Gold Price Today: ಆಭರಣ ಪ್ರಿಯರಿಗೆ ಗುಡ್ ನ್ಯೂಸ್: ದಿಢೀರ್ ಕುಸಿದ ಚಿನ್ನದ ಬೆಲೆ, ಎಷ್ಟಿದೆ ಇಂದಿನ ದರ?
ಮದುವೆ ಹಾಗೂ ಇನ್ನಿತರೆ ಶುಭ ಸಮಾರಂಭಗಳಿಗೆ ಒಡವೆ ಮಾಡಿಸಲು ಯೋಚಿಸುತ್ತಿದ್ದೀರಾ? ಹಾಗಾದರೆ ಜ್ಯುವೆಲ್ಲರಿ ಶೋರೂಮ್ ಕಡೆ ಮುಖ ಮಾಡಲು ಇದೇ ಬೆಸ್ಟ್ ಟೈಮ್. ಸತತ ಏರಿಕೆ ಕಂಡು ಗ್ರಾಹಕರ ಜೇಬು ಸುಡುತ್ತಿದ್ದ ಚಿನ್ನದ ದರದಲ್ಲಿ ಇಂದು ದಿಢೀರ್ ಇಳಿಕೆಯಾಗಿದೆ. ಬೆಂಗಳೂರಿನ ಮಾರುಕಟ್ಟೆಯಲ್ಲಿ ಬಂಗಾರದ ಬೆಲೆ ಗಣನೀಯವಾಗಿ ತಗ್ಗಿದ್ದು, ಕೊಳ್ಳುವವರ ಮುಖದಲ್ಲಿ ಕೊನೆಗೂ ಮಂದಹಾಸ ಮೂಡಿದೆ. ಕಳೆದ ವಾರಾಂತ್ಯದಲ್ಲಿ ಏರಿಕೆಯ ಟ್ರೆಂಡ್ನಲ್ಲಿದ್ದ ಮಾರುಕಟ್ಟೆ, ವಾರದ ಮೊದಲ ದಿನವೇ ತಂಪೆರೆದಿದೆ. ಬಜೆಟ್ ಲೆಕ್ಕಾಚಾರದಲ್ಲಿರುವ ಮಧ್ಯಮ ವರ್ಗದ ಗ್ರಾಹಕರಿಗೆ ಈ ಇಳಿಕೆ ದೊಡ್ಡ ರಿಲೀಫ್ ನೀಡಿದೆ. ಇಂದಿನ ದರಗಳ ಸಂಪೂರ್ಣ ವಿವರ ಇಲ್ಲಿದೆ.
ಇಂದಿನ ದರ ಎಷ್ಟು?
ಒಡವೆಗಳನ್ನು ತಯಾರಿಸಲು ಬಳಸುವ 22 ಕ್ಯಾರೆಟ್ ಚಿನ್ನದ ಬೆಲೆಯಲ್ಲಿ ಇಂದು ಇಳಿಕೆಯಾಗಿದ್ದು, 1 ಗ್ರಾಂ ದರ ₹13,110ಕ್ಕೆ ಬಂದು ನಿಂತಿದೆ. 10 ಗ್ರಾಂ ಖರೀದಿಗೆ ₹1,31,100 ನಿಗದಿಯಾಗಿದೆ. ನಾಣ್ಯ, ಗಟ್ಟಿ ಹಾಗೂ ಹೂಡಿಕೆಗೆ ಬಳಸುವ ಶುದ್ಧ ಚಿನ್ನದ ದರ 1 ಗ್ರಾಂಗೆ ₹14,302 ಹಾಗೂ 10 ಗ್ರಾಂಗೆ ₹1,43,020 ದರವಿದೆ. ಯುವಜನತೆ ಹೆಚ್ಚು ಇಷ್ಟಪಡುವ ಹಗುರವಾದ ಹಾಗೂ ಟ್ರೆಂಡಿ ಒಡವೆಗಳಿಗೆ ಬಳಸುವ 18 ಕ್ಯಾರೆಟ್ ಚಿನ್ನ 1 ಗ್ರಾಂಗೆ ₹10,727 ಹಾಗೂ 10 ಗ್ರಾಂಗೆ ₹1,07,270 ರಂತೆ ಮಾರಾಟವಾಗುತ್ತಿದೆ.
ಜೂನ್ 22 ರಂದು ತನ್ನ ಗರಿಷ್ಠ ಮಟ್ಟ ತಲುಪಿದ್ದ ಬಂಗಾರದ ದರ, ಆನಂತರದ ದಿನಗಳಲ್ಲಿ ಕುಸಿತ ಕಂಡಿತ್ತು. ಜೂನ್ 28ರಂದು ಯಾವುದೇ ಬದಲಾವಣೆ ಕಾಣದೆ ಸ್ಥಿರವಾಗಿದ್ದ ಮಾರುಕಟ್ಟೆಯು, ಹೊಸ ವಾರದ ಆರಂಭದ ದಿನವಾದ ಇಂದು ಅಂದರೆ ಜೂನ್ 29 ರಂದು ಮತ್ತೊಮ್ಮೆ ಭಾರಿ ಇಳಿಕೆ ದಾಖಲಿಸಿ ಗ್ರಾಹಕರಿಗೆ ದೊಡ್ಡ ರಿಲೀಫ್ ನೀಡಿದೆ. ಕಳೆದ ಹತ್ತು ದಿನಗಳ ದರ ನೋಡಿದರೆ, ಜೂನ್ 22 ಈ ಅವಧಿಯಲ್ಲೇ ಅತ್ಯಂತ ದುಬಾರಿ ದಿನವಾಗಿ ಹೊರಹೊಮ್ಮಿತ್ತು. ವಾರಾಂತ್ಯದ ದಿನಗಳಲ್ಲಿ ಮಾರುಕಟ್ಟೆ ಮತ್ತೆ ಜಿಗಿತ ಕಂಡಿತು. ಜೂನ್ 26 ರ ಶುಕ್ರವಾರದಂದು ಚಿನ್ನದ ಬೆಲೆ ಹಠಾತ್ ಚೇತರಿಸಿಕೊಂಡು ಪ್ರತಿ ಗ್ರಾಂ ಆಭರಣ ಚಿನ್ನಕ್ಕೆ ₹13,085ಕ್ಕೆ ಏರಿತ್ತು.
ನಿನ್ನೆಯ ದರಕ್ಕೆ ಹೋಲಿಸಿದರೆ 24 ಕ್ಯಾರೆಟ್ ಚಿನ್ನದ ಬೆಲೆಯಲ್ಲಿ ₹93 ಹಾಗೂ 22 ಕ್ಯಾರೆಟ್ ಚಿನ್ನದ ಬೆಲೆಯಲ್ಲಿ ₹85 ರಷ್ಟು ಇಳಿಕೆಯಾಗಿದೆ. ಕಳೆದ ವಾರದ ಗರಿಷ್ಠ ದರಕ್ಕೆ ಹೋಲಿಸಿದರೆ ಇಂದು ಆಭರಣ ಚಿನ್ನದ ಬೆಲೆ ಪ್ರತಿ ಗ್ರಾಂಗೆ ಬರೋಬ್ಬರಿ ₹455 ರಷ್ಟು ಅಗ್ಗವಾಗಿದೆ. . ಹೂಡಿಕೆ ಮಾಡಲು ಬಯಸುವವರಿಗೆ ಅಥವಾ ಮದುವೆ ಒಡವೆಗಳನ್ನು ಖರೀದಿಸಲು ಯೋಜಿಸುತ್ತಿರುವ ಮಧ್ಯಮ ವರ್ಗದ ಗ್ರಾಹಕರಿಗೆ ಈ ವಾರದ ಆರಂಭದ ದಿನಗಳು ಅತ್ಯಂತ ಸೂಕ್ತ ಹಾಗೂ ಲಾಭದಾಯಕ ಅವಕಾಶವನ್ನು ಒದಗಿಸಿಕೊಟ್ಟಿವೆ.
ಇಂದಿನ ಬೆಳ್ಳಿ ದರ
ಬೆಂಗಳೂರಿನಲ್ಲಿ ಇಂದು ಪ್ರತಿ ಗ್ರಾಂ ಬೆಳ್ಳಿಯ ಬೆಲೆ ₹240 ರಷ್ಟಿದ್ದು, ಹತ್ತು ಗ್ರಾಂ ಅಥವಾ ಒಂದು ತೊಲ ಬೆಳ್ಳಿಯ ಖರೀದಿಗೆ ₹2,400 ನಿಗದಿಯಾಗಿದೆ. ಬೆಳ್ಳಿಯ ಪಾತ್ರೆಗಳು, ಪೂಜಾ ಸಾಮಗ್ರಿಗಳು ಹಾಗೂ ಕಾಯಿನ್ಗಳನ್ನು ಖರೀದಿಸಲು ಯೋಜಿಸುತ್ತಿರುವವರಿಗೆ ಈ ದರ ಪಟ್ಟಿ ಮುಖ್ಯವಾಗುತ್ತದೆ. ಇಂದಿನ ಮಾರುಕಟ್ಟೆ ದರದ ಪ್ರಕಾರ, ಬೆಂಗಳೂರಿನಲ್ಲಿ 100 ಗ್ರಾಂ ಬೆಳ್ಳಿಯ ಬೆಲೆ ₹24,000 ಆಗಿದ್ದರೆ, ಒಂದು ಕೆಜಿ ಬೆಳ್ಳಿಯ ಬೆಲೆಯು ₹2,4,000 ರಷ್ಟಿದೆ. ಜೂನ್ ತಿಂಗಳ ಒಟ್ಟಾರೆ ಮಾರುಕಟ್ಟೆಯ ಟ್ರೆಂಡ್ ಅನ್ನು ಗಮನಿಸಿದರೆ, ಈ ತಿಂಗಳ ಆರಂಭಕ್ಕೆ ಹೋಲಿಸಿದರೆ ಬೆಳ್ಳಿ ಬೆಲೆಯಲ್ಲಿ ಕುಸಿತ ಕಂಡುಬಂದಿದೆ. ಬೆಂಗಳೂರಿನಲ್ಲಿ ಪ್ರತಿ ಗ್ರಾಂ ಪ್ಲಾಟಿನಂ ಬೆಲೆಯು ₹4,901ರಷ್ಟಿದೆ. ಇನ್ನು ಮಧ್ಯಮ ವರ್ಗದ ಗ್ರಾಹಕರು ಹೆಚ್ಚಾಗಿ ಖರೀದಿಸುವ ಹತ್ತು ಗ್ರಾಂ ಅಥವಾ ಪ್ಲಾಟಿನಂ ದರವು ಇಂದು ₹49,010ಕ್ಕೆ ಬಂದು ನಿಂತಿದೆ.
Click it and Unblock the Notifications
Sign in with Google