ದಾವಣಗೆರೆಯಲ್ಲಿ ಮತ್ತೆ ಮೂವರಿಗೆ ಕೊರೊನಾ ಸೋಂಕು: 118ಕ್ಕೆ ಏರಿಕೆ

ದಾವಣಗೆರೆ, ಮೇ 22: ದಾವಣಗೆರೆಯಲ್ಲಿ ಇಂದು ಮತ್ತೆ ಮೂವರಲ್ಲಿ ಕೊರೊನಾ ವೈರಸ್ ಸೋಂಕು ದೃಢಪಟ್ಟಿದ್ದು, 222 ಜನರ ಕೊರೊನಾ ವರದಿ ನೆಗೆಟಿವ್ ಬಂದಿರುವುದು ಸಮಾಧಾನ ತಂದಿದೆ.

ಗುಣಮುಖರಾಗಿರುವ 8 ಜನರನ್ನು ಶುಕ್ರವಾರ ಸಂಜೆ ಕೋವಿಡ್ ಆಸ್ಪತ್ರೆಯಿಂದ ಬಿಡುಗಡೆ ಮಾಡಲಾಗುತ್ತಿದೆ. ಸೋಂಕು ಕಾಣಿಸಿಕೊಂಡಿರುವ ರೋಗಿ ನಂಬರ್-1656 ರ 42 ವರ್ಷದ ಮಹಿಳೆ, ರೋಗಿ ನಂಬರ್-1657 ರ 14 ವರ್ಷದ ಬಾಲಕಿ ಹಾಗೂ ರೋಗಿ ನಂಬರ್-1658 ರ 18 ವರ್ಷದ ಬಾಲಕನಿಗೆ ರೋಗಿ ನಂಬರ್-1483 ರ ಸಂಕರ್ಪದಿಂದ ಕೊರೊನಾ ವೈರಸ್ ಸೋಂಕು ಹರಡಿದೆ.

ದಾವಣಗೆರೆಯಲ್ಲಿ ಒಟ್ಟು ಕೊರೊನಾ ವೈರಸ್ ಸೋಂಕಿತರ ಸಂಖ್ಯೆ 118 ಕ್ಕೆ ಏರಿಕೆಯಾಗಿದ್ದು, ಇದುವರೆಗೆ 14 ಸೋಂಕಿತರು ಡಿಸ್ಜಾರ್ಜ್ ಆಗಿದ್ದಾರೆ.

ಇಲ್ಲಿಯವರೆಗೂ ದಾವಣಗೆರೆಯಿಂದ ಕಳಿಸಿರುವ ಗಂಟಲಿನ ದ್ರವ ಸ್ಯಾಂಪಲ್ ಗಳ ಪರೀಕ್ಷೆ ಬೆಂಗಳೂರಿನ 2 ಲ್ಯಾಬ್, ಶಿವಮೊಗ್ಗ ಹಾಗೂ ದಾವಣಗೆರೆಯ ಎಸ್.ಎಸ್ ಆಸ್ಪತ್ರೆಯ ಲ್ಯಾಬ್ ನಲ್ಲಿ ಪರೀಕ್ಷೆ ಮಾಡಲಾಗುತ್ತಿದೆ.

English summary

Coronavirus infection confirmed in Three People at Davanagere.