ಬೆಂಗಳೂರು: ಟಿಯರ್ ಗ್ಯಾಸ್ ಫೈರಿಂಗ್, ಸಂಚಾರ ಸ್ಥಗಿತ

ಬೆಂಗಳೂರು, ನವೆಂಬರ್ 24: ಪೊಲೀಸ್ ತರಬೇತಿ ವೇಳೆ ಟಿಯರ್ ಗ್ಯಾಸ್ ಫೈರಿಂಗ್ ಆಗಿರುವ ಘಟನೆ ಬೆಂಗಳೂರಿನ ಸಿ ಆರ್ ಗ್ರೌಂಡ್ ಹಿಂಭಾಗದಲ್ಲಿ ಇಂದು (ಶುಕ್ರವಾರ) ಬೆಳಗ್ಗೆ ನಡೆದಿದೆ.

ಟಿಯರ್ ಗ್ಯಾಸ್ ಫೈರಿಂಗ್ ನಿಂದಾಗಿ ಬಿನ್ನಿಮಿಲ್ ನಿಂದ ಶಿರಸಿ ವೃತ್ತದ ವರೆಗೆ ದಟ್ಟ ಹೊಗೆ ಆವರಿಸಿದ್ದು, ಈ ಹೊಗೆಯನ್ನು ಕಂಡು ಕೆಲಕಾಲ ಸಾರ್ವಜನಿಕರು ಗಾಬರಿಗೊಂಡಿದ್ದಾರೆ.ಅದೃಷ್ಟವಶಾತ್ ಯಾವುದೇ ಅನಾಹುತಗಳು ಸಂಭವಿಸಿಲ್ಲ. ಕೆಲಕಾಲ ಬಿನ್ನಿಮಿಲ್ ನಿಂದ ಶಿರಸಿ ವೃತ್ತದ ವರೆಗೆ ವಾಹನ ಸಂಚಾರವನ್ನು ಪೊಲೀಸರು ಸ್ಥಗಿತಗೊಳಿಸಿದ್ದಾರೆ.

ಗಲಭೆ ವೇಳೆ ಜನರನ್ನು ಚದುರಿಸಲು ಪೊಲೀಸರು ಈ ಟಿಯರ್ ಗ್ಯಾಸ್ ನ್ನು ಬಳಸುತ್ತಾರೆ. ಪೊಲೀಸ್ ತರಬೇತಿ ವೇಳೆ ಟಿಯರ್ ಗ್ಯಾಸ್ ಫೈರಿಂಗ್ ಆಗಿದೆ.

English summary

Police fire teargas shell accidentally during training at Sirsi Circle in Bengaluru on Friday morning, thick smoke from teargas creates panic among the people around Binny mill and Sirsi Circle area.