ಪೂರೈಕೆ ಕೊರತೆ, ಮೊಟ್ಟೆ ದರದಲ್ಲಿ ಭಾರೀ ಏರಿಕೆ
ಬೆಂಗಳೂರು, ನವೆಂಬರ್ 20: ದೇಶದಾದ್ಯಂತ ಮೊಟ್ಟೆ ಪೂರೈಕೆಯಲ್ಲಿ ಭಾರೀ ಕೊರತೆ ಉಂಟಾಗಿದ್ದು ದರ ಗಗನಕ್ಕೇರಿದೆ.
ರಾಷ್ಟ್ರ ರಾಜಧಾನಿಯಲ್ಲಿ ಶೇಕಡಾ 40ರಷ್ಟು ಮೊಟ್ಟೆ ದರ ಏರಿಕೆಯಾಗಿದ್ದು ರೂ. 7 - 7.50ಕ್ಕೆ ತಲುಪಿದೆ. ಬೆಂಗಳೂರಿನಲ್ಲೂ 5 ರೂಪಾಯಿ ಇದ್ದ ಮೊಟ್ಟೆ ದರ 6.50 ರೂಪಾಯಿಗೆ ಏರಿಕೆಯಾಗಿದ್ದು ಜನರ ಕೈಗೆಟುಕದಾಗಿದೆ.
ಮೊಟ್ಟೆ ಪೂರೈಕೆಯಲ್ಲಿ ಈ ವರ್ಷ ಶೇಕಡಾ 25-30 ರಷ್ಟು ಕೊರತೆಯಾಗಿದ್ದು ಇನ್ನೂ ಒಂದೆರಡು ತಿಂಗಳು ದರ ಏರಿಕೆ ಮುಂದುವರಿಯಲಿದೆ ಎಂದು ಕೋಳಿ ಸಾಕಣೆದಾರರ ಸಂಘದ ರಾಷ್ಟ್ರೀಯ ಅಧ್ಯಕ್ಷ ರಮೇಶ್ ಕತ್ರಿ ಹೇಳಿದ್ದಾರೆ.
ಕಳೆದ ವರ್ಷ ಹೆಚ್ಚಿನ ದರ ಸಿಗದ ಹಿನ್ನಲೆಯಲ್ಲಿ ಈ ವರ್ಷ ಹೆಚ್ಚಿನ ಕೋಳಿ ಸಾಕಣೆದಾರರು ಕಡಿಮೆ ಮೊಟ್ಟೆಗಳನ್ನು ಉತ್ಪಾದಿಸಿದ್ದರು. ಪರಿಣಾಮ ಈ ಬೆಲೆ ಏರಿಕೆ ಉಂಟಾಗಿದೆ ಎಂದು ಅವರು ವಿವರ ನೀಡಿದ್ದಾರೆ.
Click it and Unblock the Notifications
Sign in with Google