ಭಾರತದಲ್ಲಿನ ತನ್ನ ತಂಡದ ಪುನರ್ರಚನೆಗೆ ಮುಂದಾದ ಟ್ವಿಟ್ಟರ್
ನವದೆಹಲಿ, ಫೆಬ್ರವರಿ 12: ಭಾರತ ಸರ್ಕಾರದ ಜೊತೆಗೆ ಉತ್ತಮ ಸಂವಹನಕ್ಕಾಗಿ ಟ್ವಿಟ್ಟರ್ ಭಾರತದಲ್ಲಿನ ತನ್ನ ತಂಡದ ಪುನರ್ರಚನೆ ಮುಂದಾಗಿದೆ ಎಂದು ಮೂಲಗಳು ತಿಳಿಸಿವೆ.
ಭಾರತದಲ್ಲಿನ ತನ್ನ ಕಚೇರಿಯಲ್ಲಿ ಹೆಚ್ಚಿನ ಹಿರಿಯ ಅಧಿಕಾರಿಗಳನ್ನು ನಿಯೋಜಿಸಲು ಮತ್ತು ಕಾನೂನು ಅಡಚಣೆಗೆ ಎದುರಾಗುವ ಸಮಸ್ಯೆಗಳನ್ನು ಉತ್ತಮವಾಗಿ ನಿಭಾಯಿಸಲು ಹೊಸ ತಂಡ ರಚನೆಗೆ ಮುಂದಾಗಲಿದೆ ಎಂದು ಹಿರಿಯ ಸರ್ಕಾರಿ ಅಧಿಕಾರಿಗಳು ದಿ ಇಂಡಿಯನ್ ಎಕ್ಸ್ಪ್ರೆಸ್ಗೆ ತಿಳಿಸಿದ್ದಾರೆ.
ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವಾಲಯ ಅಧಿಕಾರಿಗಳೊಂದಿಗೆ ಬುಧವಾರ ನಡೆದ ಸಭೆಯಲ್ಲಿ ಟ್ವಿಟರ್ನ ಕಾರ್ಯ ನಿರ್ವಾಹಕ ಅಧಿಕಾರಿಗಳು ಕೆಲವೊಂದು ರಚನಾತ್ಮಕ ಬದಲಾವಣೆಗೆ ಒಪ್ಪಿದ್ದಾರೆ ಎನ್ನಲಾಗಿದೆ. ಭಾರತ ಸರ್ಕಾರ ಮತ್ತು ಟ್ವಿಟ್ಟರ್ನ ತಂಡದ ನಡುವೆ ಉತ್ತಮ ಸಂವಹನಕ್ಕಾಗಿ ಕೆಲವು ಬದಲಾವಣೆಗಳನ್ನು ತರಲು ಮುಂದಾಗಿದೆ.
ಭಾರತದಲ್ಲಿನ ಉನ್ನತ ನಿರ್ವಹಣೆಯಲ್ಲಿನ ರಚನಾತ್ಮಕ ಬದಲಾವಣೆಗಳಿಗೆ ಟ್ವಿಟರ್ ಮುಂದಾಗಿದೆಯೇ ಎಂದು ಕೇಳಿದ ಪ್ರಶ್ನೆಗೆ ಕಂಪನಿಯ ವಕ್ತಾರರು ಪ್ರತಿಕ್ರಿಯಿಸಲು ನಿರಾಕರಿಸಿದ್ದಾರೆ.
ಟ್ವಿಟ್ಟರ್ ಕೆಲವು ವಿಷಯವನ್ನು ಏಕೆ ನಿರ್ಬಂಧಿಸಿಲ್ಲ ಎಂದು ವಿವರಿಸಲು ಟ್ವಿಟರ್ನ ಜಾಗತಿಕ ಸಾರ್ವಜನಿಕ ನೀತಿಯ ಉಪಾಧ್ಯಕ್ಷ ಮೋನಿಕ್ ಮೆಚೆ ಮತ್ತು ಉಪ ಸಾಮಾನ್ಯ ಸಲಹೆಗಾರ ಮತ್ತು ಉಪಾಧ್ಯಕ್ಷ (ಕಾನೂನು) ಜಿಮ್ ಬೇಕರ್ ಅವರು ಐಟಿ ಸಚಿವಾಲಯದ ಹಿರಿಯ ಅಧಿಕಾರಿಗಳನ್ನು ಭೇಟಿಯಾಗಿದ್ದರು.
Click it and Unblock the Notifications
Sign in with Google