2020ರಲ್ಲಿ ಚೀನಾ ಜಿಡಿಪಿ ಬೆಳವಣಿಗೆ 4 ದಶಕಗಳಲ್ಲೇ ಅತ್ಯಂತ ಕಡಿಮೆ

ಬೀಜಿಂಗ್, ಜನವರಿ 18: ಚೀನಾದಲ್ಲಿ ಕೊರೊನಾವೈರಸ್ ಏಕಾಏಕಿ ಹರಡಿದ ಬಳಿಕ ಲಾಕ್‌ಡೌನ್ ಜೊತೆಗೆ ವಿಶ್ವದಾದ್ಯಂತ ಕೊರೊನಾ ಪ್ರಭಾವದಿಂದಾಗಿ 2020ರಲ್ಲಿ ಚೀನಾದ ಆರ್ಥಿಕತೆ ಕಳೆದ ನಾಲ್ಕು ದಶಕದಲ್ಲಿಯೇ ಅತ್ಯಂತ ನಿಧಾನಗತಿಯಲ್ಲಿ ಬೆಳೆದಿದೆ ಎಂದು ಅಧಿಕೃತ ಅಂಕಿ-ಅಂಶಗಳು ಸೋಮವಾರ ತಿಳಿಸಿದೆ.

ಚೀನಾದ ಆರ್ಥಿಕತೆಯು 1970 ರ ದಶಕದಲ್ಲಿ ಪ್ರಮುಖ ಸುಧಾರಣೆಗಳನ್ನು ಕೈಗೊಂಡ ನಂತರ ಶೇಕಡಾ 2.3ರಷ್ಟು ಬೆಳವಣಿಗೆ ದರ ದಾಖಲಿಸಿದ್ದೇ ಇಲ್ಲಿಯವರೆಗಿನ ಅತ್ಯಂತ ಕಡಿಮೆ ಅಂಕಿ-ಅಂಶವಾಗಿದೆ.

ಚೀನಾದ ಆರ್ಥಿಕತೆಯು ಕೊರೊನಾ ಪ್ರಭಾವದಿಂದ ಭಾರೀ ತೊಂದರೆಗೊಳಗಾಗಬಹುದು ಎಂದು ಈ ಹಿಂದೆಯೇ ನ್ಯಾಷನಲ್ ಬ್ಯೂರೋ ಆಫ್ ಸ್ಟ್ಯಾಟಿಸ್ಟಿಕ್ಸ್ ಅಂದಾಜಿಸಿತ್ತು. ಅಂತೆಯೇ ಚೀನಾವು 2020ರಲ್ಲಿ ನಿಧಾನಗತಿಯ ಜಿಡಿಪಿ ದರವನ್ನು ದಾಖಲಿಸಿದೆ.

ಕೋವಿಡ್ ಬಿಕ್ಕಟ್ಟಿನಿಂದಾಗಿ ಭಾರತದ ಜಿಡಿಪಿ ಹಣಕಾಸು ವರ್ಷ 2020-21 ರಲ್ಲಿ ದಾಖಲೆಯ ಕುಸಿತವನ್ನು ಅನುಭವಿಸಲಿದ್ದು, ಕೆಲವು ದುರ್ಬಲಗೊಂಡ ಹಣಕಾಸಿನ ಸ್ಥಿತಿಯು ಆರ್ಥಿಕತೆಯನ್ನು ಬೆಂಬಲಿಸುವ ಸರ್ಕಾರದ ಸಾಮರ್ಥ್ಯವನ್ನು ನಿರ್ಬಂಧಿಸುತ್ತದೆ ಎಂದು ಎಸ್ & ಪಿ ಗ್ಲೋಬಲ್ ರೇಟಿಂಗ್ಸ್ ಹೇಳಿದೆ.

ಇದರ ಜೊತೆಗೆ ಮುಂಬರುವ ವರ್ಷಗಳಲ್ಲಿ ಭಾರತದ ಆರ್ಥಿಕತೆಯು ವಿಶ್ವದಲ್ಲೇ ಅತ್ಯಂತ ಪ್ರಬಲವಾಗಿ ಬೆಳೆಯಲಿದೆ ಎಂದು ಅಂದಾಜಿಸಲಾಗಿದೆ.

English summary

China's economy grew at the slowest pace in more than four decades last year despite a rebound after the country's coronavirus outbreak, official data showed Monday.