ವೋಡಾಫೋನ್ 348 ಪ್ಲಾನ್ ಬದಲು, ಗ್ರಾಹಕರೇ ಗಮನಿಸಿ!
ನವದೆಹಲಿ, ಡಿಸೆಂಬರ್ 14: ಜಿಯೋ, ಏರ್ ಟೆಲ್ ಪ್ರೀಪೇಯ್ಡ್ ಯೋಜನೆಗಳಿಗೆ ಸೆಡ್ಡು ಹೊಡೆಯಲು ವೊಡಾಫೋನ್ ಕಂಪನಿ ತನ್ನ ಜನಪ್ರಿಯ ಯೋಜನೆಗಳಲ್ಲಿ ಬದಲಾವಣೆ ಮಾಡತೊಡಗಿದೆ. 348 ರೂಪಾಯಿಯ ಪ್ರಿಪೇಯ್ಡ್ ಆಫರ್ ಬದಲಾಗಿದೆ.
ಈಗ 348 ರೂಪಾಯಿ ರೀಚಾರ್ಜ್ ಮಾಡಿದ್ರೆ ಪ್ರತಿ ದಿನ 1 ಜಿಬಿ ಡೇಟಾಕ್ಕೆ ಬದಲಿಗೆ 2 ಜಿಬಿ ಡೇಟಾ ಸಿಗಲಿದೆ. ಹಾಗೂ ಅನಿಯಮಿತ ಕರೆ ಸೌಲಭ್ಯ, ಎಸ್ಎಂಎಸ್ ಕೂಡಾ ಲಭ್ಯ. ಆದರೆ, ಈ ಕೊಡುಗೆ ದೆಹಲಿ ಹಾಗೂ ಎನ್ ಸಿ ಆರ್ ವ್ಯಾಪ್ತಿಯ ಗ್ರಾಹಕರಿಗೆ ಮಾತ್ರ ಲಭ್ಯವಿದೆ.ಈ ಆಫರ್ 28 ದಿನಗಳ ವ್ಯಾಲಿಡಿಟಿ ಹೊಂದಿದೆ.
ಈ ಯೋಜನೆ ಬಳಸುವ ಗ್ರಾಹಕರಿಗೆ ತಿಂಗಳಿಗೆ ಒಟ್ಟು 56 ಜಿಬಿ ಡೇಟಾ ದೊರೆಯುತ್ತದೆ. 3ಜಿ ಮತ್ತು 4ಜಿ ಎರಡೂ ಹ್ಯಾಂಡ್ಸೆಟ್ ಗಳಲ್ಲೂ ಈ ಆಫರ್ ಲಭ್ಯ.
ಲೋಕಲ್, ಎಸ್ ಟಿ ಡಿ ಮತ್ತು ರೋಮಿಂಗ್ ಕರೆಗಳನ್ನು ಉಚಿತವಾಗಿ ಮಾಡಬಹುದಾದರೂ ಈ ಯೋಜನೆಯಲ್ಲಿ ಉಚಿತ ಕರೆಯನ್ನು 250 ನಿಮಿಷಗಳಿಗ ನಿಗದಿಪಡಿಸಲಾಗಿದೆ. ಬಹುತೇಕ ಏರ್ಟೆಲ್ ನ ಆಫರ್ ನ ನಕಲಿನಂತೆ ಇದ್ದು, ಪೈಪೋಟಿ ಜೋರಾಗಿದೆ.
ಏರ್ಟೆಲ್ 349: ಇದರಲ್ಲಿ 349 ರೂಪಾಯಿ ರೀಚಾರ್ಜ್ ಮಾಡಿದ್ರೆ 28 ದಿನಗಳವರೆಗೆ ಪ್ರತಿನಿತ್ಯ 2 ಜಿಬಿ ಡೇಟಾ ಹಾಗೂ ಉಚಿತ ಅನಿಯಮಿತ ಕರೆಯ ಸೌಲಭ್ಯ ಸಿಗುತ್ತಿದೆ. ಜೊತೆಗೆ ಅನಿಯಮಿತ ಉಚಿತ ಎಸ್ ಎಂ ಎಸ್ ಕೂಡ ಸಿಗಲಿದೆ.
Click it and Unblock the Notifications
Sign in with Google