Bank Holidys in April: ಏಪ್ರಿಲ್‌ನಲ್ಲಿ ಬರೋಬ್ಬರಿ 12 ದಿನ ಬ್ಯಾಂಕ್‌ಗಳು ಬಂದ್, ಅಪ್ಡೇಟ್ಸ್

Bank Holidays updates: ಕರ್ನಾಟಕ ಸೇರಿದಂತೆ ಭಾರತದಾದ್ಯಂತ ಎಲ್ಲ ಸ್ಥಳೀಯ ಮತ್ತು ರಾಷ್ಟ್ರೀಕೃತ ಬ್ಯಾಂಕ್‌ಗಳು ಹಣಕಾಸು ವಾರ್ಷಂತ್ಯದ ಹೊಸ್ತಿಲಲ್ಲಿವೆ. ಹಣಕಾಸು ವ್ಯವಹಾರ, ಲೆಕ್ಕ, ದಾಖಲಾತಿ ಕೆಲಸಗಳಲ್ಲಿ ಮುಳುಗಿವೆ. ಏಕೆಂದರೆ ಮಾರ್ಚ್ 31ರಂದು 2024-2025ರ ಆರ್ಥಿಕ ವರ್ಷ ಕೊನೆಗೊಳ್ಳಲಿದೆ. ಏಪ್ರಿಲ್ 1ರಿಂದ 2025-2026ರ ಹೊಸ ಹಣಕಾಸು ವರ್ಷ ಶುರುವಾಗುತ್ತದೆ. ವರ್ಷದ ಮೊದಲ ತಿಂಗಳೇ (ಏಪ್ರಿಲ್‌) ಬ್ಯಾಂಕ್‌ಗಳಿಗೆ ಭರ್ಜರಿ ರಜೆ ಘೋಷಣೆ ಆಗಿವೆ.

ಹೌದು, ಏಪ್ರಿಲ್‌ನಲ್ಲಿ ಬ್ಯಾಂಕ್‌ಗಳು ಎಷ್ಟು ರಜೆ ಇರಲಿವೆ ಎಂಬುದನ್ನು ಗ್ರಾಹಕರು ಗಮನಿಸುತ್ತಿರುತ್ತೀರಿ. ಕಳೆದ ಎರಡು ತಿಂಗಳಿಂದಲೂ ವಿವಿಧ ಕಾರಣಗಳಿಗೆ ಬ್ಯಾಂಕ್‌ಗಳಿಗೆ ಹಾಲಿಡೇ ಪಡೆದಿವೆ. ಇದೀಗ ಮುಂದಿನ ಏಪ್ರಿಲ್‌ನಲ್ಲಿ ಕರ್ನಾಟಕದಲ್ಲಿ ಬ್ಯಾಂಕ್‌ಗಳು 12 ದಿನ ರಜೆ ಪಡೆದಿವೆ. ಏಪ್ರಿಲ್‌ನಲ್ಲಿ ಅರ್ಧ ತಿಂಗಳು ಮಾತ್ರವೇ ಬ್ಯಾಂಕ್ ಗಳು ಕಾರ್ಯಾಚರಣೆ ಮಾಡುತ್ತವೆ ಎನ್ನಲಾಗಿದೆ. ಹೇಗೆ ಅಂತಿರಾ? ಇಲ್ಲಿದೆ ವಿವರ.

ಕರ್ನಾಕದಲ್ಲಿ 10 ಏಪ್ರಿಲ್ 2025 ರಂದು ಮಹಾವೀರ ಜಯಂತಿ ಪ್ರಯುಕ್ತ ಬ್ಯಾಂಕ್‌ಗಳು ರಜೆ ಇರಲಿವೆ. ನಂತರ ಏಪ್ರಿಲ್ 12ರಂದು ಎರಡನೇ ಶನಿವಾರ, ಏಪ್ರಿಲ್ 14 ರಂದು ಡಾ. ಅಂಬೇಡ್ಕರ್ ಜಯಂತಿ, ಏಪ್ರಿಲ್ 18 ರಂದು ಶುಭ ಶುಕ್ರವಾರ (ಗುಡ್‌ಫ್ರೈಡೆ), ಏಪ್ರಿಲ್ 26 ರಂದು ನಾಲ್ಕನೇ ಶನಿವಾರ ಮತ್ತು ಏಪ್ರಿಲ್ 30ರಂದು ಬಸವ ಜಯಂತಿ ಆಚರಣೆಗಳು ಬರುತ್ತವೆ. ಇದು ನೋಡಿದರೆ ಒಟ್ಟು 06 ದಿನಗಳು ಬ್ಯಾಂಕ್‌ಗಳು ಬಂದ್ ಆಗಿರಲಿವೆ.

ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್‌ಬಿಐ) ಇತ್ತೀಚೆಗೆ ಬ್ಯಾಂಕಿಂಗ್ ರಜೆ ನಿಯಮಗಳಲ್ಲಿ ತಿದ್ದುಪಡಿ ಮಾಡಿದೆ. ಈ ಕಾರಣದಿಂದಲೇ ಬರುವ ಆರ್ಥಿಕ ವರ್ಷದಿಂದ ದೇಶದ ಎಲ್ಲ ಬ್ಯಾಂಕ್‌ಗಳು ವಾರಕ್ಕೆ 05 ದಿನ ಮಾತ್ರವೇ ಕೆಲಸ ಮಾಡಬೇಕು. ವಾರದಲ್ಲಿ ಎರಡು ದಿನ ರಜೆ ಪಡೆಯುವ ಹೊಸ ನಿಯಮ ಏಪ್ರಿಲ್ 1ರಿಂದಲೇ ಜಾರಿಗೆ ಬರಲಿವೆ ಎಂದು ತಿಳಿಸಿದೆ.

ಈ ಹೊಸ ನಿಯಮ ಪ್ರಕಾರ, ಬ್ಯಾಂಕ್‌ಗಳಿಗೆ ಇನ್ಮುಂದೆ ಪ್ರತಿ ತಿಂಗಳು 04 ಕೆಲವೊಮ್ಮೆ 05 ಭಾನುವಾರಗಳ ಜೊತೆಗೆ ಎರಡನೇ ಶನಿವಾರ ಮತ್ತು ನಾಲ್ಕನೇ ಶನಿವಾರ ಪಡೆಯುತ್ತಿದ್ದ ರಜೆಗಳು ಎಲ್ಲ ಶನಿವಾರಗಳಿಗೂ (1ನೇ ಶನಿವಾರ ಮತ್ತು 3ನೇ ಶನಿವಾರ) ವಿಸ್ತರಣೆ ಆಗಿದೆ. ಹೀಗಾಗಿ ಹೆಚ್ಚಿನ ದಿನಗಳು ಬ್ಯಾಂಕ್ ಬಂದ್ ಆಗಿರಲಿವೆ. ಗ್ರಾಹಕರು ಗಮನಿಸಿ ವ್ಯವಹರಿಸಬೇಕೆಂದು ಕೋರಿದೆ.

ಏಪ್ರಿಲ್‌ನಲ್ಲಿ ಬ್ಯಾಂಕ್‌ಗಳು ಒಟ್ಟು ರಜೆಗಳ ಪಟ್ಟಿ

05 ಏಪ್ರಿಲ್ 2025 ಮೊದಲ ಶನಿವಾರ

06 ಏಪ್ರಿಲ್ 2025 ಮೊದಲ ಭಾನುವಾರ

10 ಏಪ್ರಿಲ್ 2025 ಮಹಾವೀರ ಜಯಂತಿ

12 ಏಪ್ರಿಲ್ 2025 ಎರಡನೇ ಶನಿವಾರ

13 ಏಪ್ರಿಲ್ 2025 ಎರಡನೇ ಭಾನುವಾರ

14 ಏಪ್ರಿಲ್ 2025 ಡಾ. ಅಂಬೇಡ್ಕರ್ ಜಯಂತಿ

18 ಏಪ್ರಿಲ್ 2025 ಶುಭ ಶುಕ್ರವಾರ

19 ಏಪ್ರಿಲ್ 2025 ಮೂರನೇ ಶನಿವಾರ

20 ಏಪ್ರಿಲ್ 2025 ಮೂರನೇ ಭಾನುವಾರ

26 ಏಪ್ರಿಲ್ 2025 ನಾಲ್ಕನೇ ಶನಿವಾರ

27 ಏಪ್ರಿಲ್ 2025 ನಾಲ್ಕನೇ ಭಾನುವಾರ

30 ಏಪ್ರಿಲ್ 2025 ಬಸವ ಜಯಂತಿ

ಇಲ್ಲಿ ಗಮನಿಸಬೇಕಾದ ಅಂಶವೆಂದರೆ ಮೇಲಿನ ರಜೆ ಪಟ್ಟಿ ಕರ್ನಾಟಕಕ್ಕೆ ಸಂಬಂಧಿಸಿದಂತಾಗಿದೆ. ವಾರದ ಎರಡು ದಿನ ರಜೆ ದೇಶದ ಎಲ್ಲ ಬ್ಯಾಂಕ್‌ಗಳಿಗೆ ಅನ್ವಯಿಸಲಿದೆ. ಆಯಾ ರಾಜ್ಯಗಳಲ್ಲಿ ಕೆಲವು ಹಬ್ಬ ಹರಿದಿನಗಳ ಹಿನ್ನೆಲೆಯಲ್ಲಿ ಬ್ಯಾಂಕ್ ರಜೆಗಳಲ್ಲಿ ಕೊಂಚ ವ್ಯತ್ಯಾಸವಾಗಲಿವೆ.

English summary

Bank Holidays 2025 latest update in Kannada: How many days bank holidays in april 2025, Know Bank Holidays full list of as per RBI guidelines. Bank Holidays in Karnataka.