ಹುಬ್ಬಳ್ಳಿ ವಿಮಾನ ನಿಲ್ದಾಣಕ್ಕೂ ಬಂತು ಥರ್ಮಲ್ ಸ್ಕ್ರೀನಿಂಗ್
ಹುಬ್ಬಳ್ಳಿ, ಮಾರ್ಚ್ 20: ಕೊರೊನಾ ವೈರಸ್ (ಕೋವಿಡ್ 19) ನಿಯಂತ್ರಿಸುವ ಹಿನ್ನೆಲೆಯಲ್ಲಿ ಹುಬ್ಬಳ್ಳಿ ವಿಮಾನ ನಿಲ್ದಾಣಕ್ಕೆ ಆಗಮಿಸುವ ಪ್ರಯಾಣಿಕರನ್ನು ಥರ್ಮಲ್ ಸ್ಕ್ರೀನಿಂಗ್ ಗೆ ಒಳಪಡಿಸುವ ಕಾರ್ಯ ನಡೆಯುತ್ತಿದೆ.
ಇಂದು ಎರಡು ಥರ್ಮಲ್ ಗ್ಯಾಜೆಟ್ ಗಳ ಮೂಲಕ ನೂರಕ್ಕೂ ಹೆಚ್ಚು ಪ್ರಯಾಣಿಕರು ಮತ್ತು ವಿಮಾನ ನಿಲ್ದಾಣ ಅಧಿಕಾರಿಗಳು,ಸಿಬ್ಬಂದಿ, ಭದ್ರತಾ ಸಿಬ್ಬಂದಿಯನ್ನು ಪರೀಕ್ಷೆಗೊಳಪಡಿಸಲಾಯಿತು.
ವೈರಸ್ ಹತೋಟಿಗೆ ಬರುವವರೆಗೂ ಸ್ಕ್ರೀನಿಂಗ್ ಕಾರ್ಯ ಮುಂದುವರೆಯಲಿದೆ.
ಜಿಲ್ಲಾ ಆರ್.ಸಿ.ಹೆಚ್.ಅಧಿಕಾರಿ ಡಾ.ಎಸ್.ಎಂ.ಹೊನಕೇರಿ, ತಾಲ್ಲೂಕು ಆರೋಗ್ಯಾಧಿಕಾರಿ ಡಾ.ಆರ್.ಎಸ್.ಹಿತ್ತಲಮನಿ, ಡಾ.ಫಾರೂಕ್ ಉಪ್ಪಿನ ಮತ್ತಿತರನ್ನೊಳಗೊಂಡ ತಂಡ ಅಲ್ಲಿ ಕಾರ್ಯನಿರ್ವಹಿಸುತ್ತಿದೆ.
Comments
English summary
Coronavirus Fear: Thermal Screening Machine Work Starts In Hubli Airport.