ತೆಲಂಗಾಣ ವಿಧಾನಸಭೆ ಚುನಾವಣೆಯಲ್ಲಿ ಸ್ಪರ್ಧಿಸುತ್ತಿರುವ ಕೋಟ್ಯಾಧಿಪತಿ ಅಭ್ಯರ್ಥಿಗಳು

ಹೈದರಾಬಾದ್‌, ನವೆಂಬರ್‌ 9: ಮುಂಬರುವ ತೆಲಂಗಾಣ ವಿಧಾನಸಭಾ ಚುನಾವಣೆಗೆ ವಿವಿಧ ಪಕ್ಷಗಳಿಂದ ಸ್ಪರ್ಧಿಸಿರುವ ರಾಜಕೀಯ ಅಭ್ಯರ್ಥಿಗಳು ಚುನಾವಣಾ ಆಯೋಗಕ್ಕೆ ಸಲ್ಲಿಸಿರುವ ಅಫಿಡವಿಟ್‌ನಲ್ಲಿ ತಮ್ಮ ಆಸ್ತಿ ವಿವರಗಳನ್ನು ಸಲ್ಲಿಸಿದ್ದಾರೆ.

ಪಕ್ಷಾತೀತವಾಗಿ ಅನೇಕ ಅಭ್ಯರ್ಥಿಗಳು ಕೋಟ್ಯಾಧಿಪತಿಗಳು ಎಂಬುದನ್ನು ಘೋಷಣೆಗಳು ತೋರಿಸುತ್ತವೆ. ಅವರ ಆಸ್ತಿಗಳು, ಸಾಲಗಳು ಮತ್ತು ಕ್ರಿಮಿನಲ್ ಪ್ರಕರಣಗಳ ವಿವರ ಇಲ್ಲಿ ನೀಡಲಾಗಿದೆ.

ಭೋಂಗಿರ್ ವಿಧಾನಸಭಾ ಕ್ಷೇತ್ರದಿಂದ ಬಿಆರ್‌ಎಸ್ ಟಿಕೆಟ್‌ನಲ್ಲಿ ಸ್ಪರ್ಧಿಸುತ್ತಿರುವ ಪೈಲ್ಲಾ ಶೇಖರ್ ರೆಡ್ಡಿ ಆಡಳಿತ ಪಕ್ಷದ ಅನೇಕ ಶ್ರೀಮಂತ ಶಾಸಕರಲ್ಲಿ ಒಬ್ಬರು. ಅವರ ಬಳಿ 227 ಕೋಟಿ ಮೌಲ್ಯದ ಆಸ್ತಿ ಇರುವುದಾಗಿ ತಿಳಿಸಿದ್ದಾರೆ.

ಶೇಖರ್ ರೆಡ್ಡಿ ಅವರು ಬಿಆರ್‌ಎಸ್ ಸಂಸದ ಕೆ ಪ್ರಭಾಕರ್ ರೆಡ್ಡಿ ಮತ್ತು ಶಾಸಕ ಮರ್ರಿ ಜನಾರ್ದನ್ ರೆಡ್ಡಿ ಅವರೊಂದಿಗೆ ಜಂಟಿ ವ್ಯವಹಾರ ಮಾಡುತ್ತಿದ್ದಾರೆ. ಅವರು ಹೈದರಾಬಾದ್ ಮತ್ತು ಬೆಂಗಳೂರಿನಲ್ಲಿ ಹಲವಾರು ರಿಯಲ್ ಎಸ್ಟೇಟ್ ಉದ್ಯಮಗಳನ್ನು ಹೊಂದಿದ್ದಾರೆ. ಅವರ ಮೇಲೆ ಇತ್ತೀಚಿಗೆ ಐಟಿ ಇಲಾಖೆಯು ದಾಳಿ ನಡೆಸಿದೆ. ಅವರು ಕಾಂಗ್ರೆಸ್‌ನಿಂದ ಅನಿಲ್ ಕುಮಾರ್ ಮತ್ತು ಬಿಪಿಯಿಂದ ಜಿ ನಾರಾಯಣರೆಡ್ಡಿ ವಿರುದ್ಧ ಸ್ಪರ್ಧಿಸಿದ್ದಾರೆ.

ಶೇಖರ್ ರೆಡ್ಡಿಯವರ ಆಸ್ತಿ ಮೌಲ್ಯ:

ಚರಾಸ್ತಿಗಳು: ರೂ 125.06 ಕೋಟಿ (ನಗದು, ಠೇವಣಿಗಳು, ಹೂಡಿಕೆಗಳು, ನಲ್ಲ್ಯಾಂಡ್ ಟೆಕ್ನಾಲಜಿಯಲ್ಲಿನ ಷೇರುಗಳು, ಎಸ್‌ಎಲ್‌ಎಸ್‌ ಖಾಸಗಿ ಲಿಮಿಟೆಡ್, ಹಿಲ್ಯಾಂಡ್ ಟೆಕ್) ಸ್ಥಿರಾಸ್ತಿ: ಕೃಷಿ, ವಾಣಿಜ್ಯ ಕಟ್ಟಡಗಳು ಸೇರಿ 102.42 ಕೋಟಿ ರೂ., ಸಾಲಗಳು: 90 ಕೋಟಿ ರೂ., ಇವರ ಮೇಲೆ ಯಾವುದೇ ಕ್ರಿಮಿನಲ್‌ ಪ್ರಕರಣಗಳಿಲ್ಲ.

ಮರ್ರಿ ಜನಾರ್ದನ ರೆಡ್ಡಿ ಅವರು ನಾಗರ್‌ಕರ್ನೂಲ್ ವಿಧಾನಸಭಾ ಕ್ಷೇತ್ರದಿಂದ ಬಿಆರ್‌ಎಸ್ ಟಿಕೆಟ್‌ನಲ್ಲಿ ಸ್ಪರ್ಧಿಸುತ್ತಿದ್ದಾರೆ. ಅವರು ತಮ್ಮ ಬಳಿ 120 ಕೋಟಿ ರೂಪಾಯಿ ಮೌಲ್ಯದ ಆಸ್ತಿ ಇದೆ ಎಂದು ಘೋಷಿಸಿದ್ದಾರೆ. ಅವರ ಆದಾಯದ ಮೂಲಗಳು ಬಾಡಿಗೆ ಮತ್ತು ಕೃಷಿ ಸೇರಿವೆ.

ಜನಾರ್ದನ ರೆಡ್ಡಿಯವರ ಆಸ್ತಿ ವಿವರ

ಚರಾಸ್ತಿ: 94 ಕೋಟಿ ರೂ., ಸ್ಥಿರಾಸ್ತಿ: 25.9 ಕೋಟಿ ರೂ., ಕ್ರಿಮಿನಲ್ ಪ್ರಕರಣಗಳು: 1 ಪ್ರಕರಣ,

ಹುಜೂರಾಬಾದ್ ಮತ್ತು ಗಜ್ವೇಲ್‌ನ ಬಿಜೆಪಿ ಅಭ್ಯರ್ಥಿ ಈಟಾಳ ರಾಜೇಂದರ್ ಅವರು ತಮ್ಮ ಬಳಿ 53.3 ಕೋಟಿ ಮೌಲ್ಯದ ಆಸ್ತಿ ಇದೆ ಎಂದು ಘೋಷಿಸಿದ್ದಾರೆ. ರಾಜೇಂದರ್ ಮತ್ತು ಅವರ ಪತ್ನಿ ಕಳೆದ ಆರ್ಥಿಕ ವರ್ಷದಲ್ಲಿ 1.6 ಕೋಟಿ ರೂ. ತೋರಿಸಿದ್ದರು.

ಇಟಾಲಾ ರಾಜೇಂದರ್ ಅವರ ಆಸ್ತಿಗಳು, ಸಾಲ:

ಚರಾಸ್ತಿ: 26.1 ಕೋಟಿ ರೂ., ಸ್ಥಿರಾಸ್ತಿ: 27.2 ಕೋಟಿ ರೂ., ಸಾಲ: 19 ಕೋಟಿ ರೂ., ಕ್ರಿಮಿನಲ್ ಪ್ರಕರಣಗಳು: 40 ಪ್ರಕರಣಗಳು.

ನಲ್ಗೊಂಡ ಜಿಲ್ಲೆಯ ಕಾಂಗ್ರೆಸ್ ಅಭ್ಯರ್ಥಿ ಕೋಮಟಿರೆಡ್ಡಿ ವೆಂಕಟ್ ರೆಡ್ಡಿ ಕಳೆದ ಆರ್ಥಿಕ ವರ್ಷದಲ್ಲಿ 1.8 ಕೋಟಿ ರೂ. ಇದೆ ಎಂದು ಘೋಷಿಸಿದ್ದಾರೆ.

ಕೋಮಟಿರೆಡ್ಡಿ ವೆಂಕಟ್ ರೆಡ್ಡಿ ಅವರ ಆಸ್ತಿ:

ಅವರ ಚರಾಸ್ತಿ: 11 ಕೋಟಿ ರೂ., ಸ್ಥಿರಾಸ್ತಿ: 27 ಕೋಟಿ ರೂ., ಕ್ರಿಮಿನಲ್ ಪ್ರಕರಣಗಳು: 5.

ಮೇಡ್ಚಲ್‌ನ ಬಿಆರ್‌ಎಸ್ ಅಭ್ಯರ್ಥಿ ಮಲ್ಲಾ ರೆಡ್ಡಿ ಅವರು ಒಟ್ಟು 98.6 ಕೋಟಿ ರೂಪಾಯಿ ಮೌಲ್ಯದ ಆಸ್ತಿಯನ್ನು ಘೋಷಿಸಿದ್ದಾರೆ ಮತ್ತು ಅವರ ಆದಾಯದ ಮೂಲಗಳು ವ್ಯಾಪಾರ, ಕೃಷಿ ಮತ್ತು ಸಂಬಳ. ಅವರು ಹೈದರಾಬಾದ್‌ನಲ್ಲಿ ಮಲ್ಲಾ ರೆಡ್ಡಿ ಸಮೂಹ ಸಂಸ್ಥೆಗಳನ್ನು ನಡೆಸುತ್ತಿದ್ದಾರೆ.

ಆಸ್ತಿ ವಿವರ:

ಚರಾಸ್ತಿ: 5.6 ಕೋಟಿ ರೂ., ಸ್ಥಿರಾಸ್ತಿ: 93 ಕೋಟಿ ರೂ., ಕ್ರಿಮಿನಲ್ ಪ್ರಕರಣಗಳು: 1.

ಖಮ್ಮಂನ ಬಿಆರ್‌ಎಸ್ ಅಭ್ಯರ್ಥಿಯಾಗಿರುವ ಸಚಿವ ಪುವ್ವಾಡ ಅಜಯ್ ಕುಮಾರ್ ಕಳೆದ ಆರ್ಥಿಕ ವರ್ಷದಲ್ಲಿ 2.5 ಕೋಟಿ ರೂ. ಆಸ್ತಿಯನ್ನು ಘೋಷಿಸಿದ್ದಾರೆ.

ಆಸ್ತಿ ಮತ್ತು ಸಾಲ:

ಚರಾಸ್ತಿ: 12 ಕೋಟಿ ರೂ., ಸ್ಥಿರಾಸ್ತಿ: 39 ಕೋಟಿ (ಕೃಷಿ ಜಮೀನು, ನಿವೇಶನ) 1 ಕೋಟಿ ಮೌಲ್ಯದ ಆಭರಣ, ಕ್ರಿಮಿನಲ್ ಪ್ರಕರಣಗಳು: 1.

ಇತರೆ ಅಭ್ಯರ್ಥಿಗಳ ಪೈಕಿ ಬಿಆರ್‌ಎಸ್‌ನ ದಾನಂ ನಾಗೇಂದರ್ 68 ಕೋಟಿ ರೂ., ಕಾಂಗ್ರೆಸ್ ಅಭ್ಯರ್ಥಿ ಸೀತಕ್ಕ 82 ಲಕ್ಷ ರೂ., ಬಿಜೆಪಿ ಅಭ್ಯರ್ಥಿ ಮರ್ರಿ ಶಶಿಧರ್ ರೆಡ್ಡಿ 51 ಕೋಟಿ ರೂ. ಆಸ್ತಿ ಇದೆ ಎಂದು ಘೋಷಿಸಿದ್ದಾರೆ.

English summary

Political candidates contesting from various parties for the upcoming Telangana assembly elections have submitted their property details in an affidavit submitted to the Election Commission.