ಮೇಘಾಲಯ: ಟ್ರಕ್ ಉರುಳಿ 16 ಮಂದಿ ಸಾವು, 50 ಜನರಿಗೆ ಗಾಯ

ಮೇಘಾಲಯದ ಪಶ್ಚಿಮ ಖಾಸಿ ಹಿಲ್ಸ್ ಜಿಲ್ಲೆಯ ನುಂಗ್ಸ್ ಪಂಗ್ ಗ್ರಾಮದ ಬಳಿ ವೊಂದು ಭಾನುವಾರ ಬೆಳಗ್ಗೆ ಪಲ್ಟಿ ಹೊಡೆದ ಪರಿಣಾಮ 16 ಮಂದಿ ಸಾವನ್ನಪ್ಪಿದ್ದು 50 ಮಂದಿಗೆ ಗಂಭೀರ ಗಾಯಗಳಾಗಿವೆ.

ಶಿಲ್ಲಾಂಗ್, ಫೆಬ್ರವರಿ. 26 : ಸುಮಾರು 70 ಜನರನ್ನು ಕರೆದೊಯ್ಯುತ್ತಿದ್ದ ಟ್ರಕ್ ವೊಂದು ಭಾನುವಾರ ಬೆಳಗ್ಗೆ ಮೇಘಾಲಯದ ಪಶ್ಚಿಮ ಖಾಸಿ ಹಿಲ್ಸ್ ಜಿಲ್ಲೆಯ ನುಂಗ್ಸ್ ಪಂಗ್ ಗ್ರಾಮದ ಬಳಿ ಪಲ್ಟಿ ಹೊಡೆದ ಪರಿಣಾಮ 16 ಮಂದಿ ಮೃತಪಟ್ಟಿದ್ದಾರೆ.

ಶಿಲ್ಲಾಂಗ್ ಗೆ ಹೋಗುವ ರಸ್ತೆಯಲ್ಲಿ ನುಂಗ್ಸ್ ಪಂಗ್ ಗ್ರಾಮದಲ್ಲಿ ಈ ಅಪಘಾತ ಸಂಭವಿಸಿದ್ದು 50 ಮಂದಿಗೆ ಗಂಭೀರ ಗಾಯಗಳಾಗಿವೆ ಎಂದು ವರದಿಯಾಗಿದೆ.

ಭಾನುವಾರವಾಗಿದ್ದರಿಂದ ಪ್ರಾರ್ಥನೆಗೆಂದು ಇಲ್ಲಿನ ಪ್ರೆಸ್‌ ಬೆಟೇರಿಯನ್ ಚರ್ಚ್‍ ಗೆ ಟ್ರಕ್ ವೊಂದರಲ್ಲಿ 70 ಜನರು ಪ್ರಯಾಣಿಸುತ್ತಿದ್ದರು ಎನ್ನಲಾಗಿದೆ.

Meghalaya: 16 killed & over 50 injured as a truck taking 70 people to a nearby church, overturned in West Khasi Hills district, this morning pic.twitter.com/DSRGQVc9Vv

— ANI (@ANI_news) February 26, 2017

ಮೊದಲಿ ಟ್ರಕ್ ನಿಯಂತ್ರಣ ತಪ್ಪಿ ಕಾಂಕ್ರೀಟ್ ಬ್ಯಾರಿಕೇಡ್ ಗೆ ಹೋಗಿ ಢಿಕ್ಕಿ ಹೊಡೆದು ಬಳಿಕ ಪಲ್ಟಿ ಹೊಡೆದಿದ್ದರಿಂದ ಸ್ಥಳದಲ್ಲೇ 12 ಮಂದಿ ಮೃತಪಟ್ಟಿದ್ದಾರೆ. ಗಂಭೀರ ಗಾಯಗೊಂಡ ನಾಲ್ಕು ಮಂದಿ ಆಸ್ಪತ್ರೆಯಲ್ಲಿ ಸಾವನ್ನಪ್ಪಿದ್ದಾರೆ ಎಂದು ಹೇಳಲಾಗುತ್ತಿದೆ.

English summary

Sixteen people were killed and over 50 injured when a truck carrying churchgoers overturned in the West Khasi Hills district of Meghalaya on February 26 morning.