ಕೆಂಪೇಗೌಡ ಏರ್ಪೋರ್ಟ್ನಲ್ಲಿ 2.8 ಕೋಟಿ ರೂ ಮೌಲ್ಯದ 200 ಐಫೋನ್ಗಳು ವಶಕ್ಕೆ
ಬೆಂಗಳೂರು,ಮಾರ್ಚ್ 1: ಬೆಂಗಳೂರಿನ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ 2.8 ಕೋಟಿ ರೂ. ಮೌಲ್ಯದ 200 ಐಫೋನ್ಗಳನ್ನು ವಶಪಡಿಸಿಕೊಳ್ಳಲಾಗಿದೆ.
ಕಸ್ಟಮ್ ಅಧಿಕಾರಿಗಳು ದಂಪತಿಯಿಂದ ಐಫೋನ್ಗಳನ್ನು ವಶಪಡಿಸಿಕೊಂಡಿದ್ದಾರೆ.ದಂಪತಿ ಭಾರತ ಮೂಲದವರಾಗಿದ್ದು,ಅವರು ಅಮೆರಿಕ ಪಾಸ್ಪೋರ್ಟ್ ಹೊಂದಿದ್ದಾರೆ. ಪೊಲೀಸರು ಮ್ಯಾಜಿಸ್ಟ್ರೇಟ್ ಮುಂದೆ ಹಾಜರುಪಡಿಸಿದ್ದಾರೆ.
ಅವರು ಫೆಬ್ರವರಿ 13 ರಂದು ಮುಂಬೈನಿಂದ ಫ್ರಾನ್ಸ್ಗೆ ತೆರಳಿದ್ದರು, ಭಾನುವಾರ ಕೆಂಪೇಗೌಡ ಏರ್ಪೋರ್ಟ್ ಬಂದಿಳಿದಿದ್ದರು.
ಅವರನ್ನು ಮಾರ್ಚ್ 12ರವರೆಗೆ ನ್ಯಾಯಾಂಗ ಬಂಧನಕ್ಕೆ ಒಳಪಡಿಸಲಾಗಿದೆ. ಅವರು ಬೆಂಗಳೂರಲ್ಲಿ ನಡೆಯುತ್ತಿರುವ ಹಲವು ಕಳ್ಳಸಾಗಣೆ ದಂಧೆಯೊಂದಿಗೆ ಸಂಪರ್ಕ ಹೊಂದಿದ್ದಾರೆ. ಅವರ ಬಳಿ 37 ಡೆಬಿಟ್ ಕಾರ್ಡ್ಗಳಿದ್ದವು. ಐಫೋನ್ 12 ಪ್ರೊ,ಪ್ರೊ ಮ್ಯಾಕ್ಸ್ ಸೇರಿದಂತೆ ಸುಮಾರು 2,74,19,400 ಬೆಲೆ ಬಾಳುವ ಮೊಬೈಲ್ಗಳಿದ್ದವು.
Recommended Video
ಅವರ ಬ್ಯಾಗ್ಗಳನ್ನು ತಪಾಸಣೆ ಮಾಡುವಾಗ ಇದು ಬೆಳಕಿಗೆ ಬಂದಿದೆ, ಮಧ್ಯ ವಯಸ್ಕ ದಂಪತಿ ಪ್ಯಾರಿಸ್ನಿಂದ ಏರ್ ಫ್ರಾನ್ಸ್ ವಿಮಾನದಲ್ಲಿ ಬಂದಿದ್ದರು. ಪ್ರತ್ಯೇಕ ಪ್ರಕರಣದಲ್ಲಿ ದುಬೈನಿಂದ ಬೆಂಗಳೂರಿಗೆ ತೆರಳುತ್ತಿದ್ದ ವ್ಯಕ್ತಿಯಿಂದ 686 ಗ್ರಾಂ ಚಿನ್ನವನ್ನು ವಶಪಡಿಸಿಕೊಳ್ಳಲಾಗಿದೆ, ಸುಮಾರು 31 ಲಕ್ಷ ರೂ ಮೌಲ್ಯದ ಆಭರಣಗಳಿದ್ದವು.