ಗೊಟ್ಟಿಗೆರೆ-ನಾಗವಾರ ಮೆಟ್ರೋ ಸುರಂಗ ಮಾರ್ಗಕ್ಕೆ ಮತ್ತೆ ಟೆಂಡರ್

ಬೆಂಗಳೂರು, ಜೂನ್‌ 28: ನಮ್ಮ ಮೆಟ್ರೋ 13.ಕಿ.ಮೀ ಸುರಂಗ ಮಾರ್ಗ ಬದಲಿಸಿ 5 ಕಿ.ಮೀಗೆ ಇಳಿಕೆ ಮಾಡಲು ಚರ್ಚೆ ನಡೆದಿದೆ. ಮೆಟ್ರೋ ಎರಡನೇ ಹಂತದ ಗೊಟ್ಟಿಗೆರೆ -ನಾಗವಾರ ಯೋಜನೆಯ ಸುರಂಗ ಮಾರ್ಗಕ್ಕೆ ಟೆಂಡರ್ ಕರೆಯಲಾಗಿದೆ.

ಗೊಟ್ಟಿಗೆರೆ-ನಾಗವಾರ ಮಾರ್ಗ 21 ಕಿ.ಮೀ ವ್ಯಾಪ್ತಿಯದ್ದಾಗಿದೆ ಅದರಲ್ಲಿ 13 ಕಿ.ಮೀ ಸುರಂಗ ಮಾರ್ಗವಾಗಿತ್ತು. ಸುರಂಗದ ಉದ್ದವನ್ನು ಕಡಿಮೆ ಮಾಡಿ ಮರು ಟೆಂಡರ್‌ ಕರೆಯಲಾಗಿದೆ. ಒಂದು ವಾರದ ಹಿಂದಷ್ಟೆ ಮೊದಲ ಪ್ಯಾಕೇಜ್‌ನಲ್ಲಿ ವೆಲ್ಲಾರ ಜಂಕ್ಷನ್‌-ಶಿವಾಜಿನಗರ ಮಾರ್ಗಕ್ಕೆ ಟೆಂಡರ್‌ ಕರೆಯಲಾಗಿದೆ.

ಈಗ ಶಿವಾಜಿನಗರ-ಟ್ಯಾನರಿ ರಸ್ತೆ ನಡುವಿನ 2.88 ಕಿ.ಮೀ ಉದ್ದದ ಸುರಂಗ ಮಾರ್ಗಕ್ಕೆ ಎರಡನೇ ಪ್ಯಾಕೇಜಿನಲ್ಲಿ ಟೆಂಡರ್‌ ಆಹ್ವಾನಿಸಲಾಗಿದೆ. ಇದರಲ್ಲಿ ಕಂಟೋನ್ಮೆಂಟ್‌ ಹಾಗೂ ಪಾಟರಿ ಟೌನ್‌ ನಿಲ್ದಾಣಗಳು ನಿರ್ಮಾಣವಾಗಲಿದೆ. ವೆಂಕಟೇಶಪುರ, ಅರೇಬಿಕ್‌ ಕಾಲೇಜು, ನಾಗವಾರದವರೆಗೆ ಸುರಂಗ ಮಾಡಲು ತೀರ್ಮಾನಿಸಲಾಗಿತ್ತು.

ಈ ಮಾರ್ಗದಲ್ಲಿ ಎತ್ತರಿಸಿದ ಮಾರ್ಗ ನಿರ್ಮಿಸಬೇಕೆಂದು ಅಥವಾ ಇಲ್ಲಿಯೂ ಸುರಂಗ ನಿರ್ಮಿಸಬೇಕೆ ಎಂದು ಇನ್ನೂ ನಿರ್ಧರಿಸಿಲ್ಲ. ಯೋಜನೆ ರೂಪಿಸಿದಾಗ ಇದ್ದ 13ಕಿ.ಮೀ ಮಾರ್ಗಕ್ಕೆ ಟೆಂಡರ್‌ ಆಹ್ವಾನ ಪ್ರಕ್ರಿಯೆ ಮುಕ್ತಾಯಗೊಂಡಿದೆ. ಈ ಹಿಂದೆ 13ಕಿ.ಮೀ ಸುರಂಗ ಕಾಮಗಾರಿಗೆ 2017ರ ಜುಲೈನಲ್ಲಿ ಟೆಂಡರ್‌ ಆಹ್ವಾನಿಸಲಾಗಿತ್ತು. 5,047 ಕೋಟಿ ರೂ.ಗೆ ಟೆಂಡರ್‌ ಆಹ್ವಾನಿಸಲಾಗಿತ್ತು. ಇದೀಗ ಬದಲಿ ಮಾರ್ಗಕ್ಕೆ ಮತ್ತೆ ಟೆಂಡರ್‌ ಆಹ್ವಾನಿಸಲಾಗಿದೆ.

English summary

BMRCL has called another tender for tunnel work of 2.8 km stretch between Shivaji Nagar and Tannery road which has included Cantonment and Pottery town metro stations.