ಚೆನ್ನೈ : ಕರಾವಳಿ ರಕ್ಷಕ ಪಡೆಯ ವಿಮಾನ ನಾಪತ್ತೆ

By ಅನಂತ ಕೃಷ್ಣನ್

Updated: Tuesday, June 9, 2015, 9:31 [IST]

ಚೆನ್ನೈ, ಜೂ. 09 : ಚೆನ್ನೈ ಏರ್ ಬೇಸ್‌ನಿಂದ ಹೊರಟಿದ್ದ ಕರಾವಳಿ ರಕ್ಷಕ ಪಡೆಗೆ ಸೇರಿದ ವಿಮಾನವೊಂದು ನಾಪತ್ತೆಯಾಗಿದೆ. ವಿಮಾನದಲ್ಲಿ ಮೂವರು ಸಿಬ್ಬಂದಿಗಳಿದ್ದರು. ವಿಮಾನಕ್ಕಾಗಿ ಹುಡುಕಾಟ ಆರಂಭವಾಗಿದೆ.

ನಾಪತ್ತೆಯಾದ ಸಿಜಿ-791 ವಿಮಾನವನ್ನು ಕರಾವಳಿಯ ರಕ್ಷಣೆಗೆ ನಿಯೋಜನೆ ಮಾಡಲಾಗಿತ್ತು. ಸೋಮವಾರ ಸಂಜೆ 5.30ರ ನಂತರ ವಿಮಾನದ ಸಂಪರ್ಕ ಕಡಿತಗೊಂಡಿದೆ. ರಾತ್ರಿ 9 ಗಂಟೆಗೆ ಕೊನೆಯ ಬಾರಿಗೆ ರಡಾರ್ ಸಂಪರ್ಕಕ್ಕೆ ವಿಮಾನ ಸಿಕ್ಕಿತ್ತು.[ಕರಾವಳಿ ರಕ್ಷಕ ಪಡೆಯ ಹೋವರ್ ಕ್ರಾಫ್ಟ್ ಗೆ ಹಾನಿ]

ಮಂಗಳವಾರ ಬೆಳಗ್ಗೆ ಕರಾವಳಿ ರಕ್ಷಕ ಪಡೆ ವಿಮಾನ ನಾಪತ್ತೆಯಾಗಿರುವುದನ್ನು ಖಚಿತ ಪಡಿಸಿದ್ದು, ವಿಮಾನಕ್ಕಾಗಿ ಹುಡುಕಾಟ ಆರಂಭಿಸಿದೆ ಎಂದು ಹೇಳಿದೆ. ಸಮುದ್ರದಲ್ಲಿ ವಿಮಾನ ಪತನಗೊಂಡಿರಬಹುದು ಎಂದು ಶಂಕಿಸಲಾಗಿದೆ. [162 ಪ್ರಯಾಣಿಕರಿದ್ದ ಏರ್‌ಏಷ್ಯಾ ವಿಮಾನ ನಾಪತ್ತೆ]