Bengaluru-Belagavi Vande Bharat: ಬೆಂಗಳೂರು-ಬೆಳಗಾವಿ ವಂದೇ ಭಾರತ್‌ಗೆ ಚಾಲನೆ: ಟಿಕೆಟ್ ದರ, ಮಾರ್ಗಗಳು, ವೇಳಾಪಟ್ಟಿ

Bengaluru-Belagavi Vande Bharat Express: ಬೆಂಗಳೂರು-ಬೆಳಗಾವಿ ವಂದೇ ಭಾರತ್ ಎಕ್ಸ್‌ಪ್ರೆಸ್‌ ರೈಲಿಗೆ ಪ್ರಧಾನಿ ನರೇಂದ್ರ ಮೋದಿ ಅವರು ಇಂದು (ಆಗಸ್ಟ್‌ 10) ಚಾಲನೆ ನೀಡದರು. ಹಾಗಾದ್ರೆ ಈ ರೈಲು ಯಾವೆಲ್ಲಾ ಮಾರ್ಗಗಳಲ್ಲಿ ಸಂಚರಿಸಲಿದೆ? ಸಮಯಗಳು ಹಾಗೂ ದರಗಳ ಸಂಪೂರ್ಣ ಮಾಹಿತಿಯನ್ನು ಇಲ್ಲಿ ನೀಡಲಾಗಿದೆ ಗಮನಿಸಿ.

ಬೆಂಗಳೂರು ಕ್ರಾಂತಿವೀರ ಸಂಗೋಳ್ಳಿ ರಾಯಣ್ಣ (ಕೆಎಸ್ಆರ್‌) ರೈಲ್ವೆ ನಿಲ್ದಾಣದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರು ಭಾನುವಾರ ಬಹುನಿರೀಕ್ಷಿತ ಬೆಂಗಳೂರು-ಬೆಳಗಾವಿ ವಂದೇ ಭಾರತ್ ಎಕ್ಸ್‌ಪ್ರೆಸ್‌ ರೈಲಿಗೆ ಚಾಲನೆ ನೀಡಿದರು. ಹಾಗಾದ್ರೆ ಇದು ಯಾವೆಲ್ಲಾ ಮಾರ್ಗಗಳಲ್ಲಿ ಸಂಚರಿಸಲಿದೆ ಹಾಗೂ ಟಿಕೆಟ್ ದರ ಎಷ್ಟಿರಲಿದ ಎನ್ನುವ ಪ್ರಶ್ನೆಗಳಿಗೆ ಉತ್ತರವನ್ನು ಇಲ್ಲಿ ನೀಡಲಾಗಿದೆ ತಿಳಿಯಿರಿ.

ಪ್ರಧಾನಿ ನರೇಂದ್ರ ಮೋದಿ ಬೆಂಗಳೂರಿನ ಕೆಎಸ್‌ಆರ್‌ ರೇಲ್ವೇ ನಿಲ್ದಾಣದಲ್ಲಿ ಬೆಂಗಳೂರು-ಬೆಳಗಾವಿ ವಂದೇ ಭಾರತ್ ರೈಲಿಗೆ ಚಾಲನೆ ನೀಡಿದರು. ಇದೇ ವೇಳೆ ವರ್ಚುವಲ್‌ ಮೂಲಕ ಅಮೃತಸರ-ಶ್ರೀಮಾತಾ ವೈಷ್ಣೋದೇವಿ ಕತ್ರಾ , ನಾಗಪುರ (ಅಜ್ನಿ)- ಪುಣೆ ರೈಲುಗಳಿಗೆ ಹಸಿರು ನಿಶಾನೆ ತೋರಿದರು. ಇನ್ನು ಬಹುದಿನಗಳ ಕನಸಾಗಿದ್ದ ಬೆಳಗಾವಿ-ಬೆಂಗಳೂರು ವಂದೇ ಭಾರತ್ ರೈಲಿಗೆ ಕೊನೆಗೂ ಚಾಲನೆ ಸಿಕ್ಕಂತಾಗಿದ್ದು, ಇದು ಆಗಸ್ಟ್ 11ರ ಸೋಮವಾರದಿಂದ ನಿಯಮಿತವಾಗಿ ಸಂಚಾರ ಆರಂಭ ಆರಂಭಿಸಲಿದೆ.

ಯಾವಾಗಿನಿಂದ ಸಂಚಾರ ಆರಂಭ?: ಆಗಸ್ಟ್ 11ರ ಸೋಮವಾರದಿಂದ ಬೆಂಗಳೂರು-ಬೆಳಗಾವಿ ವಂದೇ ಭಾರತ್ ರೈಲು ಸಂಚಾರ ಆರಂಭ ಆಗಲಿದೆ. ಬೆಳಗಾವಿ -ಕೆಎಸ್‌ಆರ್‌ ಬೆಂಗಳೂರು ವಂದೇ ಭಾರತ್‌ ಎಕ್ಸ್‌ಪ್ರೆಸ್‌ (26751) ರೈಲು ಬೆಳಗಾವಿಯಿಂದ ಬೆಳಗ್ಗೆ 5:20ಕ್ಕೆ ಬಿಡಲಿದ್ದು, ಮಧ್ಯಾಹ್ನ 1:50ಕ್ಕೆ ಬೆಂಗಳೂರಿಗೆ ಬರಲಿದೆ.

* ಬಳಿಕ ಬೆಂಗಳೂರು ಕ್ರಾಂತಿವೀರ ಸಂಗೋಳ್ಳಿ ರಾಯಣ್ಣ (ಕೆಎಸ್‌ಆರ್‌) ರೈಲ್ವೆ ನಿಲ್ದಾಣದಿಂದ ಮಧ್ಯಾಹ್ನ 2:20ಕ್ಕೆ ಹೊರಡುವ ರೈಲು (26752), ರಾತ್ರಿ 10:40 ಗಂಟೆಗೆ ಬೆಳಗಾವಿಗೆ ಮುಟ್ಟಲಿದೆ. ಈ ರೈಲು 8 ಜಿಲ್ಲೆಗಳ ಮೂಲಕ ಹಾದು ಹೋಗಲಿದ್ದು, ಬುಧವಾರ ಹೊರತುಪಡಿಸಿ ವಾರದ 6 ದಿನ ಈ ರೈಲು ಸಂಚಾರ ಮಾಡಲಿದೆ.

ಬೆಳಗಾವಿ-ಬೆಂಗಳೂರು ವಂದೇ ಭಾರತ್ ಎಲ್ಲೆಲ್ಲಿ ನಿಲುಗಡೆ?

* ಧಾರವಾಡ
* ಹುಬ್ಬಳ್ಳಿ
* ಹಾವೇರಿ
* ದಾವಣಗೆರೆ
* ತುಮಕೂರು
* ಯಶವಂತಪುರ

ಸಮಯಗಳ ವಿವರ: ಬೆಳಗಾವಿಯಿಂದ ಬೆಳಗ್ಗೆ ಬೆಳಗ್ಗೆ 5:20ಕ್ಕೆ ಸಂಚಾರ ಶುರು ಮಾಡಲಿದೆ. ಧಾರವಾಡ ಬೆಳಗ್ಗೆ 7:8, ಹುಬ್ಬಳ್ಳಿ ಬೆಳಿಗ್ಗೆ 7:30, ಹಾವೇರಿ ಬೆಳಗ್ಗೆ 8:35, ದಾವಣಗೆರೆ ಬೆಳಗ್ಗೆ 9:25, ತುಮಕೂರು ಮಧ್ಯಾಹ್ನ 12:15, ಯಶವಂತಪುರ ಮಧ್ಯಾಹ್ನ 1:3ಕ್ಕೆ ಬಿಡಲಿದ್ದು, ಬೆಂಗಳೂರು ಕೆಎಸ್‌ಆರ್‌ಗೆ ಮಧ್ಯಾಹ್ನ 1:50ಕ್ಕೆ ಬರಲಿದೆ.

ಬಳಿಕ ಬೆಂಗಳೂರು ಕೆಎಸ್‌ಆರ್ ನಿಲ್ದಾಣದಿಂದ ಮಧ್ಯಾಹ್ನ 2:20ಕ್ಕೆ ಸಂಚಾರ ಶುರು ಮಾಡಲಿದೆ. ಅಲ್ಲಿಂದ ಯಶವಂತಪುರ ಮಧ್ಯಾಹ್ನ ಮಧ್ಯಾಹ್ನ 2:28, ತುಮಕೂರು ಮಧ್ಯಾಹ್ನ 3:3, ದಾವಣಗೆರೆ ಸಂಜೆ 5:48, ಹಾವೇರಿ ಸಂಜೆ 6:48, ಹುಬ್ಬಳ್ಳಿ ರಾತ್ರಿ 8,
ಧಾರವಾಡಕ್ಕೆ ರಾತ್ರಿ 8:25 ಬರಲಿದ್ದು, ಅಲ್ಲಿಂದ ಬೆಳಗಾವಿ ರಾತ್ರಿ 10:40ಕ್ಕೆ ಬಂದು ತಲುಪಲಿದೆ. ಈ ರೈಲು 8 ಗಂಟೆ 50 ನಿಮಿಷಗಳಲ್ಲಿ 611 ಕಿಲೋ ಮೀಟರ್ ದೂರ ಕ್ರಮಿಸಲಿದೆ.

ಟಿಕೆಟ್‌ ದರಗಳ ವಿವರ

* ಬೆಂಗಳೂರು - ಬೆಳಗಾವಿಗೆ 1,118 ರೂಪಾಯಿ (ಚೇರ್‌ಕಾರ್), ಎಕ್ಸಿಕ್ಯೂಟಿವ್‌ ಚೇರ್‌ಕಾ‌ರ್ 2279 ರೂಪಾಯಿ
* ಬೆಂಗಳೂರು - ಧಾರವಾಡಕ್ಕೆ ಚೇರ್‌ಕಾರ್ 914 ರೂಪಾಯಿ ಇದ್ದರೆ, ಎಕ್ಸಿಕ್ಯೂಟಿವ್‌ ಚೇರ್‌ಕಾ‌ರ್ 1,863 ರೂಪಾಯಿ
* ಬೆಂಗಳೂರು - ಹುಬ್ಬಳ್ಳಿ ಚೇರ್‌ಕಾರ್ 885 ರೂಪಾಯಿ, ಎಕ್ಸಿಕ್ಯೂಟಿವ್‌ ಚೇರ್‌ಕಾ‌ರ್ 1,802 ರೂಪಾಯಿ
* ಬೆಂಗಳೂರು - ಹಾವೇರಿ ಚೇರ್‌ಕಾರ್ 778 ರೂಪಾಯಿ, ಎಕ್ಸಿಕ್ಯೂಟಿವ್‌ ಚೇರ್‌ಕಾ‌ರ್ 1,588 ರೂಪಾಯಿ
* ಬೆಂಗಳೂರು - ದಾವಣಗೆರೆ ಚೇರ್‌ಕಾರ್ 676 ರೂಪಾಯಿ, ಎಕ್ಸಿಕ್ಯೂಟಿವ್‌ ಚೇರ್‌ಕಾ‌ರ್ 1,379 ರೂಪಾಯಿ
* ಬೆಂಗಳೂರು - ತುಮಕೂರು ಚೇರ್‌ಕಾರ್ 298 ರೂಪಾಯಿ, ಎಕ್ಸಿಕ್ಯೂಟಿವ್‌ ಚೇರ್‌ಕಾ‌ರ್ 615 ರೂಪಾಯಿ
* ಬೆಂಗಳೂರು - ಯಶವಂತಪುರ ಚೇರ್‌ಕಾರ್ 242 ರೂಪಾಯಿ, ಎಕ್ಸಿಕ್ಯೂಟಿವ್‌ ಚೇರ್‌ಕಾ‌ರ್ 503 ರೂಪಾಯಿ

ವಂದೇ ಭಾರತ್ ರೈಲು ಎಕ್ಸ್‌ಪ್ರೆಸ್‌ ದೇಶದ ಜನರ ಮನಗೆದ್ದ ಹೈಷಾರಾಮಿ ರೈಲಾಗಿದೆ. ಇದಕ್ಕೆ ದಿನದಿಂದ ದಿನಕ್ಕೆ ಬೇಡಿಕೆ ಹೆಚ್ಚಾಗುತ್ತಿದ್ದು, ಹೊಸ ಮಾರ್ಗಗಳಲ್ಲಿ ಬಿಡುವಂತೆ ಒತ್ತಾಯಗಳು ಕೇಳಿಬರುತ್ತಿವೆ. ಇದೀಗ ಕೊನೆಗೂ ಬೆಳಗಾವಿ-ಬೆಂಗಳೂರು ವಂದೇ ಭಾರತ್ ರೈಲಿಗೆ ಚಾಲನೆ ಸಿಕ್ಕಿದ್ದು ಹೊಸ ಕ್ರಾಂತಿಯಾಗಿದೆ. ಈಗಾಗಲೇ ಕರ್ನಾಟಕದಲ್ಲಿ 10 ವಂದೇ ಭಾರತ್ ಎಕ್ಸ್‌ಪ್ರೆಸ್‌ ರೈಲುಗಳು ಸಂಚಾರ ಮಾಡುತ್ತಿದ್ದು, ಇದು 11ನೇಯದ್ದಾಗಿದೆ.

English summary

Prime Minister Narendra Modi Flags Off Bengaluru–Belagavi Vande Bharat Express train today: Know Complete details of Ticket prices, routes, timetables