ಮುನ್ನೋಟ: ಡಿಜಿಟಲ್ ಜಗತ್ತಿನಲ್ಲಿ ಕನ್ನಡ ನಿನ್ನೆ, ಇಂದು ಮತ್ತು ನಾಳೆ

ಬೆಂಗಳೂರು, ನವೆಂಬರ್ 5: ಮುನ್ನೋಟವು 'ಡಿಜಿಟಲ್ ಜಗತ್ತಿನಲ್ಲಿ ಕನ್ನಡ, ನಿನ್ನೆ, ಇಂದು ಮತ್ತು ನಾಳೆ' ಎನ್ನುವ ವಿಚಾರ ಸಂಕಿರಣವನ್ನು ನವೆಂಬರ್ 10ರಂದು ಬೆಳಗ್ಗೆ 11.30ಕ್ಕೆ ಆಯೋಜಿಸಿದೆ.

ಮುನ್ನೋಟವು 'ಅರಿಮೆ' ಎನ್ನುವ ಶೀರ್ಷಿಕೆಯಡಿ ಚರ್ಚೆ ನಡೆಸುತ್ತಿದೆ.ಡಿಜಿಟಲ್ ಜಗತ್ತಿನಲ್ಲಿ ಕನ್ನಡ ಚೆನ್ನಾಗಿ ಕಾಣಿಸಲು, ಕೇಳಿಸಲು ಆಗಬೇಕಿರುವ ಕೆಲಸಗಳೇನು?
ಮೊಬೈಲ್/ಕಂಪ್ಯೂಟರ್ ಅಲ್ಲಿ ಕನ್ನಡದಲ್ಲಿ ಬರೆಯಲು, ಓದಲು ಆದರೆ ಸಾಕಾ? ಟೆಕ್ ಜಗತ್ತಿನಲ್ಲಿ ಕನ್ನಡದ ಸುತ್ತ ಮಾಡಬೇಕಿರುವ ಹಲವಾರು ಕೆಲಸಗಳನ್ನು ನಿಮಗೆ ಪರಿಚಯಿಸಲಿದ್ದಾರೆ ಸಂಚಿ ಫೌಂಡೇಶನ್ ನ ಓಂಶಿವಪ್ರಕಾಶ್ ಅವರು.

ವಿಕಿಪಿಡಿಯಾ, ವಿಕ್ಷನರಿ, ಕನ್ನಡದ ಫಾಂಟ್ಸ್, ಕನ್ನಡ ಪುಸ್ತಕಗಳ ಡಿಜಿಟಲಿಸುವಿಕೆ, ಕನ್ನಡದ ಓ.ಸಿ.ಆರ್, ಕನ್ನಡದಲ್ಲಿ ಹೊಸ ಹೊಸ ಟೆಕ್ನಾಲಜಿ ಹೀಗೆ ಎಲ್ಲದರ ಮೇಲೂ ಬೆಳಕು ಚೆಲ್ಲಲ್ಲಿದ್ದಾರೆ. ಕನ್ನಡದ ಸುತ್ತ ಈ ತರದ ಕೆಲಸಗಳನ್ನೆಲ್ಲ ಮಾಡಬೇಕು ಅನ್ನುವವರಿಗೆ ಒಂದು ಒಳ್ಳೆಯ ದಾರಿ ತೋರುವಂತಹ ಮಾತುಕತೆ ಇದಾಗಲಿದೆ.

ಸ್ಥಳ: ಮುನ್ನೋಟ, #67, ಅವೆನ್ಯೂ ಕಾಂಪ್ಲೆಕ್ಸ್, ಡಿವಿಜಿ ರಸ್ತೆ, ನಾಗಸಂದ್ರ ಸರ್ಕಲ್ ಬಳಿ, ಬಸವನಗುಡಿ, ಬೆಂಗಳೂರು.

ಕನ್ನಡ ಎಲ್ಲೆಡೆ ಕಾಣಿಸಬೇಕು, ಕೇಳಿಸಬೇಕು ಅಂದರೆ ಅದರ ಬಳಕೆಯ ವ್ಯಾಪ್ತಿ ಹಿಗ್ಗಬೇಕು. ಮಾಹಿತಿ ತಂತ್ರಜ್ಞಾನದ ಈ ಯುಗದಲ್ಲಿ ಕನ್ನಡ ಡಿಜಿಟಲ್ ಜಗತ್ತಿನಲ್ಲೂ ಎಲ್ಲೆಡೆ ಕಾಣಿಸುವುದು ಬಹಳ ಮುಖ್ಯ. ಮೊಬೈಲ್, ಕಂಪ್ಯೂಟರುಗಳಲ್ಲಿ ಕನ್ನಡದಲ್ಲಿ ಓದುವ, ಬರೆಯುವ ಸಾಧ್ಯತೆಗಳು ಈಗ ಸಲೀಸಾಗಿದೆ, ಆದರೆ ಇಷ್ಟು ಸಾಕೇ?.

English summary

Munnota Is Organising Special talk About Digital World and Kannada on November 10.