ನಮ್ಮ ಮೆಟ್ರೋ ಗ್ರೀನ್ ಲೈನ್ ಸಂಚಾರ ಮತ್ತೆರಡು ವಾರ ವಿಳಂಬ!
ರೈಲ್ವೇ ಭದ್ರತಾ ಆಯುಕ್ತರ ಪ್ರಮಾಣ ಪತ್ರ ಜೂನ್ ಎರಡನೇ ವಾರದಲ್ಲಿ ಸಿಗಲಿರುವುದರಿಂದ ಮೆಟ್ರೋ ಸಂಚಾರ ಇನ್ನೆರಡು ವಾರ ವಿಳಂಬಗೊಳ್ಳಲಿದೆ ಎಂದು ಬಿಎಂಆರ್ ಸಿಎಲ್ ಹೇಳಿದೆ.
ಬೆಂಗಳೂರು, ಮೇ 31: ಬೆಂಗಳೂರಿಗರ ಸಹನೆಯ ಪರೀಕ್ಷೆ ಮಾಡುತ್ತಿರುವ 'ನಮ್ಮ ಮೆಟ್ರೊ' ಯೋಜನೆಯ ಮೊದಲ ಹಂತ ಅಂತಿಮಗೊಂಡಿದ್ದೀಗ ಹಳೇ ಸುದ್ದಿ. ಎಲ್ಲವೂ ಅಂದುಕೊಂಡಂತೇ ಆಗಿದ್ದರೆ ಜೂನ್ 1 ರಿಂದ ನಾಗಸಂದ್ರದಿಂದ ಯಲಚೇನಹಳ್ಳಿಯವರೆಗಿನ 24.2 ಕಿ.ಮೀ. ಮೆಟ್ರೋ ಮಾರ್ಗದಲ್ಲಿ ರೈಲು ಸಂಚಾರ ಆರಂಭವಾಗಬೇಕಿತ್ತು.
ಆದರೆ ರೈಲ್ವೇ ಭದ್ರತಾ ಆಯುಕ್ತರ ಪ್ರಮಾಣ ಪತ್ರ ಜೂನ್ ಎರಡನೇ ವಾರದಲ್ಲಿ ಸಿಗಲಿರುವುದರಿಂದ ಈ ಭಾಗದ ಮೆಟ್ರೋ ಸಂಚಾರ ಇನ್ನೆರಡು ವಾರ ವಿಳಂಬಗೊಳ್ಳಲಿದೆ ಎಂದು ಬೆಂಗಳೂರು ಮೆಟ್ರೋ ರೈಲ್ವೆ ಕಾರ್ಪೊರೇಶನ್ ಲಿಮಿಟೆಡ್ (ಬಿಎಂಆರ್ ಸಿಎಲ್) ಹೇಳಿದೆ.[ಗಮನಿಸಿ ಈ ಮಾರ್ಗದಲ್ಲಿ ಮೇ 29ರಿಂದ 31ರವರೆಗೆ ಮೆಟ್ರೊ ರೈಲು ಸಂಚಾರ ಇಲ್ಲ]
ಅಲ್ಲದೆ, ಈ ಮಾರ್ಗದಲ್ಲಿ ಇಂದು (ಮೇ 31) ರಂದು ಹೈ ಸ್ಪೀಡ್ ಟ್ರೇನ್ ಪರೀಕ್ಷೆ ಕೂಡ ನಡೆಯಲಿದೆ. ನ್ಯಾಶನಲ್ ಕಾಲೇಜು-ಯಲಚೇನಹಳ್ಳಿ, ಸಂಪಿಗೆ ರಸ್ತೆ-ಕೆ.ಆರ್.ರಸ್ತೆ ಮಾರ್ಗದ ಪರಿಶೀಲನೆ ಈಗಾಗಲೇ ಮುಗಿದಿದ್ದು, ರೈಲ್ವೆ ಭದ್ರತಾ ಆಯುಕ್ತರ ಗ್ರೀನ್ ಸಿಗ್ನಲ್ ಗಾಗಿ, ಗ್ರೀನ್ ಲೈನ್ ಮೆಟ್ರೋ ಉಪಯೋಗ ಪಡೆಯಲಿರುವ 3 ರಿಂದ 5 ಲಕ್ಷ ಜನರು ಕಾತರದಿಂದ ಕಾಯುತ್ತಿದ್ದಾರೆ.
Click it and Unblock the Notifications
Sign in with Google