ಪಿಪಿಇ ಕಿಟ್ ಉತ್ಪಾದನೆ ಆರಂಭಿಸಿದ ನೈಋತ್ಯ ರೈಲ್ವೆ
ಹುಬ್ಬಳ್ಳಿ, ಏಪ್ರಿಲ್ 28 : ದೇಶದಲ್ಲಿ ಕೊರೊನಾ ಪ್ರಕರಣಗಳು ಹೆಚ್ಚಳ ವಾಗುತ್ತಲೇ ಇದೆ. ಕೊರೊನಾ ಸೋಂಕಿತರಿಗೆ ಚಿಕಿತ್ಸೆ ನೀಡುವಾಗ ಬಳಕೆ ಮಾಡುವ ಪಿಪಿಇ ಕಿಟ್ಗಳಿಗೆ ಬೇಡಿಕೆ ಹೆಚ್ಚುತ್ತಲೇ ಇದೆ. ನೈಋತ್ಯ ರೈಲ್ವೆ ಸಹ ಕಿಟ್ ತಯಾರಿಯಲ್ಲಿ ತೊಡಗಿದೆ.
ನೈಋತ್ಯ ರೈಲ್ವೆಯ ಹುಬ್ಬಳ್ಳಿ ಮತ್ತು ಮೈಸೂರು ವರ್ಕ್ ಶಾಪ್ಗಳಲ್ಲಿ ಕೊರೊನಾ ವಾರಿಯರ್ಸ್ಗೆ ರಕ್ಷಣೆ ನೀಡುವ ವೈಯಕ್ತಿಕ ಸುರಕ್ಷಾ ಸಾಧನ (ಪಿಪಿಇ) ಕಿಟ್ ತಯಾರು ಮಾಡಲಾಗುತ್ತಿದೆ. ಡಿಆರ್ಡಿಓ ನೀಡಿದ ಸೂಚನೆಯಂತೆ, ಕಿಟ್ ತಯಾರಿ ನಡೆಯುತ್ತಿದೆ.
ಜಗದಾರಿಯಲ್ಲಿ ಇರುವ ರೈಲ್ವೆ ವರ್ಕ್ಶಾಪ್ನಿಂದ ಮಾದರಿ ಕಿಟ್ ಮೈಸೂರು ಮತ್ತು ಹುಬ್ಬಳ್ಳಿಗೆ ಬಂದಿತ್ತು. ನೈಋತ್ಯ ರೈಲ್ವೆಯ ಹುಬ್ಬಳ್ಳಿ ಘಟಕದ 12, ಮೈಸೂರು ಘಟಕದ 8 ಜನರು ವಿಡಿಯೋ ಕಾನ್ಫರೆನ್ಸ್ ಮೂಲಕ ಕಿಟ್ ತಯಾರಿ ತರಬೇತಿ ಪಡೆದಿದ್ದಾರೆ.
ಕರ್ನಾಟಕದ ಎರಡು ವರ್ಕ್ ಶಾಪ್ಗಳಲ್ಲಿ ತಯಾರಾದ ಪಿಪಿಇ ಕಿಟ್ಗಳಿಗೆ ಡಿಆರ್ಡಿಓ ಮತ್ತು ಕೇಂದ್ರ ಆರೋಗ್ಯ ಸಚಿವಾಲಯ ಒಪ್ಪಿಗೆ ನೀಡಿದೆ. ಇದೇ ಗುಣಮಟ್ಟವನ್ನು ಕಾಪಾಡಿಕೊಳ್ಳುವಂತೆ ಸೂಚನೆಯನ್ನು ನೀಡಲಾಗಿದೆ.
ಪಿಪಿಇ ಕಿಟ್ ಉತ್ಪಾದನೆ
2020ರ ಮಾರ್ಚ್ ತನಕ ದೇಶದಲ್ಲಿ ಪಿಪಿಇ ಕಿಟ್ ತಯಾರು ಆಗುತ್ತಿರಲಿಲ್ಲ. ಆದರೆ, ಕಿಟ್ಗೆ ಬೇಡಿಕೆ ಹೆಚ್ಚಿದಾಗ ಮೇಕ್ ಇನ್ ಇಂಡಿಯಾ ಯೋಜನೆಯಡಿ ಕಿಟ್ ತಯಾರಿ ಆರಂಭಿಸಲಾಯಿತು. ಡಿಆರ್ಡಿಓ ಪಿಪಿಇ ಕಿಟ್ ಗುಣಮಟ್ಟ ಹೇಗಿರಬೇಕು ಎಂಬ ಮಾರ್ಗಸೂಚಿಯನ್ನು ಪ್ರಕಟಿಸಿದೆ.
ನೈಋತ್ಯ ರೈಲ್ವೆಯಿಂದ ತಯಾರಿ
ನೈಋತ್ಯ ರೈಲ್ವೆ 21/4/2020ರಿಂದ ಪಿಪಿಇ ಕಿಟ್ ತಯಾರಿ ಆರಂಭಿಸಿದೆ. ಹುಬ್ಬಳ್ಳಿ ಮತ್ತು ಮೈಸೂರಿನ ವರ್ಕ್ ಶಾಪ್ನಲ್ಲಿ ಕಿಟ್ ತಯಾರಾಗುತ್ತಿದ್ದು. ಒಟ್ಟು 20 ಸಿಬ್ಬಂದಿಗಳು ಈ ಕಾರ್ಯದಲ್ಲಿ ತೊಡಗಿದ್ದಾರೆ. ವಿಡಿಯೋ ಕಾನ್ಫರೆನ್ಸ್ ಮೂಲಕ ಸಿಬ್ಬಂದಿಗಳಿಗೆ ತರಬೇತಿ ನೀಡಲಾಗಿದೆ.
ಎಷ್ಟು ಕಿಟ್ ತಯಾರಿ?
ಹುಬ್ಬಳ್ಳಿ ವರ್ಕ್ಶಾಪ್ನಲ್ಲಿ ಇದುವರೆಗೂ 450, ಮೈಸೂರು ವರ್ಕ್ ಶಾಪ್ನಲ್ಲಿ 200 ಕಿಟ್ಗಳನ್ನು ಇದುವರೆಗೂ ತಯಾರು ಮಾಡಲಾಗಿದೆ. ಏಪ್ರಿಲ್ ಅಂತ್ಯಕ್ಕೆ 900 ಮತ್ತು ಮೇ ಅಂತ್ಯದ ವೇಳೆಗೆ 3,900 ಕಿಟ್ ತಯಾರಿ ಮಾಡುವ ಗುರಿ ಹೊಂದಲಾಗಿದೆ.
ಪಂಜಾಬ್ನಿಂದ ಕಚ್ಚಾ ವಸ್ತು
ಪಂಜಾಬ್ನಿಂದ ಪಿಪಿಇ ಕಿಟ್ ತಯಾರು ಮಾಡಲು ಬೇಕಾದ ಕಚ್ಚಾವಸ್ತುಗಳು ರೈಲಿನಲ್ಲಿ ಬರುತ್ತಿವೆ. ಸೌತ್ ಇಂಡಿಯನ್ ಟೆಕ್ಸ್ಟೈಲ್ ಆರ್ಗನೈಸೇಶನ್ ಪಿಪಿಇ ಕಿಟ್ಗಳ ಬಟ್ಟೆಯ ಗುಣಮಟ್ಟವನ್ನು ಅಳತೆ ಮಾಡುತ್ತದೆ. ಮೈಸೂರು ಮತ್ತು ಹುಬ್ಬಳ್ಳಿಯಲ್ಲಿ ತಯಾರಾದ ಕಿಟ್ಗಳು ಗುಣಮಟ್ಟ ಪರೀಕ್ಷೆಯಲ್ಲಿ ಪಾಸ್ ಆಗಿವೆ.
Click it and Unblock the Notifications
Sign in with Google