ವಾರ ಕಳೆದರೂ ಕೈ ಗೆ ಸಿಗುತ್ತಿಲ್ಲ ಫಾಸ್ಟ್ಯಾಗ್
ಬೆಂಗಳೂರು, ಡಿಸೆಂಬರ್ 18: ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ಸಂಚರಿಸುವ ವಾಹನಗಳಿಗೆ ಫಾಸ್ಟ್ಯಾಗ್ ಬಳಸಲು ಗಡುವು ವಿಸ್ತರಣೆ ನಡುವೆಯೂ, ಫಾಸ್ಟ್ಯಾಗ್ ಗ್ರಾಹಕರ ಕೈಗೆ ಸಿಗುವುದು ವಿಳಂಬವಾಗುತ್ತಿದೆ. ಫಾಸ್ಟ್ಯಾಗ್ ಗಳನ್ನು ಆನ್ಲೈನ್ ನಲ್ಲಿ ಖರೀದಿಸುತ್ತಿರುವ ಗ್ರಾಹಕರಿಗೆ ಇನ್ನೂ ಸಿಗುತ್ತಿಲ್ಲ.
ಕೇಂದ್ರ ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವಾಲಯ, ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದ ಕೌಂಟರ್ ಗಳು, ಆಯ್ದ ೨೨ ಬ್ಯಾಂಕುಗಳು ಮತ್ತು ಪೆಟಿಎಂ, ಅಮೆಜಾನ್, ಫ್ಲಿಪ್ ಕಾರ್ಟ್ ಗಳಲ್ಲಿ ಆನ್ಲೈನ್ ಮಾರಾಟಕ್ಕೂ ಅವಕಾಶ ಕಲ್ಪಿಸಿದೆ.
ಅನೇಕ ಗ್ರಾಹಕರು ವಾರದ ಹಿಂದೆಯೇ ಆನ್ಲೈನ್ ನಲ್ಲಿ ಖರೀದಿಸಿದ್ದರೂ, ಅವರ ಕೈ ಸೇರುವುದು ಮಾತ್ರ ವಿಳಂಬವಾಗಿರುವುದಕ್ಕೆ ಜನರು ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ.
ಟೋಲ್ ಪ್ಲಾಜಾಗಳಲ್ಲಿ ತೆರೆದಿರುವ ಫಾಸ್ಟ್ಯಾಗ್ ಕೌಂಟರ್ ಗಳಲ್ಲಿ ತೆಗೆದುಕೊಳ್ಳಲು ಬರುವ ಗ್ರಾಹಕರ ಸಂಖ್ಯೆ ಕಳೆದೆರಡು ದಿನಗಳಿಂದ ಇಳಿಮುಖವಾಗಿದೆ.
ಪ್ರಾರಂಭದಲ್ಲಿ ದೊಡ್ಡ ಸಂಖ್ಯೆಯಲ್ಲಿ ಫಾಸ್ಟ್ಯಾಗ್ ಪಡೆಯಲು ವಾಹನಗಳ ಮಾಲೀಕರು ಬರುತ್ತಿದ್ದರು. ಈಗ ಕಡಿಮೆಯಾಗುತ್ತಿದೆ ಎಂದು ಟೋಲ್ ಪ್ಲಾಜಾ ಉಸ್ತುವಾರಿಗಳು ಹೇಳುತ್ತಿದ್ದಾರೆ.
ಫಾಸ್ಟ್ಯಾಗ್ ಅವಡಿಸಿಕೆ ಕಡ್ಡಾಯವಾದ ಬಳಿಕ ಟೋಲ್ ಪ್ಲಾಜಾಗಳಲ್ಲಿ ವಾಹನ ಸಂಚಾರಕ್ಕೆ ದಿನದ ಹಾಗೂ ತಿಂಗಳ ಪಾಸ್ ವಿತರಣೆ ನಿಲ್ಲಿಸಲಾಗಿದೆ. ಇದರಿಂದ ಟೋಲ್ ಪ್ಲಾಜಾ ಮೂಲಕ ಸಂಚರಿಸುವ ವಾಹನಗಳಿಗೆ ತೊಂದರೆಯಾಗುತ್ತಿದೆ.
Click it and Unblock the Notifications
Sign in with Google