ಬೆಂಗಳೂರಿನ ಜೆಪಿನಗರದಲ್ಲಿ 11 ಬೀದಿ ನಾಯಿಗಳಿಗೆ ವಿಷವುಣಿಸಿದ ಪಾಪಿಗಳು
ಬೆಂಗಳೂರು, ಜನವರಿ 27: ದುಷ್ಕರ್ಮಿಗಳು 11 ಬೀದಿನಾಯಿಗಳಿಗೆ ವಿಷವುಣಿಸಿರುವ ಘಟನೆ ಬೆಂಗಳೂರಿನ ಜೆಪಿನಗರದಲ್ಲಿ ನಡೆದಿದೆ.
ಒಟ್ಟು 11 ನಾಯಿಗಳಿಗೆ ವಿಷವುಣಿಸಿದ್ದು ಅದರಲ್ಲಿ 7 ನಾಯಿಗಳು ಮೃತಪಟ್ಟಿದ್ದು 4 ನಾಯಿಗಳು ಜೀವನ್ಮರಣದ ನಡುವೆ ಹೋರಾಡುತ್ತಿವೆ.
ಎಲ್ಲಾ ನಾಯಿಗಳನ್ನು ಆಸ್ಪತ್ರೆಗೆ ಕರೆದೊಯ್ಯಲಾಗಿದೆ. ಜೆಪಿನಗರದಲ್ಲಿ ವಿಪರೀತ ಬೀದಿ ನಾಯಿಗಳ ಕಾಟವಿತ್ತು. ಮಕ್ಕಳು, ದೊಡ್ಡವರು ಕೂಡ ಬೀದಿಯಲ್ಲಿ ಓಡಾಡುವುದು ಕಷ್ಟವಾಗಿತ್ತು. ಆದರೆ ನಾಯಿಯನ್ನು ಕೊಲ್ಲುವ ಮಟ್ಟಕ್ಕೆ ಯಾರಾದರೂ ಇಳಿಯುತ್ತಾರೆ ಎಂದರೆ ನಂಬಲು ಸಾಧ್ಯವಿಲ್ಲ ಎಂದು ನಿವಾಸಿಯೊಬ್ಬರು ತಿಳಿಸಿದ್ದಾರೆ.
ಬೆಂಗಳೂರಲ್ಲಿ ಬೀದಿನಾಯಿಗಳ ಹಾವಳಿ ವಿಪರೀತವಾಗಿದೆ. ಆಟವಾಡುತ್ತಿರುವ ಮಕ್ಕಳು, ಶಾಲೆಗೆ ಹೊರಟ ಮಕ್ಕಳ ಮೇಲೆ ನಿರಂತರ ದಾಳಿ ಮಾಡುತ್ತಿವೆ.
Click it and Unblock the Notifications
Sign in with Google