ಎಲೆಕ್ಟ್ರಾನಿಕ್ ಸಿಟಿ, ಅತ್ತಿಬೆಲೆ ಟೋಲ್ ಶುಲ್ಕ ಹೆಚ್ಚಳ

ಬೆಂಗಳೂರು, ಜುಲೈ 01 : ಬೆಂಗಳೂರಿನ ಎಲೆಕ್ಟ್ರಾನಿಕ್ ಸಿಟಿ, ಅತ್ತಿಬೆಲೆ ಟೋಲ್ ಮೂಲಕ ಸಂಚಾರ ನಡೆಸುವ ವಾಹನ ಸವಾರರು ಹೆಚ್ಚಿನ ಟೋಲ್ ಶುಲ್ಕ ಪಾವತಿ ಮಾಡಬೇಕು. ಟೋಲ್‌ ಶುಲ್ಕ, ತಿಂಗಳ ಪಾಸುಗಳ ಶುಲ್ಕವನ್ನು ಏರಿಕೆ ಮಾಡಲಾಗಿದೆ.

ಬೆಂಗಳೂರು ಎಲಿವೇಟೆಡ್‌ ಟೋಲ್‌ ವೇ ಲಿಮಿಟೆಡ್‌ ಸಂಸ್ಥೆಯು (ಬಿಇಟಿಎಲ್‌) ಟೋಲ್ ಶುಲ್ಕ, ತಿಂಗಳ ಪಾಸು ಶುಲ್ಕವನ್ನು ಏರಿಕೆ ಮಾಡಿದೆ. ನೂತನ ದರಗಳು ಜುಲೈ 1ರ ಭಾನುವಾರದಿಂದ ಜಾರಿಗೆ ಬಂದಿವೆ.

ಎಲೆಕ್ಟ್ರಾನಿಕ್ ಸಿಟಿ ರಸ್ತೆಯಲ್ಲಿ ತಿಂಗಳ ಪಾಸು ಪಡೆದು ಸಂಚಾರ ನಡೆಸುವ ವಾಹನ ಸವಾರರಿಗೆ ಟೋಲ್ ಶುಲ್ಕ ಹೆಚ್ಚಳದ ಬಿಸಿ ತಟ್ಟಲಿದೆ. ಕಾರು ಮತ್ತು ಲೈಟ್ ಮೋಟಾರ್ ವೆಹಿಕಲ್‌ಗಳ ಶುಲ್ಕ 50 ರೂ. ಆಗಿದೆ. ಬಸ್ಸುಗಳು ರೂ. 105 ರೂ. ಪಾವತಿ ಮಾಡಬೇಕಿದೆ.

ಕಾರುಗಳನ್ನು ಹೊರತುಪಡಿಸಿ ಉಳಿದ ವಾಹನಗಳಿಗೆ 5 ರೂ. ಶುಲ್ಕವನ್ನು ಏರಿಕೆ ಮಾಡಲಾಗಿದೆ. ದೊಡ್ಡ ವಾಹನಗಳು, ಅರ್ಥ್ ಮೂವರ್ಸ್‌ಗಳಿಗೆ ರೂ.10 ದರ ಏರಿಕೆಯಾಗಿದೆ.

ಅತ್ತಿಬೆಲೆ ಟೋಲ್‌ನಲ್ಲಿಯೂ ಕಾರುಗಳ ತಿಂಗಳ ಪಾಸುಗಳ ಶುಲ್ಕವನ್ನು 20 ರೂ.ಗೆ ಏರಿಕೆ ಮಾಡಲಾಗಿದೆ. ಒಮ್ಮೆ ಹೋಗಿಬರುವ ವಾಹನಗಳು 5 ರೂ. ಹೆಚ್ಚಿನ ದರವನ್ನು ಪಾವತಿ ಮಾಡಬೇಕು.

English summary

People who use the toll roads in Electronic City and Attibele Bengaluru will have to shell out more for return trips and monthly passes. Bangalore Elevated Tollway Private Limited has revised the toll charges from July 1, 2018.