ಚೀನಾ ಸಾಲ ಆಪ್ ಪ್ರಕರಣ: ಇಡಿಯಿಂದ 46.67 ಕೋಟಿ ವಶ
ನವದೆಹಲಿ, ಸೆಪ್ಟೆಂಬರ್ 16: ಚೀನಾ ಸಾಲದ ಆ್ಯಪ್ ಪ್ರಕರಣದಲ್ಲಿ ಇತ್ತೀಚಿನ ದಾಳಿಗಳ ನಂತರ ಜಾರಿ ನಿರ್ದೇಶನಾಲಯವು ಈಸಿಬುಝ್, ರೋಝರ್ಪೇ, ಕ್ಯಾಶ್ಫ್ರೀ ಮತ್ತು ಪೇಟಿಎಂನ ವಿವಿಧ ಬ್ಯಾಂಕ್ ಖಾತೆಗಳು ಮತ್ತು ವರ್ಚುವಲ್ ಖಾತೆಗಳಲ್ಲಿ ಇರಿಸಲಾಗಿದ್ದ 46.67 ಕೋಟಿ ರೂ.ಗಳನ್ನು ವಶಪಡಿಸಿಕೊಂಡಿದೆ.
ಪುಣೆ ಮೂಲದ ಈಸಿಬುಝ್ ಪ್ರೈವೇಟ್ ಲಿಮಿಟೆಡ್ನಿಂದ ಒಟ್ಟು 33.36 ಕೋಟಿ ರೂ., ಬೆಂಗಳೂರಿನ ರೋಝರ್ಪೇ ಸಾಫ್ಟ್ವೇರ್ ಪ್ರೈವೇಟ್ ಲಿಮಿಟೆಡ್ನಿಂದ 8.21 ಕೋಟಿ ರೂ., ಬೆಂಗಳೂರಿನಲ್ಲಿರುವ ಕ್ಯಾಶ್ಫ್ರೀ ಪೇಮೆಂಟ್ಸ್ ಇಂಡಿಯಾ ಪ್ರೈವೇಟ್ ಲಿಮಿಟೆಡ್ನಲ್ಲಿ ರೂ. 1.28 ಕೋಟಿ ಮತ್ತು ನವದೆಹಲಿಯ ಪೇಟಿಎಂ ಪೇಮೆಂಟ್ ಸರ್ವೀಸಸ್ ಲಿಮಿಟೆಡ್ನಿಂದ ರೂ. 1.11 ಕೋಟಿ ಪತ್ತೆಯಾಗಿದೆ.
ಬೆಂಗಳೂರಿನಲ್ಲಿ ಚೈನೀಸ್ ಲೋನ್ ಆಪ್ಗಳ ಮೇಲೆ ಇಡಿ ದಾಳಿ: 17 ಕೋಟಿ ರೂ. ವಶ
ಇದಕ್ಕೂ ಮುನ್ನ ಜಾರಿ ನಿರ್ದೇಶನಾಲಯ (ಇಡಿ) ಚೀನಾದ ಸಾಲದ ಆ್ಯಪ್ ಪ್ರಕರಣಕ್ಕೆ ಸಂಬಂಧಿಸಿದಂತೆ ತನಿಖೆಗೆ ಸಂಬಂಧಿಸಿದಂತೆ ಬೆಂಗಳೂರಿನ ಆರು ಕಡೆಗಳಲ್ಲಿ ಶೋಧ ಕಾರ್ಯಾಚರಣೆ ನಡೆಸಿತ್ತು. ಫೆಡರಲ್ ಏಜೆನ್ಸಿಯು 2002ರ ಅಕ್ರಮ ಹಣ ವರ್ಗಾವಣೆ ಕಾಯ್ದೆ (ಪಿಎಂಎಲ್ಎ) ನಿಬಂಧನೆಗಳ ಅಡಿಯಲ್ಲಿ ದಾಳಿಗಳನ್ನು ನಡೆಸಿತು ಎಂದು ಸಂಸ್ಥೆ ತಿಳಿಸಿದೆ.
ರೋಝರ್ಪೇ ಸಾಫ್ಟ್ವೇರ್ ಪ್ರೈವೇಟ್ ಲಿಮಿಟೆಡ್, ಕ್ಯಾಶ್ಫ್ರೀ ಪೇಮೆಂಟ್ಸ್ ಇಂಡಿಯಾ ಪ್ರೈವೇಟ್ ಲಿಮಿಟೆಡ್, ಪೇಟಿಎಂ ಪೇಮೆಂಟ್ ಸರ್ವೀಸಸ್ ಲಿಮಿಟೆಡ್ ಮತ್ತು ಚೀನಾದ ವ್ಯಕ್ತಿಗಳು ನಿಯಂತ್ರಿಸುವ ಮತ್ತು ನಿರ್ವಹಿಸುವ ಘಟಕಗಳನ್ನು ಶೋಧ ಕಾರ್ಯಾಚರಣೆಯಲ್ಲಿ ಒಳಪಡಿಸಲಾಗಿದೆ ಎಂದು ಇಡಿ ತಿಳಿಸಿದೆ.
ಲೋನ್ ಆ್ಯಪ್ಗಳಿಂದ ಸುಲಿಗೆ; ಚೀನಾಗೆ ಮಾಹಿತಿ ರವಾನೆ: 22 ಮಂದಿ ಬಂಧನ
ಶೋಧ ಕಾರ್ಯಾಚರಣೆಯ ಸಂದರ್ಭದಲ್ಲಿ ದಾಳಿ ನಡೆಸಿದ ಘಟಕಗಳು ವಿವಿಧ ವ್ಯಾಪಾರಿ ಐಡಿಗಳು ಮತ್ತು ಪಾವತಿ ಗೇಟ್ವೇಗಳು ಮತ್ತು ಬ್ಯಾಂಕ್ಗಳಲ್ಲಿ ಹೊಂದಿರುವ ಖಾತೆಗಳ ಮೂಲಕ ಅಪರಾಧದ ಆದಾಯವನ್ನು ಗಳಿಸುತ್ತಿರುವುದು ಗಮನಕ್ಕೆ ಬಂದಿದೆ . ಅವು ಎಂಸಿಎ ವೆಬ್ಸೈಟ್ನಲ್ಲಿ ನೀಡಲಾದ ವಿಳಾಸಗಳು ಅಥವಾ ನೋಂದಾಯಿತ ವಿಳಾಸಗಳಿಂದ ಕಾರ್ಯನಿರ್ವಹಿಸುತ್ತಿಲ್ಲ ಮತ್ತು ನಕಲಿ ವಿಳಾಸಗಳಿಂದ ಕೆಲಸ ಮಾಡುತ್ತಿದ್ದಾರೆ ಎಂದು ಹೇಳಿದೆ.
ಆ ಸಂಸ್ಥೆಗಳು ನಡೆಸುತ್ತಿರುವ ಮೊಬೈಲ್ ಆ್ಯಪ್ಗಳ ಮೂಲಕ ಸಣ್ಣ ಮೊತ್ತದ ಸಾಲವನ್ನು ಪಡೆದ ಸಾರ್ವಜನಿಕರಿಗೆ ಕಿರುಕುಳ ನೀಡಿ ಸುಲಿಗೆಯಲ್ಲಿ ಈ ಸಂಸ್ಥೆಗಳು ತೊಡಗಿದ್ದವು. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಹಲವಾರು ಸಂಸ್ಥೆಗಳು ಮತ್ತು ವ್ಯಕ್ತಿಗಳ ವಿರುದ್ಧ ಬೆಂಗಳೂರು ನಗರದ ಸೈಬರ್ ಕ್ರೈಂ ಪೊಲೀಸ್ ಠಾಣೆಯು ದಾಖಲಿಸಿದ 18 ಎಫ್ಐಆರ್ಗಳನ್ನು ಆಧರಿಸಿ ಪ್ರಕರಣವನ್ನು ಆಧರಿಸಿದೆ.