6 ಬೋಗಿ ಮೆಟ್ರೋ ರೈಲಿಗೆ ಸುರಕ್ಷತಾ ಕಮಿಷನರ್ ಅನುಮತಿ ಇನ್ನೂ ಸಿಕ್ಕಿಲ್ಲ
ಬೆಂಗಳೂರು, ಮೇ 18: ಮೈಸೂರು ರಸ್ತೆ-ಬೈಯಪ್ಪನಹಳ್ಳಿ ಮಾರ್ಗದಲ್ಲಿ ಆರು ಬೋಗಿ ರೈಲಿನ ಪರೀಕ್ಷಾರ್ಥ ಸಂಚಾರ ಆರಂಭಗೊಂಡಿದೆ. ಆದರೆ ಈ ಸೇವೆಗೆ ಇನ್ನು ಸುರಕ್ಷತಾ ಆಯುಕ್ತರಿಂದ ಪರಿಶೀಲನೆಯೇ ನಡೆದಿಲ್ಲ.
ಆರು ಬೋಗಿ ರೈಲಿನ ಪರೀಕ್ಷಾರ್ಥ ಸಂಚಾರ ಶುರುವಾಗಿ ಒಂದು ತಿಂಗಳಾಗುತ್ತಾ ಬಂದರೂ ರೈಲ್ವೆ ಸುರಕ್ಷತಾ ಆಯುಕ್ತರಿಂದ ಪರಿಶೀಲನೆ ನಡೆದಿಲ್ಲ. ನಿಯಮ ಪ್ರಕಾರ ಬಿಎಂಆರ್ಸಿಎಲ್ ಸುರಕ್ಷತಾ ಆಯುಕ್ತರಿಗೆ ಪತ್ರ ಬರೆದು ಪರಿಶೀಲನೆ ನಡೆಸಲು ಕೋರಬೇಕು.
ನಿಗಮವು ಇನ್ನೂ ಈ ಪ್ರಕ್ರಿಯೆಯನ್ನೇ ನಡೆಸಿಲ್ಲ. ಮೇ ಅಂತ್ಯದಲ್ಲಿ ಅಥವಾ ಜೂನ್ನಲ್ಲಿ ಆರು ಬೋಗಿ ರೈಲನ್ನು ಸಂಚಾರಕ್ಕೆ ಮುಕ್ತಗೊಳಿಸುವ ಗುರಿ ಇರಿಸಿಕೊಳ್ಳಲಾಗಿದೆ. ಆದರೆ ಇನ್ನೂ ಸುರಕ್ಷತಾ ಆಯುಕ್ತರ ಪರಿಶೀಲನೆ ನಡೆದಿಲ್ಲವಾದ್ದರಿಂದ ವಾಣಿಜ್ಯ ಸಂಚಾರದ ದಿನಾಂಕದ ಬಗ್ಗೆ ಖಾತರಿ ಇಲ್ಲ. ಮೊದಲಿಗೆ ಡಿಪೊದಲ್ಲಿನ ಹಳಿಯಲ್ಲಿ ರೈಲಿನ ಸಂಚಾರ ಪರೀಕ್ಷೆ ನಡೆದಿತ್ತು.
ಮೆಟ್ರೋದಲ್ಲಿ ಸೊಳ್ಳೆಕಾಟ: ಬೈಯಪ್ಪನಹಳ್ಳಿ-ಮೈಸೂರು ರಸ್ತೆ ಮಾರ್ಗದಲಲ್ಇ ಸಂಚರಿಸುವ ಮೆಟ್ರೋದಲ್ಲಿ ಸೊಳ್ಳೆ ಕಾಟ ಆರಂಭವಾಗಿದೆ. ಪ್ರತಿ ದಿನ ಸಂಜೆ ಸೊಳ್ಳೆಯಿಂದ ಕಚ್ಚಿಸಿಕೊಳ್ಳುತ್ತಿರುವ ಪ್ರಯಾಣಿಕರು ಈ ಕುರಿತು ನಿಗಮದ ಸಿಬ್ಬಂದಿಗೆ ದೂರು ನೀಡುತ್ತಿದ್ದಾರೆ. ಆದರೆ ಈ ಕುರಿತು ಕ್ರಮ ಕೈಗೊಳ್ಳಲು ನಿಗಮಕ್ಕೆ ಸಾಧ್ಯವಾಗುತ್ತಿಲ್ಲ.
ಸೊಳ್ಳೆ ನಿಯಂತ್ರಣ ಔಷಧವನ್ನು ಬೋಗಿಯ ಒಳಗೆ ಸಿಂಪಡಿಸಿದರೆ ದುರ್ವಾಸನೆ ಬರುವುದರಿಂದ ಪ್ರಯಾಣಿಕರಿಗೆ ತೊಂದರೆಯಾಗುತ್ತದೆ. ಹೀಗಾಗಿ ಬೋಗಗಿಯ ಒಳಗಿನ ಭಾಗವನ್ನು ಸ್ವಚ್ಛವಾಗಿಡುವ ಮೂಲಕ ಸೊಳ್ಳೆ ನಿಯಂತ್ರಣಕ್ಕೆ ಕ್ರಮ ಕೈಗೊಳ್ಳಲಾಗಿದೆ. ಆದರೂ ಸೊಳ್ಳೆ ಕಾಟ ಇನ್ನೂ ಕಡಿಮೆಯಾಗಿಲ್ಲ.
Click it and Unblock the Notifications
Sign in with Google