ಮೈಸೂರು ರಸ್ತೆ ಮೆಟ್ರೋ ನಿಲ್ದಾಣದಲ್ಲಿ ಪಾರ್ಕಿಂಗ್ಗೆ ಶುಲ್ಕ ಕಟ್ಟಬೇಕು
ಬೆಂಗಳೂರು, ಆಗಸ್ಟ್ 01 : ಮೈಸೂರು ರಸ್ತೆಯ ನಮ್ಮ ಮೆಟ್ರೋ ನಿಲ್ದಾಣದಲ್ಲಿ ವಾಹನಗಳನ್ನು ನಿಲ್ಲಿಸಲು ಶುಲ್ಕ ಪಾವತಿ ಮಾಡಬೇಕು. ಬೈಕ್ಗಳಿಗೆ 15 ರೂ., ಕಾರುಗಳಿಗೆ 30 ರೂ. ಶುಲ್ಕ ನಿಗದಿ ಮಾಡಿದ್ದು, ಭಾನುವಾರದಿಂದಲೇ ಶುಲ್ಕ ಪಾವತಿ ಆರಂಭವಾಗಿದೆ.
ಬೆಂಗಳೂರು ಮೆಟ್ರೋ ರೈಲು ನಿಗಮ (ಬಿಎಂಆರ್ಸಿಎಲ್) ಸೈಕಲ್, ಬೈಕ್, ಕಾರುಗಳಿಗೆ ಪಾರ್ಕಿಂಗ್ ಶುಲ್ಕಗಳನ್ನು ವಸೂಲಿ ಮಾಡಲು ಆರಂಭಿಸಿದೆ. ಮೈಸೂರು ರಸ್ತೆಯ ಮೆಟ್ರೋ ನಿಲ್ದಾಣದ ಸುತ್ತ-ಮುತ್ತ ಎರಡು ಎಕರೆ ಪ್ರದೇಶದಲ್ಲಿ ಪಾರ್ಕಿಂಗ್ ಸೌಲಭ್ಯವಿದ್ದು, 1,700 ಬೈಕ್ ಮತ್ತು 250 ಕಾರುಗಳನ್ನು ನಿಲ್ಲಿಸಲು ಅವಕಾಶವಿದೆ.[ಬೈಯಪ್ಪನಹಳ್ಳಿ-ಮೈಸೂರು ರಸ್ತೆ ಮಾರ್ಗದಲ್ಲಿ 6 ನಿಮಿಷಕ್ಕೊಂದು ರೈಲು]
ಪ್ರತಿನಿತ್ಯ ಮೈಸೂರು ರಸ್ತೆ (ನಾಯಂಡಹಳ್ಳಿ)-ಬೈಯಪ್ಪನಹಳ್ಳಿ ಮಾರ್ಗದಲ್ಲಿ ಸುಮಾರು 1 ಲಕ್ಷ ಜನರು ಮೆಟ್ರೋದಲ್ಲಿ ಪ್ರಯಾಣಿಸುತ್ತಾರೆ. ಇವರಲ್ಲಿ ಅಧಿಕ ಜನರು ಮೈಸೂರು ರಸ್ತೆಯಲ್ಲಿ ವಾಹನಗಳನ್ನು ನಿಲ್ಲಿಸಿ, ನಂತರ ಮೆಟ್ರೋದಲ್ಲಿ ತೆರಳುತ್ತಾರೆ. ಪಾರ್ಕಿಂಗ್ ಶುಲ್ಕ ಪಾವತಿ ಮಾಡುವುದರಿಂದ ಮೆಟ್ರೋ ಸವಾರರಿಗೆ ಹೊರೆಯಾಗಲಿದೆ.[ನಮ್ಮ ಮೆಟ್ರೋ ನಿಲ್ದಾಣದಲ್ಲಿ ಬಾಡಿಗೆ ಬೈಕ್ ಸೇವೆ ಆರಂಭ]
ಮೈಸೂರು ರಸ್ತೆ-ಬೈಯಪ್ಪನಹಳ್ಳಿ ಮಾರ್ಗದ ಮೆಟ್ರೋ ಸಂಚಾರ ದರ 40 ರೂ., ಜನರು ಕಾರನ್ನು ದಿನಪೂರ್ತಿ ನಿಲ್ದಾಣದಲ್ಲಿ ಬಿಟ್ಟು ಮೆಟ್ರೋದಲ್ಲಿ ಸಂಚಾರ ನಡೆಸಿದರೆ 40 ರೂ. ಮೆಟ್ರೋ ದರದ ಜೊತೆ 60 ರೂ. ಪಾರ್ಕಿಂಗ್ ಶುಲ್ಕ ಪಾವತಿ ಮಾಡಬೇಕು.[ನಮ್ಮ ಮೆಟ್ರೋ ಪೂರ್ವ-ಪಶ್ಚಿಮ ಕಾರಿಡಾರ್ ದರ ಪಟ್ಟಿ]
ಪಾರ್ಕಿಂಗ್ ಶುಲ್ಕಗಳು
* ಸೈಕಲ್ - 1 ರೂ.(4 ತಾಸು), 10 ರೂ. (ದಿನದ ಶುಲ್ಕ)
* ಬೈಕ್ - 15 ರೂ. (4 ತಾಸು), 30 ರೂ. (ದಿನದ ಶುಲ್ಕ)
* ಕಾರು - 30 ರೂ. (4 ತಾಸು), 60 ರೂ. (ದಿನದ ಶುಲ್ಕ)
* ಎಲ್ಸಿವಿ - 75 ರೂ. (4 ತಾಸು), 150 ರೂ. (ದಿನದ ಶುಲ್ಕ)
Click it and Unblock the Notifications
Sign in with Google