ಭಾರತದ ವಿದೇಶಿ ವಿನಿಮಯ ಮೀಸಲು ದಾಖಲೆಯ ಏರಿಕೆ: 493.48 ಬಿಲಿಯನ್ ಡಾಲರ್
ನವದೆಹಲಿ, ಜೂನ್ 6: ಭಾರತದ ವಿದೇಶಿ ವಿನಿಮಯ ಮೀಸಲು ಮೇ.29 ರಂದು ಮುಕ್ತಾಯಗೊಂಡ ವಾರದವರೆಗೆ ದಾಖಲೆಯ ಏರಿಕೆ ಕಂಡಿದೆ. ಆರ್ಬಿಐ ನೀಡಿರುವ ಮಾಹಿತಿಯ ಪ್ರಕಾರ ವಿದೇಶಿ ವಿನಿಮಯ ಮೀಸಲು 3.43 ಬಿಲಿಯನ್ ಡಾಲರ್ ನಷ್ಟು ಏರಿಕೆಯಾಗಿದ್ದು 493.48 ಬಿಲಿಯನ್ ಡಾಲರ್ ಆಗಿದೆ.
ಕೋವಿಡ್-19 ಸಮಯದಲ್ಲಿ ದೇಶ ಆರ್ಥಿಕ ಸಮಸ್ಯೆ ಎದುರಿಸುತ್ತಿರುವಾಗ ವಿದೇಶಿ ವಿನಿಮಯ ಮೀಸಲು ಏರಿಕೆಯಾಗಿರುವುದು ದೇಶಕ್ಕೆ ಮತ್ತಷ್ಟು ಬಲ ಬಂದಂತಾಗಿದೆ.
ಮೇ 29 ಕ್ಕೆ ಕೊನೆಗೊಂಡ ವಾರದಲ್ಲಿ, ಒಟ್ಟಾರೆ ನಿಕ್ಷೇಪಗಳ ಪ್ರಮುಖ ಅಂಶವಾದ ವಿದೇಶಿ ಕರೆನ್ಸಿ ಆಸ್ತಿಗಳು 3.50 ಬಿಲಿಯನ್ ಡಾಲರ್ನಿಂದ 455.21 ಬಿಲಿಯನ್ ಡಾಲರ್ಗೆ ಏರಿದೆ ಎಂದು ಆರ್ಬಿಐನ ಅಂಕಿ ಅಂಶಗಳು ತಿಳಿಸಿವೆ ಎಂದು ಸುದ್ದಿ ಸಂಸ್ಥೆ ಪಿಟಿಐ ವರದಿ ಮಾಡಿದೆ.
ಮೇ 22 ರಂದು ಕೊನೆಗೊಂಡ ಹಿಂದಿನ ವಾರದಲ್ಲಿ, ವಿದೇಶಿ ನೇರ ಹೂಡಿಕೆಗಳು (ಎಫ್ಡಿಐ), ದೇಶೀಯ ಷೇರುಗಳಲ್ಲಿ ಎಫ್ಪಿಐಗಳಿಂದ ಹಣದ ನಿವ್ವಳ ಒಳಹರಿವು ಮತ್ತು ಆಮದು ವೆಚ್ಚದಲ್ಲಿ ತೀವ್ರ ಕುಸಿತದಿಂದಾಗಿ ಮೀಸಲು ಸಾರ್ವಕಾಲಿಕ ಗರಿಷ್ಠ 490 ಶತಕೋಟಿಗೆ ಏರಿದೆ. ಜಾಗತಿಕ ವ್ಯಾಪಾರದ ಮೇಲೆ ಸಾಂಕ್ರಾಮಿಕ ರೋಗ ಕೋವಿಡ್-19 ಪರಿಣಾಮ ಬೀರಿದೆ.
Click it and Unblock the Notifications
Sign in with Google