India: ಕೆಲವೇ ತಿಂಗಳುಗಳಲ್ಲಿ ಏಷ್ಯಾದ ಸೂಪರ್‌ ಪವರ್‌ ದೇಶವನ್ನು ಹಿಂದಿಕ್ಕಲಿದೆ ಭಾರತ

ಸದ್ಯ ವಿಶ್ವದಲ್ಲಿ ವೇಗವಾಗಿ ಬೆಳೆಯುತ್ತಿರುವ ರಾಷ್ಟ್ರಗಳಲ್ಲಿ ಕಾಣಿಸಿಕೊಂಡಿರುವ ಭಾರತ, ಇನ್ನೇನು ಕೆಲವೇ ವರ್ಷಗಳಲ್ಲಿ ಏಷ್ಯಾದ ಬಲಾಢ್ಯ ಆರ್ಥಿಕ ರಾಷ್ಟ್ರ ಆಗುವತ್ತ ದಾಪುಗಾಲು ಇಟ್ಟಿದೆ. ವಿಶ್ವದ ಆರ್ಥಿಕತೆಯ ಮೇಲೆ ಕೋವಿಡ್‌-19, ರಷ್ಯಾ ಉಕ್ರೇನ್‌ ಯುದ್ಧ ಪ್ರಪಂಚದ ಆರ್ಥಿಕತೆಯ ಮೇಲೆ ಹೆಚ್ಚು ಪರಿಣಾಮ ಬೀರಿತ್ತು. ಆದರೆ ಭಾರತ ಮಾತ್ರ ವೇಗವಾಗಿ ಚೇತರಿಕೊಂಡು, ಆರ್ಥಿಕ ದೊಡ್ಡ ಆರ್ಥಿಕತೆಯಾಗಲಿದೆ ಎಂಬುದು ಸ್ಪಷ್ಟವಾಗುತ್ತಿದೆ.

ಭಾರತದ ಆರ್ಥಿಕತೆಯ ಬಗ್ಗೆ ಈಗಾಗಲೇ ಹಲವು ಸಂಸ್ಥೆಗಳು ಭವಿಷ್ಯ ನುಡಿದಿವೆ. ಈ ಸಾಲಿಗೆ ಈಗ ಅಂತರರಾಷ್ಟ್ರೀಯ ಹಣಕಾಸು ನಿಧಿ (ಐಎಂಎಫ್) ಸೇರಿಕೊಂಡಿದೆ. ಇನ್ನೇನು ಕೆಲವೇ ತಿಂಗಳುಗಳಲ್ಲಿ ಭಾರತ, ಏಷ್ಯಾದ ಸೂಪರ್ ಪವರ್ ರಾಷ್ಟ್ರ ಜಪಾನ್‌ನ್ನು ಹಿಂದಿಕ್ಕಲಿದೆ ಎಂದು ಐಎಂಎಫ್‌ ಭವಿಷ್ಯ ನುಡಿದಿದೆ. ಇನ್ನು ಎರಡು ವರ್ಷಗಳಲ್ಲಿ ಭಾರತ ಜಪಾನ್‌ ದೇಶವನ್ನು ಆರ್ಥಿಕತೆಯ ವಿಚಾರದಲ್ಲಿ ಹಿಂದಿಕ್ಕಲಿದೆ ಎಂದು ಐಎಂಎಫ್ ಅಂದಾಜಿಸಿದೆ.

ಐಎಂಎಫ್‌ ಭವಿಷ್ಯ

ಭಾರತವು 5 ಟ್ರಿಲಿಯನ್ ಡಾಲರ್‌ ಜಿಡಿಪುಯನ್ನು ಮುಟ್ಟಲಿದೆ ಎಂದು ಪ್ರಧಾನಿ ಮೋದಿ ಭವಿಷ್ಯ ನುಡಿದಿದ್ದಾರೆ. ಈ ದಿಕ್ಕಿನಲ್ಲಿ ದೊಡ್ಡ ಯಶಸ್ಸು ಸಾಧಿಸುತ್ತದೆ ಎಂಬುದು ಪ್ರಧಾನಿ ನರೇಂದ್ರ ಮೋದಿಯವರ ಕನಸು ಕಾಣುತ್ತಿದ್ದಾರೆ. 2025 ರ ವೇಳೆಗೆ ಭಾರತದ ಆರ್ಥಿಕತೆಯು $ 4.3 ಟ್ರಿಲಿಯನ್ ಮೀರುತ್ತದೆ ಎಂದು IMF ಅಂದಾಜಿಸಿದೆ. ಐಎಂಎಫ್ ಅಂದಾಜು ಜಿಡಿಪಿಯನ್ನು ಪರಿಷ್ಕರಿಸಿ ಹೊಸ ಪಟ್ಟಿಯನ್ನು ಸಿದ್ಧಪಡಿಸಿದೆ. IMF ಜಪಾನ್ ಮತ್ತು ಭಾರತದ ಅಂದಾಜು GDP ಅನ್ನು ಸ್ಥಳೀಯ ಕರೆನ್ಸಿ ಪರಿಭಾಷೆಯಲ್ಲಿ ಪರಿಷ್ಕರಿಸಿದೆ. ಯುಎಸ್ ಡಾಲರ್‌ಗೆ ಹೋಲಿಸಿದರೆ ಜಪಾನ್‌ನ ಸ್ಥಳೀಯ ಕರೆನ್ಸಿ ಯೆನ್ ಮೌಲ್ಯವು ಕುಸಿಯುತ್ತಿದೆ ಎಂದು ಅವರು ಅಂದಾಜಿಸಿದ್ದಾರೆ. ಇದು ಅದರ ಆರ್ಥಿಕತೆಯ ಮೇಲೆ ಪರಿಣಾಮ ಬೀರುತ್ತದೆ ಮತ್ತು ಆದ್ದರಿಂದ ಜಪಾನ್‌ನ ಶ್ರೇಯಾಂಕವು ಕುಸಿಯುವ ನಿರೀಕ್ಷೆಯಿದೆ.

ಜಪಾನ್ ಮತ್ತು ಜರ್ಮನಿ ಸಂಕಷ್ಟದಲ್ಲಿದ್ದರೆ, ಭಾರತದ ಆರ್ಥಿಕತೆಯು ರಾಕೆಟ್ ವೇಗದಲ್ಲಿ ಬೆಳೆಯುತ್ತಿದೆ. ಕಳೆದ ವರ್ಷ ಭಾರತದ ಆರ್ಥಿಕತೆ ಅತ್ಯಂತ ವೇಗವಾಗಿ ಬೆಳೆಯಿತು. IMF ಅಂದಾಜಿನ ಪ್ರಕಾರ, ಮುಂದಿನ ಎರಡು ವರ್ಷಗಳ ಕಾಲ ಭಾರತವು ವಿಶ್ವದ ಅತ್ಯಂತ ವೇಗದ ಆರ್ಥಿಕತೆಯಾಗಿ ಉಳಿಯುತ್ತದೆ. IMF ಅಂಕಿಅಂಶಗಳ ಪ್ರಕಾರ, ಭಾರತವು 2026 ರಲ್ಲಿ ಜಪಾನ್ ಮತ್ತು 2027 ರಲ್ಲಿ ಜರ್ಮನಿಯನ್ನು ಹಿಂದಿಕ್ಕುವ ನಿರೀಕ್ಷೆಯಿದೆ. ಭಾರತ ಈ ವರ್ಷವೇ ಜಪಾನ್ ಅನ್ನು ಹಿಂದಿಕ್ಕಬಹುದು. ಫೋರ್ಬ್ಸ್ ಪ್ರಕಾರ, ಅಮೆರಿಕವು ಪ್ರಸ್ತುತ $27.974 ಟ್ರಿಲಿಯನ್‌ಗಳೊಂದಿಗೆ ವಿಶ್ವದ ಅತಿದೊಡ್ಡ ಆರ್ಥಿಕತೆಯಾಗಿದೆ.

ಭಾರತದ ಆರ್ಥಿಕತೆಯು ಎಷ್ಟು ದೊಡ್ಡದಾಗಿರುತ್ತದೆ?

ಭಾರತವು $ 3.7 ಟ್ರಿಲಿಯನ್ ಆರ್ಥಿಕತೆಯೊಂದಿಗೆ ವಿಶ್ವದ ಐದನೇ ಅತಿದೊಡ್ಡ ಆರ್ಥಿಕತೆಯಾಗಿತ್ತು, ಆದರೆ 2023 ರ ಅಂತ್ಯದ ವೇಳೆಗೆ, ಭಾರತದ ಒಟ್ಟು ದೇಶೀಯ ಉತ್ಪನ್ನ (GDP) $ 4 ಟ್ರಿಲಿಯನ್ ದಾಟಿದೆ. ಈಗ IMF ಭಾರತದ ನಾಮಮಾತ್ರದ ಒಟ್ಟು ಆಂತರಿಕ ಉತ್ಪನ್ನ (GDP) 2025 ರ ವೇಳೆಗೆ $ 4.3398 ಟ್ರಿಲಿಯನ್ ಆಗಿದ್ದರೆ, ಜಪಾನ್‌ನ GDP $ 4.3103 ಟ್ರಿಲಿಯನ್ ಆಗಲಿದೆ ಎಂದು ಅಂದಾಜಿಸಿದೆ.

English summary

IMF Forecasts: India to Surpass Japan in Nominal GDP in Dollar Terms by 2025.