ಇಬೇ ಇಂಡಿಯಾ ಖರೀದಿಸಿದ ಆನ್ಲೈನ್ ರೀಟೈಲರ್ ಫ್ಲಿಪ್ ಕಾರ್ಟ್?
ಸರಿ ಸುಮಾರು 2 ಬಿಲಿಯನ್ ಡಾಲರ್ ಮೊತ್ತಕ್ಕೆ ಇಬೇ ಇಂಡಿಯಾವನ್ನು ಆನ್ ಲೈನ್ ರೀಟೈಲರ್ ಫ್ಲಿಪ್ ಕಾರ್ಟ್ ಸಂಸ್ಥೆ ಖರೀದಿಸಲು ಮುಂದಾಗಿದೆ ಎಂಬ ಸುದ್ದಿ ಬಹಿರಂಗವಾಗಿದೆ.
ಬೆಂಗಳೂರು, ಮಾರ್ಚ್ 24: ಭಾರತದ ಅತಿ ದೊಡ್ಡ ಆನ್ ಲೈನ್ ರೀಟೇಲರ್ ಫ್ಲಿಪ್ ಕಾರ್ಟ್ ಮತ್ತೊಂದು ಭರ್ಜರಿ ಡೀಲ್ ಗೆ ಕೈ ಹಾಕಿದೆ. ಇಬೇ ಇಂಡಿಯಾ ಸಂಸ್ಥೆಯನ್ನು 2 ಬಿಲಿಯನ್ ಡಾಲರ್ ಮೊತ್ತಕ್ಕೆ ಖರೀದಿಸುತ್ತಿದೆ ಎಂಬ ಸುದ್ದಿಯನ್ನು ಫಾಕ್ಟರ್ ಡೈಲಿ ವರದಿ ಮಾಡಿದೆ.
2004ರದಲ್ಲಿ ಭಾರತದ ಮಾರುಕಟ್ಟೆಗೆ ಕಾಲಿಟ್ಟ ಇಬೇ(eBay), 2013ರಲ್ಲಿ ಸ್ನಾಪ್ ಡೀಲ್ ನಲ್ಲೂ ಬಂಡವಾಳ ಹೂಡಿಕೆ ಮಾಡಿತ್ತು. ಇತ್ತೀಚೆಗೆ ಚೀನಾದ ಟೆನ್ಸೆಂಟ್ ಹಾಗೂ ಮೈಕ್ರೋಸಾಫ್ಟ್ ಜತೆ ಇತ್ತೀಚೆಗೆ ಒಪ್ಪಂದ ಮಾಡಿಕೊಂಡಿರುವ ಫ್ಲಿಪ್ ಕಾರ್ಟ್ ಈಗ ಅಮೆಜಾನ್ ಹಾಗೂ ಚೀನಾದ ದೈತ್ಯ ಅಲಿಬಾಬಾ ಜತೆ ನೇರ ಪೈಪೋಟೆ ಇಳಿದಿದೆ.
ಇ ಕಾಮರ್ಸ್ ಮಾರುಕಟ್ಟೆಯಲ್ಲಿ ಕ್ವಿಕರ್, ಓಎಲ್ಎಕ್ಸ್, ಸ್ನಾಪ್ ಡೀಲ್, ಪೇಟಿಯಂ, ಶಾಪ್ ಕ್ಲ್ಯೂಸ್ ಸದ್ಯಕ್ಕೆ ತಕ್ಕಮಟ್ಟಿಗೆ ಸದ್ದು ಮಾಡುತ್ತಿವೆ.ಆದರೆ, ಸದ್ಯ ಮಾರುಕಟ್ಟೆಯಲ್ಲಿ ದೊಡ್ಡ ಆಟಗಾರರಾದ ಫ್ಲಿಪ್ ಕಾರ್ಟ್ ಹಾಗೂ ಅಮೆಜಾನ್ ನಡುವೆ ಪೈಪೋಟಿ ತೀವ್ರವಾಗಿದೆ.
Click it and Unblock the Notifications
Sign in with Google