ಬೆಂಗಳೂರಿನಲ್ಲಿ 71 ಕೋಟಿ ಅಕ್ರಮ ಟರ್ಕಿ ಕರೆನ್ಸಿ ಪತ್ತೆ

ಬೆಂಗಳೂರು, ಜೂನ್ 21: ನಗರದ ಮಾರತ್ ಹಳ್ಳಿ ಪೊಲೀಸರು 5,00,000 ಮುಖಬೆಲೆಯ 78 ಟರ್ಕಿ ಲಿರಾ ಕರೆನ್ಸಿ ನೋಟುಗಳನ್ನು ವಶಕ್ಕೆ ಪಡೆದಿದ್ದಾರೆ. ಈ ಸಂಬಂಧ ನಾಗರಾಜ್, ಅರವಿಂದ್, ಮುರಳಿ ಮತ್ತು ಶಿವರಾಜ್ ಎಂಬವರನ್ನು ಬಂಧಿಸಿದ್ದಾರೆ.

ಇವರ ಬಳಿಯಲ್ಲಿ 5,00,000 ಮುಖಬೆಲೆಯ 78 ಲಿರಾ ಕರೆನ್ಸಿ ನೋಟುಗಳು ಪತ್ತೆಯಾಗಿವೆ. ಜತೆಗೆ ಪಿಸ್ತೂಲ್ ಕೂಡಾ ಸಿಕ್ಕಿದೆ. ಭಾರತೀಯ ರೂಪಾಯಿಗಳಲ್ಲಿ ಇವುಗಳ ಪ್ರತಿ ನೋಟಿನ ಬೆಲೆ 91 ಲಕ್ಷ ರೂಪಾಯಿಗಳಾಗಿದ್ದು ಒಟ್ಟು ಮೌಲ್ಯ 71 ಕೋಟಿ ರೂಪಾಯಿಗಳಾಗಿವೆ (1 ಟರ್ಕಿ ಲಿರಾ ಭಾರತದ 18.24 ರೂಪಾಯಿಗಳಿಗೆ ಸಮ).

ಮೂಲಗಳ ಪ್ರಕಾರ 5,00,000 ಮುಖಬೆಲೆಯ ಲಿರಾ ಕರೆನ್ಸಿಗಳನ್ನು ನಿಷೇಧಿಸಲಾಗಿದ್ದು ಈ ತಂಡ ಅಕ್ರಮವಾಗಿ ಈ ಹಣ ಸಾಗಣೆ ಮಾಡಿದೆ ಎನ್ನಲಾಗಿದೆ. ಈ ತಂಡಕ್ಕೊಬ್ಬ ಮಾಸ್ಟರ್ ಮೈಂಡ್ ಇದ್ದು ಆತನಿಗಾಗಿ ಪೊಲೀಸರು ಹುಡುಕಾಟ ನಡೆಸುತ್ತಿದ್ದಾರೆ.

ಈ ಪ್ರಕರಣದ ಮಾಸ್ಟರ್ ಮೈಂಡ್ ಆಂಧ್ರ ಪ್ರದೇಶ ಮೂಲದ ಚಿನ್ನಾ ರೆಡ್ಡಿ ಎಂದು ಗುರುತಿಸಲಾಗಿದ್ದು ಆತ ತಲೆ ಮರೆಸಿಕೊಂಡಿದ್ದಾನೆ. ಆತನಿಗಾಗಿ ಪೊಲೀಸರು ಬಲೆ ಬೀಸಿದ್ದಾರೆ.

English summary

Bengaluru police have busted an illegal money exchange racket with the arrest of four people transporting Turkish Lira. Turkish Lira valued at a whopping Rs 71 crore has been seized from the accused along with a pistol.