, ಬಾಲಿವುಡ್ ನಟ ಸುಶಾಂತ್ ಸಿಂಗ್ ರಜಪೂತ್ ಸಾವಿನ ಪ್ರಕರಣದಲ್ಲಿ ಅದರ ತನಿಖೆಗಳಿಗೆ ಸಂಬಂಧಿಸಿದಂತೆ ಅದು ತನಿಖೆ ನಡೆಸಿದೆ.
ಆತ್ಮಹತ್ಯೆ ಪತ್ರದಲ್ಲಿ ಹೆಸರು: ನಟಿ ವೈಶಾಲಿ ಟಕ್ಕರ್ ಮಾಜಿ ಪ್ರಿಯಕರ ಬಂಧನ
ಕಳೆದ 2020ರ ಜೂನ್ 8-9ರ ಮಧ್ಯರಾತ್ರಿ ಮುಂಬೈನ ಉಪನಗರದ ಮಲಾಡ್ನಲ್ಲಿರುವ ಗ್ಯಾಲಕ್ಸಿ ರೀಜೆಂಟ್ ಕಟ್ಟಡದ 14ನೇ ಮಹಡಿಯಿಂದ 28 ವರ್ಷದ ಸಾಲಿಯನ್ ಬಿದ್ದಿದ್ದಾರೆ ಎಂದು ವರದಿಯಾಗಿತ್ತು. ರಜಪೂತ್ ಅವರ ದೇಹವು ಬಾಂದ್ರಾದಲ್ಲಿನ ಅವರ ಬಾಡಿಗೆ ನಿವಾಸದಲ್ಲಿ ಜೂನ್ 14ರಂದು ಪತ್ತೆಯಾಗುವ ಐದು ದಿನಗಳ ಮೊದಲು ಅವರು ಸಾವನ್ನಪ್ಪಿದರು.
ರಜಪೂತ್ ಮತ್ತು ಸಾಲಿಯಾನ್ ಸಾವಿನ ನಡುವೆ ಲಿಂಕ್?
ರಜಪೂತ್ ಆತ್ಮಹತ್ಯೆಯಿಂದ ಸಾವಿಗೀಡಾಗಿರುವ ಪ್ರಕರಣವೆಂದು ಪರಿಗಣಿಸುತ್ತಿರುವ ಸಂಸ್ಥೆ, ಈ ವಿಷಯದಲ್ಲಿ ತನ್ನ ಮುಕ್ತಾಯದ ವರದಿಯನ್ನು ಸಲ್ಲಿಸುವ ಮೊದಲು ಯಾವುದಾದರೂ ಒಂದು ಪ್ರಚೋದನೆ ಕೋನದಿಂದ ತನಿಖೆ ನಡೆಸುತ್ತಿದೆ.
"ಸಾಲಿಯಾನ್ ವಿಷಯದಲ್ಲಿ ಗಂಭೀರ ಆರೋಪಗಳನ್ನು ಹೊರಿಸಲಾಗಿದ್ದು ಎರಡು ಸಾವುಗಳ ಮಧ್ಯೆ ಸಂಬಂಧವಿದೆ ಎಂದು ಹೇಳಲಾಗಿದೆ. ಸಾಲಿಯಾನ್ ರಜಪೂತ್ ಗಾಗಿ ಕೆಲಸ ಮಾಡಿದ್ದರಿಂದ, ಆಕೆಯ ಸಾವಿನ ಬಗ್ಗೆ ವಿವರವಾಗಿ ತನಿಖೆ ಮಾಡಲಾಗಿದೆ" ಎಂದು ಅನಾಮಧೇಯ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. "ಸಾಲಿಯಾನ್ ತನ್ನ ಹುಟ್ಟುಹಬ್ಬದ ಪೂರ್ವದಲ್ಲಿ ತನ್ನ ನಿವಾಸದಲ್ಲಿ ಗೆಟ್-ಟುಗೆದರ್ ಅನ್ನು ಆಯೋಜಿಸುತ್ತಿದ್ದಳು ಎಂದು ತನಿಖೆಯಿಂದ ತಿಳಿದು ಬಂದಿದೆ. ಜೂನ್ 8ರ ರಾತ್ರಿ ಪಾರ್ಟಿ ಅದರ ಒಂದು ಭಾಗವಾಗಿತ್ತು. ಆದರೆ, ಆ ರಾತ್ರಿ ಮದ್ಯ ಸೇವಿಸಿದ್ದ ಸಾಲಿಯಾನ್ ಸಮತೋಲನ ಕಳೆದುಕೊಂಡು ಫ್ಲಾಟ್ನ ಪ್ಯಾರಪೆಟ್ನಿಂದ ಜಾರಿ ಬಿದ್ದಿದ್ದಾರೆ ಎಂದು ಹೇಳಲಾಗುತ್ತಿದೆ.
ಪ್ರತ್ಯಕ್ಷದರ್ಶಿಗಳು ನೀಡಿದ ಹೇಳಿಕೆಯಲ್ಲಿ ಏನಿದೆ?
ಗೆಟ್-ಟುಗೆದರ್ ಪಾರ್ಟಿಗೆ ಹಾಜರಾದ ಪ್ರತ್ಯಕ್ಷದರ್ಶಿಗಳ ಹೇಳಿಕೆ ಪ್ರಕಾರ, ಫೊರೆನ್ಸಿಕ್ ವರದಿಗಳು ಮತ್ತು ಪುನರ್ನಿರ್ಮಾಣ ಕಸರತ್ತಿನ ಅವಲೋಕನಗಳನ್ನು ಒಳಗೊಂಡಂತೆ ಸಂಪೂರ್ಣ ತನಿಖೆಯನ್ನು ನಡೆಸಲಾಯಿತು ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
"ಬ್ರಾಂಡ್-ಬಿಲ್ಡಿಂಗ್ ವ್ಯಾಯಾಮಕ್ಕೆ ಸಂಬಂಧಿಸಿದಂತೆ ಕೆಲವು ಚಾಟ್ಗಳನ್ನು ಹೊರತುಪಡಿಸಿ, ಸಾಲಿಯಾನ್ ಮತ್ತು ರಜಪೂತ್ ನಡುವೆ ಹೆಚ್ಚೇನೂ ಕಂಡುಬಂದಿಲ್ಲ. ರಜಪೂತ್ ತನ್ನ ಆತ್ಮಹತ್ಯೆಯ ಹಿಂದಿನ ವಾರದಲ್ಲಿ ಅವನ ಮತ್ತು ಸಾಲಿಯಾನ್ನ ಕುರಿತು ಗೂಗಲ್ ಸುದ್ದಿ ವರದಿಗಳನ್ನು ಹುಡುಕಿದಾಗ, ಅವಳ ಸಾವು ಅವನ ಆತ್ಮಹತ್ಯೆಯನ್ನು ಪ್ರಚೋದಿಸಿತು ಎಂದು ತೋರಿಸಲು ಯಾವುದೇ ಸಾಕ್ಷ್ಯಗಳಿಲ್ಲ. ದುರದೃಷ್ಟವಶಾತ್ ಅವು ಎರಡು ವಿಭಿನ್ನ ಘಟನೆಗಳಾಗಿವೆ," ಎಂದು ಅಧಿಕಾರಿ ಹೇಳಿದರು.