ಒರಾಯನ್ ಮಾಲ್ ನಲ್ಲಿ ಫುಟ್ಬಾಲ್ ಹಬ್ಬ - 2014
ಬೆಂಗಳೂರು, ಜು.2: ಹಾಲಿ ಚಾಂಪಿಯನ್ ಸ್ಪೇನ್ ಟೂರ್ನಿಯಿಂದಲೇ ಹೊರಬಿದ್ದಿದ್ದು, ಜರ್ಮನಿ ಹ್ಯಾಟ್ರಿಕ್ ಗೋಲು ಬಾರಿಸಿದ್ದು, ಪೋರ್ಚುಗಲ್ ಆಟಗಾರನಿಗೆ ರೆಫರಿ ರೆಡ್ ಕಾರ್ಡ್ ತೋರಿಸಿದ್ದು, ಯಾವುದೇ ಗೋಲಿಲ್ಲದೆ 2 ಪಂದ್ಯಗಳು ಡ್ರಾ ಆದದ್ದು ಸೇರಿದಂತೆ ಹತ್ತು ಹಲವು ಕುತೂಹಲಗಳೊಂದಿಗೆ ಫಿಫಾ ವಿಶ್ವಕಪ್ ಫುಟ್ಬಾಲ್ ಟೂರ್ನಿ- 2014 ಮುಂದುವರಿಯುತ್ತಿದೆ.
ಇದಕ್ಕಿಂತ ಕುತೂಹಲಕಾರಿ ಅಂಶಗಳನ್ನು ಕಣ್ತುಂಬಿಕೊಳ್ಳಲು ಫುಟ್ಬಾಲ್ ಪ್ರೇಮಿಗಳು ಜುಲೈ 13 ರಂದು ನಡೆಯಲಿರುವ ಫೈನಲ್ ವರೆಗೆ ಪ್ರತಿ ಪಂದ್ಯವನ್ನು ತುದಿಗಾಲ ಮೇಲೆ ನಿಂತು ನೋಡುತ್ತಿದ್ದಾರೆ. ಆದರೆ, ದುರಾದೃಷ್ಟವಶಾತ್ ಭಾರತೀಯ ಪ್ರೇಕ್ಷಕರಿಗೆ ಹೆಚ್ಚು ಆನಂದ ಸಿಗದಂತಾಗಿದೆ.
ಏಕೆಂದರೆ, ಬಹುತೇಕ ಪ್ರಮುಖ ಪಂದ್ಯಗಳು ಮಧ್ಯರಾತ್ರಿ (ಭಾರತೀಯ ಕಾಲಮಾನದಂತೆ) ನಡೆಯುತ್ತಿವೆ. ಆದರೆ, ಈಗ ಪ್ರಮುಖ ಪಂದ್ಯಗಳನ್ನು ನೋಡಲು ಸಾಧ್ಯವಾಗಲಿಲ್ಲ ಎಂಬ ಚಿಂತೆ ಮಾಡುವ ಅಗತ್ಯವಿಲ್ಲ. ಫಿಫಾ ವಿಶ್ವಕಪ್ ಬ್ರೆಜಿಲ್ ಇದೀಗ ಬ್ರಿಗೇಡ್ ಗೇಟ್ ವೇಯಲ್ಲಿರುವ ಒರಾಯನ್ ಮಾಲ್ ಗೆ ಲಗ್ಗೆ ಇಟ್ಟಿದೆ.
ಇಲ್ಲಿ 6 ಅಡಿ ಉದ್ದ 6 ಅಡಿ ಅಗಲದ 'ಫುಟ್ಬಾಲ್ - 2014' ಎಂದು ಬರೆದಿರು, ಆಟದ ವಿವಿಧ ಬಣ್ಣಗಳನ್ನು ಒಳಗೊಂಡಿರುವ ಕಟೌಟ್ ಜನರನ್ನು ಮಾಲ್ ಒಳಗೆ ಸ್ವಾಗತಿಸುತ್ತದೆ. ಇದರ ಜೊತೆಗೆ ಒಂದು ಬೃಹತ್ ಗಾತ್ರದ ಫುಟ್ಬಾಲ್ ಕೂಡಾ ಇಡಲಾಗಿದೆ. ಟೂರ್ನಿಯಲ್ಲಿ ಪಾಲ್ಗೊಂಡಿರುವ ಎಲ್ಲಾ 32 ದೇಶಗಳ ರಾಷ್ಟ್ರಧ್ವಜಗಳು ಮಾಲ್ ನ ಕಂಬಗಳಲ್ಲಿ ರಾರಾಜಿಸುತ್ತಿವೆ.
ಚಿನ್ನದ ಫೀಫಾ ವರ್ಲ್ಡ್ ಕಪ್ ಇತಿಹಾಸದಲ್ಲಿ ಅನೇಕ ಬಾರಿ ಕಳೆದು ಹೋಗಿರಬಹುದು. ಅಥವಾ ನೀವು ಅದನ್ನು ನೋಡದೆಯೂ ಇರಬಹುದು. ಈಗ ಒರಾಯನ್ ಮಾಲ್ ನತ್ತ ಬಂದರೆ ಇಲ್ಲಿನ 12 ಅಡಿಯ ಟ್ರೋಫಿಯನ್ನು ನೋಡಿ ಖುಷಿ ಪಡುವ ಅವಕಾಶ ನಿಮಗೆ ಸಿಗುತ್ತದೆ.
ನೀವು ಬೆಂಬಲಿಸುವ ತಂಡದ ಬಣ್ಣಗಳೊಂದಿಗೆ ಫೋಟೋ ತೆಗೆಸಿಕೊಳ್ಳಲು ನೀವು ಬಯಸಿದರೆ- ಫುಟ್ ಬಾಲ್ ಹಬ್ಬ 2014 ಭಾಗವಹಿಸುತ್ತಿರುವ ತಂಡಗಳು ಮತ್ತು ಜೆರ್ಸಿಗಳ ಬಣ್ಣಗಳೊಂದಿಗೆ ಅನೇಕ ಫೋಟೋ-ಆಪ್ ಅವಕಾಶಗಳಿವೆ. ಇಲ್ಲಿ ನೀವು ನಿಮ್ಮ ಫೋಟೋ ತೆಗೆಸಿಕೊಂಡು ಆನಂದ ಪಡಬಹುದು. ಬ್ರೆಜಿಲ್ ಗೆ ಹೋಗದೆಯೇ ಫುಟ್ಬಾಲ್ ಮಜಾ ಅನುಭವಿಸುವ ಸಂದರ್ಭ ನಿಮಗೆ ಇಲ್ಲಿ ಸಿಗುತ್ತದೆ - ಫ್ಯಾನ್ ಚೀಯರಿಂಗ್ ಫೋಟೋ ಬೂತ್ ಗೆ ಹೋಗಿ, ಫಿಫಾ ಫ್ಯಾನ್ ಮೆಮೊರಬಿಲ್ಲಾದಲ್ಲಿ ಎಷ್ಟು ಸಾಧ್ಯವೋ ಅಷ್ಟು ಛಾಯಾಚಿತ್ರಗಳನ್ನು ಕೂಡಾ ತೆಗೆಸಿಕೊಳ್ಳಬಹುದು.
ಕಸ್ಟಮೈಸೇಶನ್ ಸ್ಟೇಶನ್ ಗಳನ್ನು ಈ ಮಾಲ್ ನಾದ್ಯಂತ ರಚಿಸಲಾಗಿದೆ. ಅದರೊಳಗೆ ಹೆಜ್ಜೆ ಇಟ್ಟು ನೀವು ಬೆಂಬಲಿಸುವ ತಂಡದ ಬಣ್ಣಗಳನ್ನು ನಿಮ್ಮ ವ್ಯಕ್ತಿತ್ವಕ್ಕೆ ಹೊಂದುವಂತೆ ಪ್ರತಿಯೊಂದು ರೀತಿಯಲ್ಲಿ- ತಲೆಕೂದಲಿನಿಂದ ಹಿಡಿದು ಉಗುರಿನ ಬಣ್ಣದಿಂದ, ಬಟ್ಟೆಗಳು ಹಾಗೂ ಇನ್ನಷ್ಟು ಸಂಗತಿಗಳ ಮೂಲಕ ಸಿಂಗರಿಸಿಕೊಳ್ಳಬಹುದು.
ಫಿಫಾ ವಿಶ್ವ ಕಪ್ ನ ಹಾಡಿಗೆ ಜತೆಯಾಗಲು ನೀವು ಬಯಸಿದರೆ, ಆಟಕ್ಕೆ ಜತೆಯಾಗುವುದಕ್ಕಿಂತ ಉತ್ತಮವಾದ ಬೇರೆ ವಿಧಾನವಿಲ್ಲ. ಇಲ್ಲಿನ ಮಾಲ್ ನ ಫುಟ್ಬಾಲ್ ಹಬ್ಬದಲ್ಲಿ, ಅದಕ್ಕಾಗಿ ನಿಮಗೆ ಅನೇಕ ವಿನೂತನವಾದ ದಾರಿಗಳಿವೆ. ಯಾವುದಾದರೊಂದು ವಾರಾಂತ್ಯದಲ್ಲಿ ಒಬ್ಬ ಕ್ಯಾಮರಾಮನ್ ಮಾಲ್ನಾದ್ಯಂತ ನಿಮ್ಮನ್ನು ಹಿಂಬಾಲಿಸುತ್ತಾ ನೀವು ಭಾಗವಹಿಸುವ ವಿವಿಧ ಫುಟ್ಬಾಲ್ ಆಧರಿತ ಚಟುವಟಿಕೆಗಳನ್ನು ಹಾಗೂ ನಿಮ್ಮ ಎಲ್ಲಾ ಉದ್ವೇಗ, ಖುಷಿಗಳ ಕ್ಷಣಗಳನ್ನು ನೇರವಾಗಿ ಸೆರೆಹಿಡಿಯುತ್ತಾನೆ. ಈ ವೀಡಿಯೊಗಳು ನಿಮ್ಮ ನೆನಪಿನ ಭಾಗವಾಗುತ್ತವೆ ಮತ್ತು ವಿಶ್ವವೇ ಇದನ್ನು ನೋಡುವ ಸಲುವಾಗಿ ಆನ್ಲೈನ್ನಲ್ಲಿ ಕೂಡಾ ನೀವು ಇದನ್ನು ಶೇರ್ ಮಾಡಬಹುದು.
ನೆಟ್ಟೆಡ್ ಗೋಲ್ ಆಟವಾಡಿ ಇಲ್ಲಿ ಒಂದು ಗರಿಷ್ಠ ಸೆಟ್ ಗೆಲ್ಲುವವರು ಪುಮಾ ದಿಂದ ಬಹುಮಾನ ಗೆಲ್ಲಬಹುದು. ಅಥವಾ ಗೆಳೆಯರ ಜತೆ ಮುಖಾಮುಖಿಯಾಗಲು ಬಯಸಿದರೆ ಕೇಜ್ ಫುಟ್ಬಾಲ್ ಅರೇನಾದೊಳಕ್ಕೆ ಹೋಗಿ, ಕಾರ್ಪೆಟ್ ನ ಮೇಲೆ ಹಾಗೂ ಬೇಲಿಯೊಳಗಿರುವ ಫುಟ್ಬಾಲ್ ಮೈದಾನದಲ್ಲಿ ಆರು ಆಟಗಾರರು ಆಡಬಹುದಾಗಿದೆ. (ಒನ್ಇಂಡಿಯಾ ಕನ್ನಡ)
-
Gold Price: ಇಳಿಕೆಯತ್ತ ಚಿನ್ನ, ಬೆಳ್ಳಿ ಬೆಲೆ: ಇಂದಿನ ದರವೆಷ್ಟು? ಇಲ್ಲಿದೆ ಮಾಹಿತಿ -
Bengaluru Viral: ಆಟೋ ಚಾಲಕನ ಕ್ರಿಯೇಟಿವಿಟಿಗೆ ಬೆಂಗಳೂರು ನಿಜಕ್ಕೂ ಸೃಜನಶೀಲ ನಗರ ಎಂದ ನೆಟ್ಟಿಗರು -
SSLC ವಿಜ್ಞಾನ ಪರೀಕ್ಷೆ ಮುಕ್ತಾಯ: ಪೇಪರ್ ಹೇಗಿತ್ತು? ತಜ್ಞರು ಹಾಗೂ ವಿದ್ಯಾರ್ಥಿಗಳು ಏನಂತಾರೆ? ಇಲ್ಲಿದೆ ವಿಶ್ಲೇಷಣೆ -
Video: ಲ್ಯಾಂಬೋರ್ಗಿನಿ ಸ್ಟಂಟ್ ಕೇಸ್: ಮುತ್ತಪ್ಪ ರೈ ಪುತ್ರ ರಿಕ್ಕಿ ರೈಗೆ ಪೊಲೀಸರಿಂದ ನೋಟಿಸ್ -
Bengaluru Second Airport: ಬೆಂಗಳೂರು ಎರಡನೇ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣ: ಜಾಗ ಆಯ್ಕೆ ಕರ್ನಾಟಕಕ್ಕೆ ಬಿಟ್ಟ ಕೇಂದ್ರ -
Weekly Horoscope March 23-29: ಯಾರಿಗೆ ಲಾಭ, ಯಾರಿಗೆ ಸವಾಲು? ಸಂಪೂರ್ಣ ವಿವರ ಇಲ್ಲಿದೆ -
ಮೈಸೂರು, ಬೆಂಗಳೂರು, ವಿಜಯಪುರ ರೈಲು ಪ್ರಯಾಣಿಕರೇ ಗಮನಕ್ಕೆ; ರೈಲುಗಳ ಸಂಚಾರ ಭಾಗಶಃ ರದ್ದು -
Karnataka weather: ಬೆಂಗಳೂರು ಸೇರಿದಂತೆ 10ಕ್ಕೂ ಹೆಚ್ಚು ಜಿಲ್ಲೆಗಳಲ್ಲಿ ಮಳೆ ಮುನ್ಸೂಚನೆ ನೀಡಿದ IMD -
NWKRTC ಬಸ್ಗಳಿಗೆ ಟ್ರ್ಯಾಕಿಂಗ್ ಸಿಸ್ಟಮ್ ಅಳವಡಿಕೆಗೆ 'ಆಡಿಟ್' ಬಿಸಿ: ಜಗದೀಶ್ ಶೆಟ್ಟರ್ಗೆ ನಿತಿನ್ ಗಡ್ಕರಿ ಪತ್ರ -
Bengaluru Property: ಬೆಂಗಳೂರಿನ ಪ್ರಾಪರ್ಟಿ, ನಿರ್ಮಾಣ ಹಂತದ ಕಟ್ಟಡ - ರಿಯಲ್ ಎಸ್ಟೇಟ್ಗೆ ಏಕಾಏಕಿ ಪೆಟ್ಟು -
Jobs: ಆಯುಷ್ ಇಲಾಖೆ ನೇಮಕಾತಿ; ಬಿ.ಕಾಂ, ಬಿಬಿಎ ಓದಿದವರಿಗೆ ಬೆಂಗಳೂರಿನಲ್ಲಿ ಭರ್ಜರಿ ಉದ್ಯೋಗಾವಕಾಶ -
ಕೆಡಿ ಹಾಡಿನ ವಿವಾದ; ನಮ್ಮವರೇ ಕಾಲೆಳೆಯುವುದು ಸರಿಯಲ್ಲ: ಪ್ರೇಮ್ ಬೆಂಬಲಕ್ಕೆ ನಿಂತ ಯಶ್ ತಾಯಿ ಪುಷ್ಪ
Click it and Unblock the Notifications
Sign in with Google