ಹೆದ್ದಾರಿ 53ರಲ್ಲಿ ಅಪಘಾತ: ಒಂದೇ ಕುಟುಂಬದ 10 ಮಂದಿ ದುರ್ಮರಣ
ರಾಯ್ ಪುರ್, ಅಕ್ಟೋಬರ್ 14: ರಾಷ್ಟ್ರೀಯ ಹೆದ್ದಾರಿ 53ರ ರಾಜ್ ನಾಂದ್ಗಾಂವ್- ದುರ್ಗ್ ರಸ್ತೆಯ ಸ್ಕಾರ್ಪಿಯೋ ಹಾಗೂ ಟ್ರಕ್ ನಡುವೆ ಭೀಕರ ಡಿಕ್ಕಿ ಸಂಭವಿಸಿದೆ. ಈ ಅಪಘಾತದಲ್ಲಿ ಒಂದೇ ಕುಟುಂಬದ 9 ಮಂದಿ ಮೃತಪಟ್ಟಿರುವ ಘಟನೆ ಭಾನುವಾರ ಮುಂಜಾನೆ ಸಂಭವಿಸಿದೆ.
ದೊಗ್ ಗಾರ್ ಘರ್ ನಲ್ಲಿರುವ ಮಾ ಬಾಲ್ಮೇಶ್ವರಿ ದೇಗುಲಕ್ಕೆ ತೆರಳಿ, ನವರಾತ್ರಿ ಹಬ್ಬದ ಸಂಭ್ರಮಾಚರಣೆಯಲ್ಲಿ ತೊಡಗಿದ್ದ ಕುಟುಂಬವೊಂದು ಹಿಂತಿರುಗುವಾಗ ಈ ಘಟನೆ ನಡೆದಿದೆ.
ಮೃತ ಕುಟುಂಬದವರು ಇದ್ದ ಎಸ್ ಯುವಿಯ ಚಾಲಕನು, ಮುಂದಿದ್ದ ವಾಹನವೊಂದರನ್ನು ಓವರ್ ಟೇಕ್ ಮಾಡುವ ಯತ್ನದಲ್ಲಿದ್ದಾಗ ಎದುರಿಗೆ ಬರುತ್ತಿದ್ದ ಟ್ರಕ್ ಗೆ ಮುಖಾ ಮುಖಿ ಡಿಕ್ಕಿ ಹೊಡೆದಿದೆ.
ಸ್ಥಳದಲ್ಲೇ ಮರಣ: ಎಸ್ ಯುವಿಯಲ್ಲಿದ್ದ 9 ಮಂದಿ ಸ್ಥಳದಲ್ಲೇ ಮೃತಪಟ್ಟಿದ್ದರೆ, ಒಬ್ಬ ವ್ಯಕ್ತಿ ಆಸ್ಪತ್ರೆಯಲ್ಲಿ ಮೃತರಾಗಿದ್ದಾರೆ. ಟ್ರಕ್ ನಲ್ಲಿದ್ದವರು ಗಾಯಾಳುವಾಗಿದ್ದು, ರಾಜ್ ನಾಂದ್ಗಾಂವ್ ನ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಟ್ರಕ್ ಚಾಲಕ ನಾಪತ್ತೆಯಾಗಿದ್ದು, ಆತನ ಪತ್ತೆಗಾಗಿ ಬಲೆ ಬೀಸಲಾಗಿದೆ ಎಂದು ಪೊಲೀಸರು ಹೇಳಿದ್ದಾರೆ.
#Chhattisgarh: 9 members of a family who were returning to Bhilai from Dongargarh, killed in a road accident in Rajnandgaon, 3 people injured. pic.twitter.com/1OMx2Yb7zv
— ANI (@ANI) October 14, 2018
ರಾಜ್ ನಾಂದ್ಗಾಂವ್- ದುರ್ಗ್ ನಾಲ್ಕು ಲೇನ್ ರಸ್ತೆಯಾಗಿದ್ದು, ರಾಷ್ಟ್ರೀಯ ಹೆದ್ದಾರಿ 53ರ ಭಾಗವಾಗಿದೆ. ರಾಯ್ ಪುರ್ ಹಾಗೂ ನಾಗ್ಪುರ್ ಮೂಲಕ ಮುಂಬೈ -ಕೋಲ್ಕತ್ತಾ ಸಂಪರ್ಕ ಹೆದ್ದಾರಿಯಾಗಿದೆ.
Click it and Unblock the Notifications
Sign in with Google