ಮೂರು ಬಿ.ಇಡಿ ಕಾಲೇಜುಗಳಿಗೆ ಬೆಂಗಳೂರು ವಿವಿಯಿಂದ ಅರ್ಧಚಂದ್ರ
ಬೆಂಗಳೂರು, ಅಕ್ಟೋಬರ್ 29: ಬೆಂಗಳೂರು ವಿಶ್ವವಿದ್ಯಾಲಯವು ಮೂರು ಬಿಇಡಿ ಕಾಲೇಜುಗಳಿಗೆ ದಾಖಲಾಗದಂತೆ ವಿದ್ಯಾರ್ಥಿಗಳಿಗೆ ಸೂಚಿಸಿದೆ. ಈ ಸಾಲಿನಲ್ಲಿ ಬೆಂಗಳೂರು ವಿಶ್ವವಿದ್ಯಾಲಯವು ತನ್ನ ವ್ಯಾಪ್ತಿಯ ಮೂರು ಬಿಇಡಿ ಕಾಲೇಜುಗಳಿಗೆ ಸಂಯೋಜನೆಯನ್ನು ನವೀಕರಿಸುವ ಕಾರಣ ಈ ಕಾಲೇಜುಗಳಲ್ಲಿ ಪ್ರವೇಶ ಪಡೆಯಬೇಡಿ ಎಂದು ಸೂಚನೆ ನೀಡಿದೆ.
ಪ್ರಿನ್ಸ್ ಕಾಲೇಜ್ ಆಫ್ ಎಜುಕೇಷನ್( ಬನ್ನೇರುಘಟ್ಟ ಮುಖ್ಯರಸ್ತೆ, ಶ್ರೀನಿಧಿ ಕಾಲೇಜ್ ಆಫ್ ಎಜುಕೇಷನ್ ಫಾರ್ ವಿಮೆನ್(ಬನ್ನೇರುಘಟ್ಟ ರಸ್ತೆ) ಮತ್ತು ಶುತ್ತರಿಯಾ ಕಾಲೇಜ್ ಆಫ್ ಎಜುಕೇಷನ್(ಬಿ.ನಿಜಗಲ್ ನೆಲಮಂಗಲ) ಸಂಯೋಜನೆಯನ್ನು ನವೀಕರಿಸಿಲ್ಲ. ಇದರಿಂದ ಈ ಕಾಲೇಜಿಗೆ ಬರಲು ಇಚ್ಛಿಸಿರುವ ವಿದ್ಯಾರ್ಥಿಗಳು ಹಾಗೂ ಆ ಕಾಲೇಜುಗಳ ಆಸುಪಾಸಿನಲ್ಲಿ ವಿದ್ಯಾರ್ಥಿಗಳಿಗೆ ಬೇಸರ ಉಂಟಾಗಿದೆ.
ಈ ಶೈಕ್ಷಣಿಕ ವರ್ಷಗಳದಲ್ಲಿ ಆ ಕಾಲೇಜುಗಳಲ್ಲಿಯೇ ದಾಖಲಾತಿ ಪಡೆಯಬೇಕು ಎಂದುಕೊಂಡಿದ್ದ ವಿದ್ಯಾರ್ಥಿಗಳಿಗೆ ನಿರಾಸೆ ಉಂಟಾಗಿದೆ. ಒಂದು ವೇಳೆ ಬಿ.ಇಡಿ ಕೋರ್ಸ್ ಗಳಿಗೆ ಪ್ರವೇಶ ಪಡೆದರೆ ಅದಕ್ಕೆ ವಿಶ್ವವಿದ್ಯಾಲಯ ಜವಾಬ್ದಾರಿಯಲ್ಲ ಎಂದು ಸ್ಪಷ್ಟಪಡಿಸಿದೆ.
ಕೆಲವೊಮ್ಮೆ ಮಾನ್ಯತೆ ರದ್ದು ಮಾಡಿರುವ ಕಾಲೇಜುಗಳಲ್ಲಿ ವಿದ್ಯಾರ್ಥಿಗಳು ದಾಖಲಾಗುತ್ತಾರೆ ಕಾಲೇಜಿನ ಆಡಲಿತ ಮಂಡಳಿಯು ಈ ವಿಚಾರಗಳನ್ನು ವಿದ್ಯಾರ್ಥಿಗಳ ಗಮನಕ್ಕೆ ತಂದಿರುವುದಿಲ್ಲ ವಿದ್ಯಾರ್ಥಿಗಳು ಮೋಸಹೋಗುತ್ತಾರೆ, ಜತೆಗೆ ಅವರ ಕೋರ್ಸ್ ಕೂಡ ವ್ಯರ್ಥವಾಗುತ್ತದೆ ಈ ಹಿನ್ನೆಲೆಯಲ್ಲಿ ಬೆಂಗಳೂರು ವಿಶ್ವವಿದ್ಯಾಲಯ ಪ್ರಕಟಣೆ ಹೊರಡಿಸಿದೆ.
Click it and Unblock the Notifications
Sign in with Google