ರುಪೇ ಕಾರ್ಡ್ ಬಳಸಿ ಆನ್ ಲೈನ್ ಶಾಪಿಂಗ್ ಮಾಡಿ
ಮುಂಬೈ, ಏ. 9: ಕೇವಲ ವೀಸಾ ಕಾರ್ಡ್ ಮತ್ತು ಮಾಸ್ಟರ್ ಕಾರ್ಡ್ ಗೆ ಸೀಮಿತವಾಗಿದ್ದ ಇ-ಕಾಮರ್ಸ್ ವ್ಯವಹಾರಗಳನ್ನು ಇನ್ನು ಮುಂದೆ ರುಪೇ ಕಾರ್ಡ್ ಮೂಲಕವೂ ನಡೆಸಬಹುದು.
ಸರ್ಕಾರಿ ಸ್ವಾಮ್ಯದ ಬ್ಯಾಂಕ್ ಗಳು ಕೊಡಮಾಡುವ ರೂಪೇ ಕಾರ್ಡ್ ಬಳಸಿ ಇ-ಕಾಮರ್ಸ್ ವಹಿವಾಟು ನಡೆಸಬಹುದು ಎಂದು ನ್ಯಾಷನಲ್ ಪೇಮೆಂಟ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾ (ಎನ್ಪಿಸಿಐ) ತಿಳಿಸಿದೆ.[ಶೀಘ್ರವೇ ಭಾರತದ ಮಾರುಕಟ್ಟೆಗೆ ಆಲಿಬಾಬಾ ಆಗಮನ]
ಬಸ್, ರೈಲು ಮತ್ತು ವಿಮಾನದ ಟಿಕೆಟ್ ಖರೀದಿದಗೂ, ಕಾಯ್ದಿರುಸುವಿಕೆಗೂ ರುಪೇ ಕಾರ್ಡ್ ಬಳಸಬಹುದು. ವಿದೇಶಿ ಮೂಲದ ವೀಸಾ ಮತ್ತು ಮಾಸ್ಟರ್ ಕಾರ್ಡ್ ಗಳೇ ದೇಶದಲ್ಲಿ ಜನಪ್ರಿಯವಾಗಿವೆ. ರುಪೇ ಕಾರ್ಡ್ ಭಾರತದ್ದಾಗಿದ್ದು ಜನರನ್ನು ಸೆಳೆಯಲು ಈ ತಂತ್ರ ಅನುಸರಿಸಲಾಗಿದೆ.
ಫ್ಲಿಪ್ಕಾರ್ಟ್, ಐಆರ್ಸಿಟಿಸಿ, ಜೆಟ್ ಏರ್ವೇಸ್, ಸ್ನ್ಯಾಪ್ಡೀಲ್, ಎಲ್ಐಸಿ, ಬುಕ್ ಮೈ ಶೋ ಸೇರಿದಂತೆ ಸುಮಾರು 30 ಸಾವಿರಕ್ಕೂ ಅಧಿಕ ಆನ್ಲೈನ್ ಕಂಪೆನಿಗಳಲ್ಲಿ ರುಪೇ ಕಾರ್ಡ್ ಮೂಲಕ ವಹಿವಾಟು ನಡೆಸಬಹುದು.[ಇ ಕಾಮರ್ಸ್ ಗೆ ಕಾಲಿಟ್ಟ ಭಾರತೀಯ ಅಂಚೆ]
ದೇಶದಲ್ಲಿ ಈಗಾಗಲೇ 140 ಮಿಲಿಯನ್ ರುಪೇ ಕಾರ್ಡ್ ಗಳಿವೆ. ರಾಜ್ಯದ ಸರ್ಕಾರದ ಸ್ವಾಮ್ಯದಲ್ಲಿರುವ ಬ್ಯಾಂಕ್ ಗಳು ಈ ಕಾರ್ಡ್ ನೀಡುವುದರಲ್ಲಿ ಮುಂಚೂಣಿಯಲ್ಲಿವೆ.
Click it and Unblock the Notifications
Sign in with Google