ಫ್ಲಿಪ್ ಕಾರ್ಟ್ ಹಿಂದಿಕ್ಕಿದ ಅಮೆಜಾನ್ ಇದೀಗ ನಂಬರ್ ಒನ್!
ಬೆಂಗಳೂರು, ಆಗಸ್ಟ್, 24: ಇ ಕಾಮರ್ಸ್ ವಿಭಾಗದಲ್ಲಿ ಹೊಂದಿದ್ದ ಮೊದಲ ಸ್ಥಾನವನ್ನು ಫ್ಲಿಪ್ ಕಾರ್ಟ್ ನಿಂದ ಅಮೆಜಾನ್ ಕಸಿದುಕೊಂಡಿದೆ. ನಂಬರ್ ಒನ್ ಸ್ಥಾನವನ್ನು ಅಲಂಕರಿಸಿರುವ ಅಮೆಜಾನ್ ಫ್ಲಿಪ್ ಕಾರ್ಟ್ ವಹಿವಾಟಿಗೇ ಸರಿಯಾದ ಹೊಡೆತವನ್ನು ನೀಡಿದೆ.
ಜುಲೈನಲ್ಲಿ ಫ್ಲಿಪ್ಕಾರ್ಟ್ನಲ್ಲಿ ಮಾರಾಟವಾದ ಒಟ್ಟು ಸಾಮಗ್ರಿಗಳ ಮೌಲ್ಯ 2000 ಕೋಟಿ ರೂ. ಆಗಿದ್ದರೆ, ಅಮೇಜಾನ್ 2000 ಕೋಟಿ ರೂ.ಗಿಂತಲೂ ಹೆಚ್ಚು ಮೌಲ್ಯದ ಸಾಮಗ್ರಿಗಳ ಮಾರಾಟ ಮಾಡಿದೆ. ಈ ಮೂಲಕ ಮೊದಲ ಸ್ಥಾನವನ್ನು ತನ್ನದಾಗಿಸಿಕೊಂಡಿದೆ. ಆದರೆ ಫ್ಲಿಪ್ಕಾರ್ಟ್ನ ಅಂಗಸಂಸ್ಥೆಗಳಾದ ಮಿಂಟ್ರಾ ಮತ್ತು ಜಬಾಂಗ್ನ ವಹಿವಾಟಿನ ಮೊತ್ತವನ್ನು ಇಲ್ಲಿ ಸೇರಿಸಲಾಗಿಲ್ಲ.['ಕನ್ನಡಕ್ಕೆ ಐದು ಪೈಸೆ ಕಿಮ್ಮತ್ತು ನೀಡದ ಅಮೆಜಾನ್ಗೆ ಧಿಕ್ಕಾರ'!]
ಇನ್ನುಳಿದ ಪ್ರಮುಖ ಇ ಕಾಮರ್ಸ್ ತಾಣಗಳ ವಹಿವಾಟಿನಲ್ಲೂ ಏರು ಪೇರಾಗಿದೆ. ಕಳೆದ ವರ್ಷಕ್ಕೆ ಹೋಲಿಕೆ ಮಾಡಿದರಡೆ ಸ್ನಾಪ್ಡೀಲ್ ವಹಿವಾಟು ಶೇ.50ರಷ್ಟು ಕುಸಿದಿದೆ. 600 ಕೋಟಿ ರೂ. ಮೌಲ್ಯದ ಸಾಮಗ್ರಿಗಳ ಮಾರಾಟ ಮಾಡಿದೆ ಎನ್ನಲಾಗಿದೆ.[ಲಾಭ ಗಳಿಸಬೇಕು ಅಂದ್ರೆ ರಿಸ್ಕ್ ತಗೋಬೇಕು!]
2007ರಿಂದ ಭಾರತದಲ್ಲಿ ವಹಿವಾಟು ಆರಂಭಿಸಿದ ಫ್ಲಿಪ್ಕಾರ್ಟ್ ವಹಿವಾಟಿನಲ್ಲಿ ಮೊದಲ ಸ್ಥಾನ ಕಾಯ್ದುಕೊಂಡೆ ಬಂದಿದೆ.ಆದರೆ ಇದೀಗ ಏಕಾಏಕಿ ಅಮೆಜಾನ್ ರೇಸ್ ನಲ್ಲಿ ಪ್ರಥಮ ಸ್ಥಾನ ಗಳಿಸಿದೆ.
Click it and Unblock the Notifications
Sign in with Google