MTR 100-year celebrations: ಎಂಟಿಆರ್ ಮುಡಿಗೆ ವಿಶ್ವ ದಾಖಲೆಯ ಕಿರೀಟ
ಬೆಂಗಳೂರು, ಮಾರ್ಚ್ 17: ತನ್ನ 100 ವರ್ಷಗಳ ಪ್ರಯಾಣದ ಸಂಭ್ರಮದಲ್ಲಿರುವ ಖ್ಯಾತ ಎಂಟಿಆರ್ (MTR) ಫುಡ್ಸ್ ಈಗ ಲೋರ್ಮನ್ ಕಿಚನ್ ಎಕ್ವಿಪ್ಮೆಂಟ್ಸ್ ಸಹಭಾಗಿತ್ವದಲ್ಲಿ ವಿಶೇಷವಾಗಿ ಗಿನ್ನಿಸ್ ದಾಖಲೆ ಬರೆದಿದೆ. ಹೌದು.. ಎಂಟಿಆರ್ ಒಂದಲ್ಲ ಎರಡಲ್ಲ ಬರೋಬ್ಬರಿ 123 ಅಡಿ ಉದ್ದದ ದೋಸೆ ತಯಾರಿಸಿದೆ.
ಬೊಮ್ಮಸಂದ್ರ ಫ್ಯಾಕ್ಟರಿಯಲ್ಲಿ ಈ ವಿಶ್ವ ದಾಖಲೆ ಬರೆದ ದೋಸೆಯನ್ನು ತಯಾರಿಸಲಾಗಿದ್ದು, ಎಂಟಿಆರ್ ಫುಡ್ಸ್ನ ಬ್ರ್ಯಾಂಡ್ ಆಗಿರುವ ಸಿಗ್ನೇಚರ್ ರೆಡ್ ರೈಸ್ ಬ್ಯಾಟರ್ ಅನ್ನು ಈ ವಿಶೇಷ ದೋಸೆಗೆ ಬಳಸಲಾಗಿದೆ. 75 ಬಾಣಸಿಗರ ತಂಡ ಈ 123 ಅಡಿಗಳ ಉದ್ದದ ದೋಸೆ ತಯಾರಿಕೆಯಲ್ಲಿ ತೊಡಗಿಸಿಕೊಂಡಿತ್ತು.
ಎಂಟಿಆರ್ ಪತ್ರಿಕಾ ಪ್ರಕಟಣೆ ಪ್ರಕಾರ, ಎಂಟಿಆರ್ನ ಕ್ಯುಸಿನ್ ಸೆಂಟರ್ ಆಫ್ ಎಕ್ಸಲೆನ್ಸ್ನ ಮಾರ್ಗದರ್ಶನದಲ್ಲಿ ಬೊಮ್ಮಸಂದ್ರದ ಎಂಟಿಆರ್ ಕಾರ್ಖಾನೆಯಲ್ಲಿ ಅನುಭವಿ ತಜ್ಞರು ಮತ್ತು ಉದಯೋನ್ಮುಖ ಪ್ರತಿಭೆಗಳನ್ನು ಒಳಗೊಂಡಿರುವ 75 ಬಾಣಸಿಗರ ತಂಡವು ಈ ದಾಖಲೆಯನ್ನು ಬರೆದಿದೆ. ಈ ಹಿಂದೆ ಲೋರ್ಮನ್ ಕಿಚನ್ ಎಕ್ಯೂಪ್ಮೆಂಟ್ಸ್ ಮತ್ತು ಎಂಟಿಆರ್ 54 ಅಡಿ ಅಳತೆಯ ಉದ್ದನೆಯ ದೋಸೆ ತಯಾರಿಸಿ ಹಿಂದಿನ ವಿಶ್ವ ದಾಖಲೆಯನ್ನು ಮುರಿದಿದ್ದಾರೆ.
"ದೋಸೆ ಪ್ರಾರಂಭದಿಂದಲೂ ಎಂಟಿಆರ್ ಪರಂಪರೆಯ ಅವಿಭಾಜ್ಯ ಅಂಗ. ನಾವು ಅಗತ್ಯವಾಗಿ ಪಾಲಿಸಬೇಕಾದ ಉತ್ಪನ್ನಗಳಲ್ಲಿ ಒಂದಾಗಿದೆ. ದಕ್ಷಿಣ ಭಾರತೀಯ ಮೂಲದಿಂದ ದೋಸೆ ಪ್ರಪಂಚದಾದ್ಯಂತ ಪ್ರೀತಿಯ ಖಾದ್ಯವಾಗಿದ್ದು, ಗಡಿಗಳನ್ನು ಮೀರಿದೆ. ದೋಸೆಯಿಂದ ವಿಶ್ವ ದಾಖಲೆಯನ್ನು ಬರೆಯುವ ನಮ್ಮ ಪ್ರಯತ್ನವು ಅದರ ಸಾರ್ವತ್ರಿಕತೆಯನ್ನು ಪ್ರತಿಬಿಂಬಿಸುತ್ತದೆ" ಎಂದು ಎಂಟಿಆರ್ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಸುನಯ್ ಭಾಸಿನ್ ಹೇಳಿದ್ದಾರೆ.
ಲೋರ್ಮನ್ ಕಿಚನ್ ಎಕ್ವಿಪ್ಮೆಂಟ್ಸ್ ವ್ಯವಸ್ಥಾಪಕ ನಿರ್ದೇಶಕ ಚಂದ್ರ ಮೌಳಿ ಮಾತನಾಡಿ, "ವಿಶ್ವದ ಅತಿ ಉದ್ದದ ಇಂಡಕ್ಷನ್ ಹಾಟ್ -ಪ್ಲೇಟ್ (ತವಾ) ತಯಾರಿಸುವ ಮೂಲಕ, ಸುಸ್ಥಿರ ಅಡುಗೆಯು ದೊಡ್ಡ ಅಡುಗೆ ಸಮುದಾಯಗಳಿಗೆ ವಿಸ್ತರಿಸಬಹುದು ಎಂಬುದನ್ನು ನಾವು ಕಂಡಿದ್ದೇವೆ.
ಈ ಸಾಧನೆಯು ಇಂಡಕ್ಷನ್-ಆಧಾರಿತ ಅಡುಗೆ ಸಲಕರಣೆಗಳ ದಕ್ಷತೆ, ಸಮರ್ಥನೀಯತೆ ಮತ್ತು ಪರಿಸರ ಸ್ನೇಹಪರತೆಯನ್ನು ಒತ್ತಿಹೇಳುತ್ತದೆ. ಅದೇ ಸಮಯದಲ್ಲಿ ಬಾಣಸಿಗರಿಗೆ ಸುರಕ್ಷಿತ ಪರಿಸರ ವ್ಯವಸ್ಥೆ ನೀಡುತ್ತದೆ" ಎಂದಿದ್ದಾರೆ.
-
SSLC ಪರೀಕ್ಷೆ-1 ಆರಂಭ: ಮಲ್ಲೇಶ್ವರಂನ ಕೆಪಿಎಸ್ ಶಾಲೆಗೆ ಸಚಿವ ಮಧು ಬಂಗಾರಪ್ಪ ಭೇಟಿ, ವಿದ್ಯಾರ್ಥಿಗಳಿಗೆ ಶುಭಹಾರೈಕೆ -
Gold Price Today: ಯುಗಾದಿಗೂ ಮೊದಲೇ ಚಿನ್ನದ ದರದಲ್ಲಿ ಭಾರೀ ಇಳಿಕೆ; ಆಭರಣ ಪ್ರಿಯರಿಗೆ ಇಂದೇ ಹಬ್ಬ -
Karnataka Weather: ಧಾರವಾಡದಲ್ಲಿ 101 ಮಿಮೀ ಮಳೆ ದಾಖಲು, ಒಳನಾಡಿಗೆ ಅಲಿಕಲ್ಲು ಸಹಿತ ಮಳೆ ಮುನ್ಸೂಚನೆ -
ವಲಸೆ ಕಾರ್ಮಿಕರಿಂದಾಗಿ ಉದ್ಯೋಗ ನಷ್ಟವಾಗುತ್ತಿರುವ ಬಗ್ಗೆ ಅಧಿಕೃತ ದೂರು ಸಲ್ಲಿಕೆಯಾಗಿಲ್ಲ: ಕಾರ್ಮಿಕ ಇಲಾಖೆ ಸ್ಪಷ್ಟನೆ -
RCB: ಆರ್ಸಿಬಿಯಲ್ಲಿ ಜೋಶ್ ಹ್ಯಾಜಲ್ವುಡ್ ಸ್ಥಾನ ತುಂಬುವ ಆಟಗಾರ ಇವರೇ ನೋಡಿ -
ಶೆಲ್ ಬಂಕ್ನಲ್ಲಿ ಪೆಟ್ರೋಲ್ ದರ ಏರಿಕೆ: ಬೆಂಗಳೂರಿನಲ್ಲಿ 10 ದಿನಗಳಲ್ಲಿ 4.50 ರೂಪಾಯಿ ಹೆಚ್ಚಳ; ಇಲ್ಲಿದೆ ದರಪಟ್ಟಿ -
Gold Rate Today: ಬಂಗಾರ ಪ್ರಿಯರಿಗೆ ಸಿಹಿಸುದ್ದಿ: ಇಂದೂ ಇಳಿಕೆ ಕಂಡ ಚಿನ್ನದ ಬೆಲೆ, ಬೆಂಗಳೂರಿನಲ್ಲಿ ದರಗಳು ಹೀಗಿವೆ -
ಯುಗಾದಿ, ರಂಜಾನ್ ಹಬ್ಬಕ್ಕೆ 2000 ವಿಶೇಷ ಬಸ್: ಮುಂಗಡ ಟಿಕೆಟ್ ಗೆ ರಿಯಾಯ್ತಿ ಘೋಷಿಸಿದ KSRTC -
ಮಗುವನ್ನ ಸಾಕಲು ಹಣ ಬೇಕಾದ್ರೆ ಯಾರ ಜೊತೆ ಬೇಕಿದ್ರೂ ಮಲಗುವೆ: ಬಿಗ್ಬಾಸ್ ಖ್ಯಾತಿಯ ಚಂದ್ರಿಕಾ ದೀಕ್ಷಿತ್ -
Karnataka Weather: ಬೆಂಗಳೂರು ಸೇರಿದಂತೆ ರಾಜ್ಯದ 17 ಜಿಲ್ಲೆಗಳಲ್ಲಿ ನಾಳೆವರೆಗೆ ಗುಡುಗು ಸಹಿತ ಮಳೆ ಸಾಧ್ಯತೆ -
SSLC ಪರೀಕ್ಷೆ 2026: ವೇಳಾಪಟ್ಟಿ, ಸಮಯ, ಡ್ರೆಸ್ಕೋಡ್ ಹಾಗೂ ಪ್ರಮುಖ ಮಾರ್ಗಸೂಚಿಗಳ ಮಾಹಿತಿ ಇಲ್ಲಿದೆ -
Karnataka Weather: ಕರ್ನಾಟಕದ ಈ 9 ಜಿಲ್ಲೆಗಳಲ್ಲಿ ಮಾರ್ಚ್ 21ರವರೆಗೆ ಮಳೆ ಸಾಧ್ಯತೆ: ಹವಾಮಾನ ಇಲಾಖೆ
Click it and Unblock the Notifications
Sign in with Google