ಮೈಕ್ರೋಸಾಫ್ಟ್ ಇಮೇಲ್ ನಲ್ಲಿ ಕನ್ನಡ ಭಾಷೆ ಏಕಿಲ್ಲ?
ಬೆಂಗಳೂರು, ಫೆಬ್ರವರಿ 23 : ಅಂತಾರಾಷ್ಟ್ರೀಯ ಮಾತೃಭಾಷಾ ದಿನಾಚರಣೆ ಅಂಗವಾಗಿ ಮೈಕ್ರೋಸಾಫ್ಟ್ ಸಂಸ್ಥೆ ತನ್ನ ಹಲವು ಅಪ್ಲಿಕೇಷನ್ ಗಳನ್ನು ಭಾರತೀಯ ಭಾಷೆಗಳಲ್ಲೂ ಬಳಸಬಹುದು ಎಂದು ಪ್ರಕಟಿಸಿತ್ತು. ಆದರೆ, ಕನ್ನಡ ಭಾಷೆಯನ್ನು ಕಡೆಗಣಿಸಲಾಗಿದೆ.
ಈ ಬಗ್ಗೆ ಅನೇಕ ಮಂದಿ ಸಾಮಾಜಿಕ ಜಾಲ ತಾಣಗಳಲ್ಲಿ ಪ್ರಶ್ನಿಸಿದ್ದರು. ಮುಂದಿನ ಅಪ್ಡೇಟ್ ನಲ್ಲಿ ಇದನ್ನು ಸರಿಪಡಿಸಲಾಗುವುದು ಎಂಬ ಉತ್ತರ ಸಿಕ್ಕಿತ್ತು. ಆದರೆ, ಈ ಬಗ್ಗೆ ಯಾವುದೇ ಅಧಿಕೃತ ಹೇಳಿಕೆ ಹೊರ ಬಂದಿಲ್ಲ.
ಮೈಕ್ರೋಸಾಫ್ಟ್ ಹೊರಡಿಸಿರುವ ಈ ಹಿಂದಿನ ಪ್ರಕಟಣೆಯಂತೆ, ಮೈಕ್ರೋಸಾಫ್ಟ್ ನ ಆಫೀಸ್ 365, ಔಟ್ ಲುಕ್ 2016, ಔಟ್ ಲುಕ್.ಕಾಂ, ಎಕ್ಸ್ ಜೇಂಜ್ ಆನ್ ಲೈನ್, ಎಕ್ಸ್ ಜೇಂಜ್ ಆನ್ ಲೈನ್ ಪ್ರೊಟೆಕ್ಷನ್ (ಇಒಪಿ) ಗಳಲ್ಲಿ ಇದೇ ಮೊದಲ ಬಾರಿಗೆ ಗ್ರಾಹಕರು ಭಾರತೀಯ ಭಾಷೆಗಳನ್ನು ಬಳಸಬಹುದಾಗಿದೆ. ಉದಾಹರಣೆಗೆ : ಹಿಂದಿಯಲ್ಲಿ ಇಮೇಲ್ ಐಡಿ : व्यक्ति@संगठन.भारत. ಇರಬಹುದಾಗಿದೆ.
ಆಂಡ್ರಾಯ್ಡ್, ಐಒಎಸ್ ನಲ್ಲಿ ಬಳಸುವ ಔಟ್ ಲುಕ್ ಅಪ್ಲಿಕೇಷನ್ ಗಳಿಗೂ ಈ ಸೌಲಭ್ಯ ಲಭ್ಯವಿದೆ. ಹಿಂದಿ, ಬೊಡೋ, ಡೊಂಗ್ರಿ, ಕೊಂಕಣಿ, ಮರಾಠಿ, ಮೈಥಿಲಿ, ನೇಪಾಳಿ, ಸಿಂಧಿ, ಬೆಂಗಾಲಿ, ಗುಜರಾತಿ, ಪಂಜಾಬಿ, ತಮಿಳು, ತೆಲುಗು, ಉರ್ದು ಭಾಷೆಯನ್ನು ಬೆಂಬಲಿಸಲಿವೆ.
ಈ 15 ಭಾಷೆಗಳು .IN registryಯಲ್ಲಿ ನೋಂದಾಯಿಸಲಾಗಿದೆ.ಭಾರತದಲ್ಲಿ ಸ್ಥಳೀಯ ಭಾಷೆಯ ಇಮೇಲ್ ವಿಳಾಸಗಳನ್ನು Internationalized Domain Names (IDNs) ನೋಂದಾಯಿಸಲು ಮೇಲ್ಕಂಡ ರಿಜಿಸ್ಟ್ರಿ ಅಧಿಕೃತವಾಗಿದೆ.
Click it and Unblock the Notifications
Sign in with Google