ಹಳೆಯ ಕಂಪನಿಯ ಪಿಎಫ್ ಬ್ಯಾಲೆನ್ಸ್ ಹಣವನ್ನು ನೀವು ಸುಲಭವಾಗಿ ವರ್ಗಾಯಿಸಿ; ಹೇಗೆ ತಿಳಿಯಿರಿ
ನೀವು ಯಾವುದೇ ಸಂದರ್ಭಗಳಲ್ಲಿ ಉದ್ಯೋಗವನ್ನು ತೊರೆದಾಗ ಅಥವಾ ಬದಲಾಯಿಸಿದಾಗ, ನಿಮ್ಮ ಪಿಎಫ್ ಬಗ್ಗೆ ಹೆಚ್ಚು ಕಾಳಜಿ ವಹಿಸುತ್ತೇವೆ. ಅನೇಕ ಜನರು ತಮ್ಮ ಪಿಎಫ್ ಬ್ಯಾಲೆನ್ಸ್ ವರ್ಗಾವಣೆಯನ್ನು ಮಾಡಲು ಸಾಮಾನ್ಯವಾಗಿ ವಿಫಲರಾಗುತ್ತಾರೆ. ಆದರೆ, ಇಪಿಎಫ್ಒ ಅಗತ್ಯ ಮಾಹಿತಿಯನ್ನು ನೀಡಿದ್ದು, ಅದರ ಸಹಾಯದಿಂದ ಎಲ್ಲಾ ಸಮಸ್ಯೆಗಳನ್ನು ಸುಲಭವಾಗಿ ತಪ್ಪಿಸಬಹುದು. ಪಿಎಫ್ ಒಂದು ಕಂಪನಿಯಿಂದ ಇನ್ನೊಂದು ಕಂಪನಿಗೆ ಸುಲಭವಾಗಿ ವರ್ಗಾಯಿಸಬಹುದು.
ಹೌದು, ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆ (EPFO) ತನ್ನ ಖಾತೆದಾರರ ಅನುಕೂಲಕ್ಕಾಗಿ ನಿರಂತರವಾಗಿ ಕ್ರಮಗಳನ್ನು ತೆಗೆದುಕೊಳ್ಳುತ್ತಿದೆ. ಕಳೆದ ಕೆಲವು ವರ್ಷಗಳಿಂದ, ಇಪಿಎಫ್ ಡಿಜಿಟಲ್ ಪ್ರಕ್ರಿಯೆಗೆ ಹೆಚ್ಚಿನ ಒತ್ತು ನೀಡುತ್ತಿದೆ. ಈಗ EPFOನ ಹೆಚ್ಚಿನ ಸೇವೆಗಳು ಆನ್ಲೈನ್ನಲ್ಲಿ ಲಭ್ಯವಿದೆ. ಯಾವುದೇ ಸಂದರ್ಭದಲ್ಲಿ ಯಾರಾದರೂ ಕೆಲಸ ಬಿಟ್ಟರೆ ಅಥವಾ ಬದಲಾಯಿಸಿದರೆ, ಅವರು ಪಿಎಫ್ ಬಗ್ಗೆ ಹೆಚ್ಚು ಚಿಂತಿತರಾಗಿರುತ್ತಾರೆ ಹಾಗಾಗಿ ಈ ಮಾಹಿತಿ ನಿಮಗೆ ತಿಳಿದುಕೊಳ್ಳಲು ತುಂಬಾ ಅವಶ್ಯವಾಗಿದೆ.
ಇಪಿಎಫ್ ಕಚೇರಿಗೆ ಭೇಟಿ ನೀಡುವ ಅಗತ್ಯವಿಲ್ಲ
ಹೌದು, ಮಾಹಿತಿಯ ಕೊರತೆಯಿಂದಾಗಿ ಜನರು ತಮ್ಮ ಪಿಎಫ್ ಬ್ಯಾಲೆನ್ಸ್ ವರ್ಗಾಯಿಸಲು ಸಾಧ್ಯವಾಗುವುದಿಲ್ಲ. ಅನೇಕ ಜನರು ತಮ್ಮ ಹಣವನ್ನು ಹಿಂಪಡೆಯಲು ಮತ್ತು ವರ್ಗಾಯಿಸಲು ತೊಂದರೆಗೊಳಗಾಗುತ್ತಾರೆ ಮತ್ತು ಅನೇಕ ಬಾರಿ ಇಪಿಎಫ್ ಕಚೇರಿಗೆ ಭೇಟಿ ನೀಡುತ್ತಾರೆ. ಈಗ ಜನರಿಗೆ ಈ ರೀತಿಯ ತೊಂದರೆ ಆಗುವುದಿಲ್ಲ. ಈ ಎಲ್ಲ ಸಮಸ್ಯೆಗಳಿಂದ ಮುಕ್ತಿ ಪಡೆಯಲು ಇಪಿಎಫ್ಒ ಮಾಹಿತಿ ನೀಡಿದೆ. ಇದರ ಸಹಾಯದಿಂದ ಈಗ ಹಳೆಯ ಕಂಪನಿಯ ಪಿಎಫ್ ಬ್ಯಾಲೆನ್ಸ್ ಹಣವನ್ನು ಮನೆಯಲ್ಲಿ ಕುಳಿತು ಸುಲಭವಾಗಿ ವರ್ಗಾಯಿಸಬಹುದು.
ಹಳೆಯ ಕಂಪನಿಯ ಬಾಕಿ ವರ್ಗಾಯಿಸಿ
ನೀವು ಒಂದಕ್ಕಿಂತ ಹೆಚ್ಚು ಕಂಪನಿಗಳಲ್ಲಿ ಕೆಲಸ ಮಾಡುತ್ತಿದ್ದರೆ, ನೀವು ಹಳೆಯ ಉದ್ಯೋಗದಾತರ ಹಣವನ್ನು ಹೊಸ ಉದ್ಯೋಗದಾತರ ಖಾತೆಗೆ ವರ್ಗಾಯಿಸಬೇಕಾಗುತ್ತದೆ. ಇದಕ್ಕಾಗಿ, EPFO ಪೋರ್ಟಲ್ಗೆ ಲಾಗಿನ್ ಆದ ನಂತರ, VIEW ಆಯ್ಕೆಯಲ್ಲಿ ಸೇವಾ ಇತಿಹಾಸಕ್ಕೆ ಹೋಗಿ. ನೀವು ಎಷ್ಟು ಕಂಪನಿಗಳೊಂದಿಗೆ ಕೆಲಸ ಮಾಡಿದ್ದೀರಿ ಎಂಬುದನ್ನು ಇಲ್ಲಿ ಪರಿಶೀಲಿಸಿ. ಪ್ರಸ್ತುತ ಕಂಪನಿಯ ಮಾಹಿತಿಯು ಕೆಳಭಾಗದಲ್ಲಿರುತ್ತದೆ. ನಿಮ್ಮ ನಿರ್ಗಮನ ದಿನಾಂಕವನ್ನು ಅಂದರೆ DOEನ್ನು ನವೀಕರಿಸಿದಾಗ ಮಾತ್ರ ಹಳೆಯ PF ಬ್ಯಾಲೆನ್ಸ್ನ್ನು ವರ್ಗಾಯಿಸಬಹುದು.
UAN ಸಂಖ್ಯೆ ಮತ್ತು ಪಾಸ್ವರ್ಡ್ ಹೊಂದಿರಬೇಕು
ಹಳೆಯ EPF ಬ್ಯಾಲೆನ್ಸ್ನ್ನು ಹೊಸ ಖಾತೆಗೆ ವರ್ಗಾಯಿಸಲು ನೀವು ಸಕ್ರಿಯ UAN ಸಂಖ್ಯೆ ಮತ್ತು ಪಾಸ್ವರ್ಡ್ ಹೊಂದಿರಬೇಕು. ಇದರೊಂದಿಗೆ, ನಿಮ್ಮ UAN ಸಂಖ್ಯೆಯಲ್ಲಿರುವ ಎಲ್ಲಾ ಮಾಹಿತಿಯನ್ನು ನವೀಕರಿಸಬೇಕು. ಬ್ಯಾಂಕ್ ಖಾತೆ ಸಂಖ್ಯೆ, ಮೊಬೈಲ್ ಸಂಖ್ಯೆ, ಆಧಾರ್ ಸಂಖ್ಯೆಯಂತೆ ನೀವು UAN ನಲ್ಲಿ ನವೀಕರಿಸಬೇಕು.
ಹಳೆಯ ಇಪಿಎಫ್ ಹೊಸ ಕಂಪನಿ ಖಾತೆಗೆ ಹೀಗೆ ವರ್ಗಾಯಿಸಿ
*ಮೊದಲನೆಯದಾಗಿ, ನಿಮ್ಮ ಯುಎಎನ್UAN ಮತ್ತು ಪಾಸ್ವರ್ಡ್ ನಮೂದಿಸುವ ಮೂಲಕ EPFO ಸದಸ್ಯ ಪೋರ್ಟಲ್ಗೆ ಲಾಗಿನ್ ಮಾಡಿ.
*ನಂತರ ಆನ್ಲೈನ್ ಸೇವೆಗಳಿಗೆ ಹೋಗಿ ಮತ್ತು 'ಒಬ್ಬ ಸದಸ್ಯ ಒಂದು ಖಾತೆ (ವರ್ಗಾವಣೆ ವಿನಂತಿ)' ಕ್ಲಿಕ್ ಮಾಡಿ.
*ಪ್ರಸ್ತುತ ಉದ್ಯೋಗಕ್ಕಾಗಿ 'ವೈಯಕ್ತಿಕ ಮಾಹಿತಿ ಮತ್ತು 'PF ಖಾತೆ' ಪರಿಶೀಲಿಸಿ.
*'ವಿವರಗಳನ್ನು ಪಡೆಯಿರಿ' ಕ್ಲಿಕ್ ಮಾಡಿ, ಹಿಂದಿನ ಉದ್ಯೋಗದ PF ಖಾತೆಯ ವಿವರಗಳು ಗೋಚರಿಸುತ್ತವೆ.
* ಫಾರ್ಮ್ ದೃಢೀಕರಿಸಲು 'ಹಿಂದಿನ ಉದ್ಯೋಗದಾತ' ಅಥವಾ 'ಪ್ರಸ್ತುತ ಉದ್ಯೋಗದಾತ' ಆಯ್ಕೆಮಾಡಬೇಕು.
*ನಿಮ್ಮ UAN ನೋಂದಾಯಿತ ಮೊಬೈಲ್ ಸಂಖ್ಯೆಯಲ್ಲಿ OTP ಸ್ವೀಕರಿಸಲು 'OTP ಪಡೆಯಿರಿ' ಮತ್ತು ಕ್ಲಿಕ್ ಮಾಡಿ. OTP ನಮೂದಿಸಿ ಮತ್ತು 'ಸಲ್ಲಿಸು' ಬಟನ್ ಕ್ಲಿಕ್ ಮಾಡಬೇಕಾಗುತ್ತದೆ ನಂತರ ನಿಮ್ಮ *ಹಣ ವರ್ಗಾವಣೆ ಸಲ್ಲಿಕೆ ಮನವಿಯ ಖಚಿತ ಸಂದೇಶವನ್ನು ನೀವು ನಿಮ್ಮ ಮೊಬೈಲ್ ಸಂಖ್ಯೆಯಿಂದ ಪಡೆದುಕೊಳ್ಳುತ್ತೀರಿ.
Click it and Unblock the Notifications
Sign in with Google