ಪುಣೆಗೆ ಶೀಘ್ರದಲ್ಲೇ 2ನೇ ವಂದೇ ಭಾರತ್ ಎಕ್ಸ್ಪ್ರೆಸ್ ರೈಲು
ಹೊಸ ವಂದೇ ಭಾರತ್ ಶೀಘ್ರದಲ್ಲೇ ಕಾರ್ಯಾಚರಣೆಯನ್ನು ಪುಣೆಯಲ್ಲಿ ಪ್ರಾರಂಭಿಸುವ ನಿರೀಕ್ಷೆಯಿದೆ. ಈ ರೈಲು ದಕ್ಷಿಣ-ಮಧ್ಯ ರೈಲ್ವೆ ಅಡಿಯಲ್ಲಿ ಬರುವ ಸಿಕಂದರಾಬಾದ್ ರೈಲು ವಿಭಾಗಕ್ಕೆ ಸೇರುತ್ತದೆ.
ಪುಣೆ, ಮಾರ್ಚ್ 1: ಪುಣೆ ನಗರಕ್ಕೆ ಮತ್ತೊಂದು ಹೊಸ ವಂದೇ ಭಾರತ್ ರೈಲು ಸಿಗುವ ಸಾಧ್ಯತೆ ಇದೆ. ಸಿಕಂದರಾಬಾದ್-ಪುಣೆ ನಡುವಿನ ಶತಾಬ್ದಿ ಎಕ್ಸ್ಪ್ರೆಸ್ ಅನ್ನು ಈ ವರ್ಷದ ಏಪ್ರಿಲ್ನಲ್ಲಿ ಒಡಿಸಲು ಭಾರತೀಯ ರೈಲ್ವೆ ಚಿಂತನೆ ನಡೆಸಿದೆ.
ಹೊಸ ವಂದೇ ಭಾರತ್ ಶೀಘ್ರದಲ್ಲೇ ಕಾರ್ಯಾಚರಣೆಯನ್ನು ಪುಣೆಯಲ್ಲಿ ಪ್ರಾರಂಭಿಸುವ ನಿರೀಕ್ಷೆಯಿದೆ. ಈ ರೈಲು ದಕ್ಷಿಣ-ಮಧ್ಯ ರೈಲ್ವೆ ಅಡಿಯಲ್ಲಿ ಬರುವ ಸಿಕಂದರಾಬಾದ್ ರೈಲು ವಿಭಾಗಕ್ಕೆ ಸೇರುತ್ತದೆ. ಶತಾಬ್ದಿ ಎಕ್ಸ್ಪ್ರೆಸ್ ರೈಲುಗಳನ್ನು ವಂದೇ ಭಾರತ್ ಹಳಿಗಳೊಂದಿಗೆ ಬದಲಾಯಿಸಲು ರೈಲ್ವೆ ಈಗಾಗಲೇ ನಿರ್ಧರಿಸಿದೆ ಎಂದು ರೈಲ್ವೆ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಸೆಂಟ್ರಲ್ ರೈಲ್ವೇ ಈಗಾಗಲೇ ಎರಡು ವಂದೇ ಭಾರತ್ ಎಕ್ಸ್ಪ್ರೆಸ್ ರೈಲುಗಳನ್ನು ಹೊಂದಿದೆ. ಅದರಲ್ಲಿ ಛತ್ರಪತಿ ಶಿವಾಜಿ ಮಹಾರಾಜ್ ಟರ್ಮಿನಲ್ನಿಂದ ಸೋಲಾಪುರ ಮತ್ತು ಮತ್ತೊಂದು ಶಿರಡಿಗೆ ಸಂಚಾರ ನಡೆಸುತ್ತವೆ. ಛತ್ರಪತಿ ಶಿವಾಜಿ ಮಹಾರಾಜ್ ಟರ್ಮಿನಲ್ನಿಂದ ಸೊಲ್ಲಾಪುರಕ್ಕೆ ಸರಾಸರಿ ರೈಲು ಪ್ರಯಾಣಿಕರ ಸಂಖ್ಯೆ 90% ರಷ್ಟಿದೆ. ಇದಲ್ಲದೆ ಈ ರೈಲು ಪುಣೆ ಮತ್ತು ಮುಂಬೈ ನಡುವೆ ಕೊಂಡಿಯಾಗಿ ಕಾರ್ಯನಿರ್ವಹಿಸುತ್ತದೆ. ವಂದೇ ಭಾರತ್ ರೈಲನ್ನು ಹೌರಾ-ಪುಣೆ ದುರಂತೋ ಎಕ್ಸ್ಪ್ರೆಸ್ ಬದಲಾಗಿ ಸಂಚಾರಕ್ಕೆ ತರಲು ಉದ್ದೇಶಿಸಲಾಗಿದೆ.
ಆದಾಗ್ಯೂ ವಂದೇ ಭಾರತ್ ರೈಲುಗಳು ದುರಂತೋ ರೈಲಿಗಿಂತ ಭಿನ್ನವಾಗಿ ಪ್ರಯಾಣಿಕರಿಗೆ ಚೇರ್ ಕಾರ್ಗಳನ್ನು ಮಾತ್ರ ಹೊಂದಿರುವುದರಿಂದ ಸ್ವಲ್ಪ ಸಮಯ ತೆಗೆದುಕೊಳ್ಳಬಹುದು. ಇದು ಸ್ಲೀಪರ್ ಕ್ಲಾಸ್ ಕೋಚ್ಗಳನ್ನು ಸಹ ಹೊಂದಿದೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಕೇಂದ್ರ ರೈಲ್ವೇ ಸಚಿವ ಅಶ್ವಿನಿ ವೈಷ್ಣವ್ ಅವರು ಮುಂದಿನ ಹಣಕಾಸು ವರ್ಷದ ಅಂತ್ಯದ ವೇಳೆಗೆ ಪ್ರತಿ ವಾರ ಎರಡು ಅಥವಾ ಮೂರು ಹೊಸ ವಂದೇ ಭಾರತ್ ರೈಲುಗಳನ್ನು ಹೊರತರಲು ಸಾಧ್ಯವಾಗುತ್ತದೆ ಎಂದು ಇತ್ತೀಚೆಗೆ ಹೇಳಿದ್ದಾರೆ.
ಮುಂದಿನ ಮೂರು ವರ್ಷಗಳಲ್ಲಿ 400 ಹೊಸ ವಂದೇ ಭಾರತ್ ರೈಲುಗಳನ್ನು ಪರಿಚಯಿಸಲಾಗುವುದು ಎಂದು ಹಣಕಾಸು ಸಚಿವ ನಿರ್ಮಲಾ ಸೀತಾರಾಮನ್ ಕಳೆದ ವರ್ಷ ಘೋಷಿಸಿದ್ದರು. ವಂದೇ ಭಾರತ್ ಎಕ್ಸ್ಪ್ರೆಸ್ ವಿಮಾನದಂತಹ ಪ್ರಯಾಣದ ಅನುಭವವನ್ನು ನೀಡುತ್ತದೆ. ಇದು ಗರಿಷ್ಠ 160 kmph ವೇಗದಲ್ಲಿ ಚಲಿಸಬಲ್ಲದು. ಅಲ್ಲದೆ ಶತಾಬ್ದಿ ರೈಲಿನಂತಹ ಪ್ರಯಾಣ ಕೋಚ್ಗಳನ್ನು ಮಾತ್ರವಲ್ಲ ಉತ್ತಮ ಸೌಲಭ್ಯಗಳನ್ನು ಹೊಂದಿದೆ. ಪ್ರಧಾನಮಂತ್ರಿಯವರ "ಮೇಕ್ ಇನ್ ಇಂಡಿಯಾ" ದೃಷ್ಟಿಕೋನಕ್ಕೆ ಅನುಗುಣವಾಗಿ ರೈಲಿನ ಪ್ರಮುಖ ವ್ಯವಸ್ಥೆಗಳನ್ನು ಭಾರತದಲ್ಲಿ ವಿನ್ಯಾಸಗೊಳಿಸಲಾಗಿದೆ ಮತ್ತು ನಿರ್ಮಿಸಲಾಗಿದೆ.
Click it and Unblock the Notifications
Sign in with Google