8th Pay Commission: 8ನೇ ವೇತನ ಆಯೋಗಕ್ಕೆ ಸಂಬಂಧಿಸಿದಂತೆ ಬಿಗ್ ಅಪ್‌ಡೇಟ್

ನವದೆಹಲಿ, ಮೇ. 26: ಕೇಂದ್ರ ಸರ್ಕಾರಿ ನೌಕರರು ಲೋಕಸಭಾ ಚುನಾವಣೆ ಯಾವಾಗ ಮುಗಿಯುತ್ತದೆ ಎಂಬುದನ್ನು ಕಾಯುತ್ತಲೇ ಇದ್ದಾರೆ. ಇದಕ್ಕೆ ಕಾರಣ ಕೂಡ ಇದೆ. ಅವರಿಗೆ 8ನೇ ವೇತನ ಆಯೋಗವನ್ನು ಯಾವಾಗ ರಚಿಸುತ್ತದೆ ಎಂಬ ಬಗ್ಗೆ ತಿಳಿದುಕೊಳ್ಳುವ ಬಗ್ಗೆ ಹೆಚ್ಚು ಕಾತುರವಿದೆ. ಅದೇ ವಿಷಯದಲ್ಲಿ ಹೆಚ್ಚು ಚಿಂತಗೆ ಒಳಗಾಗಿದ್ದಾರೆ.

ಕೇಂದ್ರ ಸರ್ಕಾರ ಶೀಘ್ರವೇ 8ನೇ ವೇತನ ಆಯೋಗವನ್ನು ರಚಿಸಬಹುದೆಂಬ ಸಂಪೂರ್ಣ ಭರವಸೆಯನ್ನು ನೌಕರರು ಹೊಂದಿದ್ದಾರೆ. ಈಗ ಅವರಿಗೆ ದೊಡ್ಡ ಗಿಫ್ಟ್ ಕೂಡ ಆಗಲಿದೆ. 8ನೇ ವೇತನ ಆಯೋಗ ರಚನೆಯಾಗಿ ವರದಿ ಜಾರಿಯಾದರೆ ಉದ್ಯೋಗಿಗಳ ವೇತನದಲ್ಲಿ ದಾಖಲೆಯ ಹೆಚ್ಚಳಕ್ಕೆ ಕಾರಣವಾಗುವ ನಿರೀಕ್ಷೆಯಿದೆ. ಹೀಗಾಗಿ ವೇತನ ಆಯೋಗದ ರಚನೆಗೆ ಸರ್ಕಾರ ನೌಕರರು ಜಾತಕ ಪಕ್ಷಿಯಂತೆ ಕಾಯುತ್ತಿದ್ದಾರೆ.

ಆರನೇ ವೇತನ ಆಯೋಗಕ್ಕಿಂತ ಡಬಲ್ ಸಂಬಳ!

ಎಂಟನೇ ವೇತನ ಆಯೋಗದ ರಚನೆಯ ಬಗ್ಗೆ ಇನ್ನೂ ಅಧಿಕೃತವಾಗಿ ಸರ್ಕಾರ ಏನನ್ನೂ ಹೇಳಿಲ್ಲ, ಆದರೆ ಮಾಧ್ಯಮ ವರದಿ, ಮೂಲಗಳ ಪ್ರಕಾರ, ಲೋಕಸಭಾ ಚುನಾವಣೆಯ ಫಲಿತಾಂಶ ಬಂದ ನಂತರ ಈ ಬಗ್ಗೆ ಮಹತ್ವದ ನಿರ್ಧಾರವನ್ನು ತೆಗೆದುಕೊಳ್ಳಲಾಗುವುದು ಎಂದು ನಿರೀಕ್ಷಿಸಲಾಗಿದೆ. ಈಗ ವೇತನ ಆಯೋಗ ರಚನೆಯಾದರೆ ಅದು ಜಾರಿಯಾಗಲು ಎರಡು ವರ್ಷವಂತೂ ಆಗಲಿದೆ.

ಹೊಸ ಸರಕಾರ ರಚನೆಯಾದ ನಂತರ 8ನೇ ವೇತನ ಆಯೋಗದ ಕುರಿತು ಮಹತ್ವದ ನಿರ್ಧಾರ ಕೈಗೊಳ್ಳಲಾಗುವುದು ಎಂಬ ಊಹಾಪೋಹಗಳು ಕೇಳಿಬರುತ್ತಿದ್ದು, ಹಲವು ನೌಕರರ ಸಂಘಟನೆಗಳು ಬೇಡಿಕೆ ಇಟ್ಟಿವೆ. ಇನ್ನು, ಈ ವೇತನ ಆಯೋಗದ ವರದಿ ಜಾರಿಯಾದರೆ, ಆರನೇ ವೇತನ ಆಯೋಗಕ್ಕಿಂತ ಹೆಚ್ಚು ಸಂಬಳ ಹೆಚ್ಚಾಗಬಹುದು.

2026 ರಲ್ಲಿ 8ನೇ ವೇತನ ಆಯೋಗ ಜಾರಿ?

ಈ ಹಿಂದೆ 2014 ರಲ್ಲಿ 7ನೇ ವೇತನ ಆಯೋಗವನ್ನು ರಚಿಸಲಾಗಿತ್ತು. ಪ್ರತಿ ಹತ್ತು ವರ್ಷಗಳಿಗೊಮ್ಮೆ ಹೊಸ ವೇತನ ಆಯೋಗವನ್ನು ರಚಿಸಲಾಗುತ್ತದೆ, ಇದು ನಿಖರವಾಗಿ ಎರಡು ವರ್ಷಗಳ ನಂತರ ಜಾರಿಗೆ ಬರುತ್ತದೆ. 8ನೇ ವೇತನ ಆಯೋಗ ರಚನೆಯಾದರೆ, ಅದನ್ನು 2026 ರಲ್ಲಿ ಜಾರಿಗೊಳಿಸುವ ಬಗ್ಗೆ ಅಂತಿಮ ನಿರ್ಧಾರವನ್ನು ತೆಗೆದುಕೊಳ್ಳಲಾಗುತ್ತದೆ. ಇದು ಸಂಬಳದಲ್ಲಿ ಬಂಪರ್ ಹೆಚ್ಚಳಕ್ಕೆ ಕಾರಣವಾಗುತ್ತದೆ.

ಸರ್ಕಾರಿ ಮೂಲಗಳಿಂದ ಬಂದಿರುವ ಮಾಹಿತಿಯ ಪ್ರಕಾರ, 7ನೇ ವೇತನ ಆಯೋಗಕ್ಕೆ ಹೋಲಿಸಿದರೆ 8ನೇ ವೇತನ ಆಯೋಗದಲ್ಲಿ ವೇತನ ಹೆಚ್ಚಾಗುವ ನಿರೀಕ್ಷೆಯಿದೆ. ಇದು ಸಂಭವಿಸಿದಲ್ಲಿ, ಉದ್ಯೋಗಿಗಳ ಮೂಲ ವೇತನವೂ ಹಲವಾರು ಪ್ರತಿಶತದಷ್ಟು ಹೆಚ್ಚಾಗುತ್ತದೆ. ನಾಲ್ಕನೇ ವೇತನ ಆಯೋಗ ಜಾರಿಗೆ ಬಂದಾಗ ನೌಕರರ ವೇತನ ಶೇ.27.6ರಷ್ಟು ಏರಿಕೆಯಾಗಿದೆ. ಇದಾದ ಬಳಿಕ ಐದನೇ ಆಯ್ಕೆ ಆಯೋಗದಲ್ಲಿ ಸರ್ಕಾರ ನೌಕರರಿಗೆ ಶೇ.31ರಷ್ಟು ವೇತನ ಹೆಚ್ಚಿಸುವ ಮೂಲಕ ದೊಡ್ಡ ಉಡುಗೊರೆ ನೀಡಿದೆ.

ಆರನೇ ವೇತನ ಆಯೋಗದಲ್ಲಿ ಫಿಟ್‌ಮೆಂಟ್ ಅಂಶವನ್ನು ಅಳವಡಿಸಲಾಗಿತ್ತು, ಆ ಸಮಯದಲ್ಲಿ ಅದನ್ನು 1.86 ಪಟ್ಟು ಇರಿಸಲಾಗಿತ್ತು. ಇದರಿಂದಾಗಿ ಉದ್ಯೋಗಿಗಳ ಸಂಬಳದಲ್ಲಿ ಬಂಪರ್ ಹೆಚ್ಚಳವಾಗಿದೆ. ಇದರಿಂದಾಗಿ ಮೂಲ ವೇತನವೂ 7 ಸಾವಿರ ರೂ.ಗೆ ಏರಿಕೆಯಾಗಿದೆ. ಏಳನೇ ವೇತನ ಆಯೋಗವನ್ನು 2016 ರಲ್ಲಿ ಜಾರಿಗೆ ತರಲಾಯಿತು.

ಇದರಲ್ಲೂ ಫಿಟ್‌ಮೆಂಟ್ ಅಂಶವನ್ನು 2.57 ಪಟ್ಟು ಹೆಚ್ಚಿಸಲಾಗಿದೆ. ಹಳೆಯ ವೇತನ ಶ್ರೇಣಿಯನ್ನು ಆಧಾರವಾಗಿ ಪರಿಗಣಿಸಿ 8 ನೇ ವೇತನ ಆಯೋಗವನ್ನು ರಚಿಸಿದರೆ, ನಂತರ ಫಿಟ್‌ಮೆಂಟ್ ಅಂಶದಲ್ಲಿ ಹೆಚ್ಚಳ ಸಾಧ್ಯವಾಘಲಿದೆ. ಇದರೊಂದಿಗೆ ನೌಕರರ ಕನಿಷ್ಠ ವೇತನ 26,000 ರೂಪಾಯಿಗೆ ಏರಿಕೆಯಾಗಲಿದೆ.

English summary

8th Pay Commission: Big update regarding 8th Pay Commission for central government employees. Know more details.