ಆಪಲ್ ಕಂಪೆನಿ ತೊರೆಯಲಿದ್ದಾರೆ ಐಫೋನ್ ವಿನ್ಯಾಸಕ ಈವ್
ಸ್ಯಾನ್ ಫ್ರಾನ್ಸಿಸ್ಕೋ, ಜೂನ್ 28: ಜಗತ್ತಿನ ಸೆಲ್ಫೋನ್ ಉದ್ಯಮಕ್ಕೆ ಸವಾಲೆಸೆದ ಆಪಲ್ ಕಂಪೆನಿಯ ಐಫೋನ್, ಐಮ್ಯಾಕ್ ಮತ್ತು ಐಪ್ಯಾಡ್ಗಳ ವಿನ್ಯಾಸದ ಹಿಂದಿದ್ದ ಪ್ರಮುಖ ಶಕ್ತಿ, ಮುಖ್ಯ ವಿನ್ಯಾಸ ಅಧಿಕಾರಿ ಜಾನಿ ಈವ್ ಅವರು ಆಪಲ್ ಕಂಪೆನಿ ತೊರೆಯಲಿದ್ದಾರೆ.
ಎರಡು ದಶಕಕ್ಕೂ ಹೆಚ್ಚು ಸಮಯದಿಂದ ಆಪಲ್ ಜತೆ ಒಡನಾಟ ಹೊಂದಿದ್ದ ಈವ್, ತಮ್ಮದೇ ಸ್ವಂತ ವಿನ್ಯಾಸ ಕಂಪೆನಿ ಆರಂಭಿಸುವ ಉದ್ದೇಶದಿಂದ ಆಪಲ್ ತೊರೆಯಲಿದ್ದಾರೆ ಎಂದು ಕಂಪೆನಿ ತಿಳಿಸಿದೆ.
ಈವ್ ಅವರು ಆಪಲ್ ಜತೆ ಸುಮಾರು 30 ವರ್ಷದ ಸಮಯದಿಂದ ಕೆಲಸ ಮಾಡಿದ್ದಾರೆ. ಕಂಪೆನಿ ತೊರೆಯುತ್ತಿದ್ದರೂ ಅವರು ಆಪಲ್ ಜತೆಗಿನ ನಂಟನ್ನು ಸಂಪೂರ್ಣವಾಗಿ ಕಡಿದುಕೊಳ್ಳುವುದಿಲ್ಲ. ಅವರ ಹೊಸ ವಿನ್ಯಾಸ ಕಂಪೆನಿಗೆ ಆಪಲ್ ಗ್ರಾಹಕನಾಗಲಿದೆ. ಹೀಗಾಗಿ ಆಪಲ್ ಫೋನ್ ಹಾಗೂ ಇತರೆ ಸಾಧನಗಳ ವಿನ್ಯಾಸವನ್ನು ಈವ್ ಅವರೇ ನಿಭಾಯಿಸಲಿದ್ದಾರೆ ಎಂದು ಕಂಪೆನಿ ತಿಳಿಸಿದೆ. ಆದರೆ, ಅವರು ಯಾವಾಗ ಕಂಪೆನಿ ತೊರೆಯಲಿದ್ದಾರೆ ಎಂಬ ಮಾಹಿತಿಯನ್ನು ಅದು ನೀಡಿಲ್ಲ.
1990ರ ದಶಕದಿಂದಲೂ ಈವ್ ಅವರು ಆಪಲ್ನ ವಿನ್ಯಾಸ ತಂಡದಲ್ಲಿದ್ದರು. ಆಪಲ್ನ ಸಿಗ್ನೇಚರ್ ವಿನ್ಯಾಸ ಹಾಗೂ ವಿಶಿಷ್ಟ ವಿನ್ಯಾಸಗಳಿಗಾಗಿ ಅವರು ಹೆಸರಾಗಿದ್ದಾರೆ.
Click it and Unblock the Notifications
Sign in with Google