ವಿಶ್ವದಲ್ಲಿ 30, ಭಾರತದ 21 ನಗರಗಳು ಮಾಲಿನ್ಯ ಭರಿತ
ನವದೆಹಲಿ, ಫೆಬ್ರವರಿ 25: ಭಾರತವು ಈ ವರ್ಷ ಕೂಡ ಅತಿ ಹೆಚ್ಚು ಮಾಲಿನ್ಯಭರಿತ ನಗರಗಳನ್ನು ಹೊಂದಿದ ದೇಶ ಎಂಬ ಕುಖ್ಯಾತಿಗೆ ಕಾರಣವಾಗಿದೆ.
ವಿಶ್ವದ ಅತಿ ಹೆಚ್ಚು ಮಾಲಿನ್ಯಭರಿತ ನಗರಗಳ ಪೈಕಿ ಮತ್ತೆ ಭಾರತವು ಮೊದಲ ಸ್ಥಾನದಲ್ಲಿದೆ. ಚೀನಾವು ಕಳೆದ ವರ್ಷಕ್ಕಿಂತ ಈ ವರ್ಷ ಹೆಚ್ಚು ಸುಧಾರಣೆಯನ್ನು ಕಂಡಿದೆ.
2019ರ ವರ್ಲ್ಡ್ ಏರ್ ಕ್ವಾಲಿಟಿ ಇಂಡೆಕ್ಸ್ ಪ್ರಕಾರ ವಿಶ್ವದಲ್ಲಿ ಒಟ್ಟು 30ನಗರಗಳನ್ನು ಮಾಲಿನ್ಯಯುಕ್ತ ನಗರಗಳೆಂದು ಘೋಷಣೆ ಮಾಡಲಾಗಿದೆ. ಆದರೆ ದುರದೃಷ್ಟ ಸಂಗತಿಯೆಂದರೆ ವಿಶ್ವದ 30 ಮಾಲಿನ್ಯ ನಗರಗಳ ಪೈಕಿ 21ನಗರಗಳು ಭಾರತದಲ್ಲಿವೆ.
ದೆಹಲಿಯಲ್ಲಿ ಏರ್ ಕ್ಯಾಲಿಟಿ ಇಂಡೆಕ್ಸ್ ಲೆವೆಲ್ 800ಕ್ಕಿಂತ ಹೆಚ್ಚಾಗಿದೆ.ಇದು ಸಾಮಾನ್ಯ ವಾಯುಮಾಲಿನ್ಯಕ್ಕಿಂತಲೂ ಮೂರು ಪಟ್ಟು ಹೆಚ್ಚು ಎಂದೇ ಹೇಳಬಹುದು.ಮೈಕ್ರೋಸ್ಕೋಪಿಕ್ ಪಾರ್ಟಿಕಲ್ಸ್ ಡಯಾಮೀಟರ್ನಲ್ಲಿರುವ 2.5 ಮೈಕ್ರೋಮೀಟರ್ ಗಿಂತಲೂ ಸಣ್ಣದಾಗಿರುತ್ತದೆ. ಆದರೆ ಹೆಚ್ಚು ಅಪಾಯವನ್ನುಂಟು ಮಾಡುತ್ತದೆ. ಇದು ನೇರವಾಗಿ ಶ್ವಾಸಕೋಶಕ್ಕಿಳಿದು ವಿವಿಧ ಬಗೆಯ ರೋಗಗಳನ್ನುಂಟು ಮಾಡುತ್ತವೆ.
2.5 ಪರ್ಟಿಕ್ಯುಲರ್ ಮ್ಯಾಟರ್ ಸಲ್ಫೇಟ್, ನೈಟ್ರೇಟ್, ಬ್ಲಾಕ್ ಕಾರ್ಬನ್ ಒಳಗೊಂಡಿರುತ್ತದೆ.ಇದರಿಂದ ಶ್ವಾಸಕೋಶ ತೊಂದರೆಗಳು ಉಂಟಾಗುತ್ತವೆ.
Click it and Unblock the Notifications
Sign in with Google