NaMo merchandise: ಎಲ್ಲೆಲ್ಲೋ ನಮೋ ಎಲ್ಲೆಲ್ಲೋ ನಮೋ... ವಿಭಿನ್ನ ಪ್ರಚಾರ ಆರಂಭಿಸಿದ ಬಿಜೆಪಿ
ನವದೆಹಲಿ, ಮಾರ್ಚ್ 21: ಮುಂಬರುವ ಲೋಕಸಭೆ ಚುನಾವಣೆಯ ಮೊದಲ ಹಂತದ ಪ್ರಾರಂಭಕ್ಕೆ ಒಂದು ತಿಂಗಳಿಗಿಂತ ಕಡಿಮೆ ಸಮಯ ಉಳಿದಿರುದೆ. ಮೂರನೇ ಬಾರಿಗೆ ಅಧಿಕಾರದ ಗದ್ದುಗೆ ಏರಲು ಬಿಜೆಪಿ ತುದಿಗಾಲಿನಲ್ಲಿ ನಿಂತಿದೆ. ಈ ಬಾರಿ ನಾನೂರು ಸ್ಥಾನಗಳನ್ನು ಗಳಿಸುವ ಗುರಿ ಹೊಂದಿದೆ. ಇದಕ್ಕಾಘಿಯೇ ವಿಭಿನ್ನವಾಗಿ ಪ್ರಚಾರವನ್ನು ಆರಂಭಿಸಿದೆ.
ಬಿಜೆಪಿ ತನ್ನ 2024 ರ ಚುನಾವಣಾ ಪ್ರಚಾರದ ಭಾಗವಾಗಿ 'NaMo' ವ್ಯಾಪಾರವನ್ನು ಪ್ರಾರಂಭಿಸಿದೆ. ಈ ವ್ಯಾಪಾರ ವ್ಯವಹಾರದಲ್ಲಿ ಕ್ಯಾಪ್ಗಳು, ಟೀ ಶರ್ಟ್ಗಳು, ಮಗ್ಗಳು, ಬ್ಯಾಡ್ಜ್ಗಳು, ಸ್ಟೇಷನರಿಗಳು, ಸ್ಟಿಕ್ಕರ್ಗಳು ಮತ್ತು ಫ್ರಿಜ್ ಮ್ಯಾಗ್ನೆಟ್ಗಳವರೆಗಿನ ಉತ್ಪನ್ನಗಳು ಸಿಗಲಿದೆ. ಎಲ್ಲದರಲ್ಲಿಯೂ 'ನಮೋ' ಎಂಬ ಪ್ರಧಾನಿ ನರೇಂದ್ರ ಮೋದಿಯವರ ಹೆಸರು ಮತ್ತು ಬಿಜೆಪಿಯ "ಅಬ್ಕಿ ಬಾರ್ 400 ಪಾರ್" ಈ ಬಾರಿ 400 ಸ್ಥಾನಗಳು ಂಬುದನ್ನು ಸೂಚಿಸುವ ಘೋಷಣೆ ಇದೆ.
"ಅಬ್ ಕಿ ಬಾರ್ 400 ಪಾರ್", "ಫಿರ್ ಏಕ್ ಬಾರ್ ಮೋದಿ ಸರ್ಕಾರ್", "ಮೋದಿ ಕಿ ಗ್ಯಾರಂಟಿ" ಮತ್ತು "ಮೋದಿ ಹೈ ತೋ ಮುಮ್ಕಿನ್ ಹೈ" ಮೋದಿ ಕಾ ಪರಿವಾರ್ ಮುಂತಾದ ಜನಪ್ರಿಯ ಪ್ರಚಾರ ಘೋಷಣೆಗಳನ್ನು ಈ ಸರಕುಗಳ ಮೇಲೆ ಬರೆಯಲಾಗಿದೆ. ಸರಕುಗಳು ನರೇಂದ್ರ ಮೋದಿ ಆಪ್ನಲ್ಲಿ ಪ್ರತ್ಯೇಕವಾಗಿ ಲಭ್ಯವಿದೆ.
ನಮೋ ವ್ಯಾಪಾರದ ಪ್ರಮುಖ ವಿಷಯವೆಂದರೆ "ಮೋದಿ ಕಾ ಪರಿವಾರ್", ಈ ಚುನಾವಣೆಯ ವೇಳೆ ಪ್ರತಿಪಕ್ಷಗಳನ್ನು ಎದುರಿಸಲು ಬಿಜೆಪಿ ಆರಂಭಿಸಿದ ಹೊಸ ಕ್ಯಾಂಪೇನ್ ಇದು. ರಾಷ್ಟ್ರೀಯ ಜನತಾ ದಳ (ಆರ್ಜೆಡಿ) ಸಂಸ್ಥಾಪಕ ಲಾಲು ಪ್ರಸಾದ್ ಅವರು ಪ್ರಧಾನಿ ವಿರುದ್ಧ ವ್ಯಂಗ್ಯವಾಡಿದ ನಂತರ ಮುಖ್ಯಮಂತ್ರಿಗಳು ಮತ್ತು ಪಕ್ಷದ ಕಾರ್ಯಕರ್ತರು ಸೇರಿದಂತೆ ಹಲವಾರು ಬಿಜೆಪಿ ಸಚಿವರು ತಮ್ಮ ಸಾಮಾಜಿಕ ಮಾಧ್ಯಮ ಹ್ಯಾಂಡಲ್ಗಳಿಗೆ "ಮೋದಿ ಕಾ ಪರಿವಾರ್" ಎಂಬ ಹೆಸರನ್ನು ಸೇರಿಸಿದ್ದಾರೆ.
ಸಂಸತ್ತಿನ ತಮ್ಮ ಕೊನೆಯ ಭಾಷಣದಲ್ಲಿ, ಮುಂಬರುವ ಲೋಕಸಭೆ ಚುನಾವಣೆಯಲ್ಲಿ ಬಿಜೆಪಿ 370 ಸ್ಥಾನಗಳನ್ನು ದಾಟಲಿದೆ ಮತ್ತು ಆಡಳಿತಾರೂಢ ರಾಷ್ಟ್ರೀಯ ಪ್ರಜಾಸತ್ತಾತ್ಮಕ ಒಕ್ಕೂಟ (ಎನ್ಡಿಎ) 400 ರ ಗಡಿ ದಾಟಲಿದೆ ಎಂದು ಪ್ರಧಾನಿ ಮೋದಿ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
ಚುನಾವಣಾ ಪ್ರಚಾರದಲ್ಲಿ, ಕಳೆದ ಚುನಾವಣೆಗಳಿಗೆ ಹೋಲಿಸಿದರೆ ಪ್ರತಿ ಬೂತ್ನಲ್ಲಿ ಹೆಚ್ಚುವರಿ 370 ಮತಗಳನ್ನು ಪೋಲಿಂಗ್ ಮಾಡುವಂತೆ ಮತದಾರರಿಗೆ ಪ್ರಧಾನಿ ಮೋದಿ ಮನವಿ ಮಾಡಿದ್ದಾರೆ. ಭಾರತೀಯ ಜನತಾ ಪಕ್ಷ (ಬಿಜೆಪಿ) 543 ಲೋಕಸಭಾ ಸ್ಥಾನಗಳಲ್ಲಿ 370 ಸ್ಥಾನಗಳನ್ನು ಗೆಲ್ಲಲು ಇದು ತುಂಬಾ ಅವಶ್ಯಕ ಎಂದೂ ಜನರಿಗೆ ತಿಳಿಸಿದ್ದಾರೆ.
ಕಳೆದ ವಾರ, ಚುನಾವಣಾ ಆಯೋಗ ಸಾರ್ವತ್ರಿಕ ಚುನಾವಣೆಯ ದಿನಾಂಕಗಳನ್ನು ಘೋಷಿಸಿದ ನಂತರ, ಪ್ರಧಾನಿ ನರೇಂದ್ರ ಮೋದಿ ಅವರು ಬಿಜೆಪಿಯ ಲೋಕಸಭಾ ಪ್ರಚಾರ ಹಾಡಿನ "ಮೇನ್ ಮೋದಿ ಕಾ ಪರಿವಾರ್ ಹೂನ್" ವೀಡಿಯೊವನ್ನು ಹಂಚಿಕೊಂಡಿದ್ದಾರೆ. ಕಳೆದ 10 ವರ್ಷಗಳಲ್ಲಿ ತಮ್ಮ ಸರ್ಕಾರದ ಸಾಧನೆಗಳನ್ನು ಎತ್ತಿ ತೋರಿಸುವ 3 ನಿಮಿಷಗಳ ವೀಡಿಯೋವನ್ನು ಹಂಚಿಕೊಂಡು, "ಮೇರಾ ಭಾರತ್, ಮೇರಾ ಪರಿವಾರ್ (ನನ್ನ ಭಾರತ, ನನ್ನ ಕುಟುಂಬ)" ಎಂಬ ಶೀರ್ಷಿಕೆ ನೀಡಿದ್ದಾರೆ.
Click it and Unblock the Notifications
Sign in with Google