ಬೆಂಗಳೂರಲ್ಲಿ ಟ್ರಿಣ್ ಟ್ರಿಣ್ ಯೋಜನೆ, 345 ನಿಲ್ದಾಣ ಗುರುತು
ಬೆಂಗಳೂರು, ನವೆಂಬರ್ 22 : ಉದ್ಯಾನ ನಗರಿ ಬೆಂಗಳೂರಿನಲ್ಲಿ ಟ್ರಿಣ್ ಟ್ರಿಣ್ ಸೈಕಲ್ ಯೋಜನೆ ಜಾರಿಗೆ ತರಲು ಸಿದ್ಧತೆಗಳು ನಡೆಯುತ್ತಿವೆ. ಡಿಯುಎಲ್ಟಿ ನಗರದಲ್ಲಿ 345 ಸೈಕಲ್ ನಿಲುಗಡ ಸ್ಥಳಗಳನ್ನು ಗುರುತಿಸಿದೆ.
ನಗರ ಭೂ ಸಾರಿಗೆ ನಿರ್ದೇಶನಾಲಯ (ಡಿಯುಎಲ್ಟಿ) ನಗರದಲ್ಲಿ 345 ನಿಲ್ದಾಣಗಳನ್ನು (Docking stations) ಗುರುತಿಸಿದೆ. ಈ ಕುರಿತು ವಿವರವಾದ ವರದಿಯನ್ನು ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆಗೆ ಸಲ್ಲಿಸಿದೆ.
ಮೊದಲ ಹಂತದ ಯೋಜನೆ ಯಡಿ ಎಂ.ಜಿ.ರಸ್ತೆ, ವಿಧಾನಸೌಧ, ಇಂದಿರಾನಗರ, ಬಾಣಸವಾಡಿ, ಎಚ್ಆರ್ಬಿಆರ್ ಲೇಔಟ್, ಎಚ್ಬಿಆರ್ ಲೇಔಟ್, ಕಾಚರಕನಹಳ್ಳಿಯಲ್ಲಿ ಸೈಕಲ್ ನಿಲ್ದಾಣಗಳು ನಿರ್ಮಾಣವಾಗಲಿವೆ.
ಪ್ರತಿ ನಿಲ್ದಾಣಗಳಲ್ಲಿ 12 ರಿಂದ 48 ಸೈಕಲ್ಗಳನ್ನು ಇಡಲಾಗುತ್ತದೆ. 80.18 ಕೋಟಿ ರೂ. ವೆಚ್ಚದಲ್ಲಿ ಬೈಸಿಕಲ್ ಬಾಡಿಗೆಗೆ ನೀಡುವ ಯೋಜನೆಯನ್ನು ಜಾರಿಗೆ ತರಲಾಗುತ್ತಿದೆ. ಡಿಯುಎಲ್ಟಿ ಯೋಜನೆಯನ್ನು ಜಾರಿಗೆ ತರಲಿದೆ.
'ಬಿಬಿಎಂಪಿಗೆ ಮಾರ್ಗದರ್ಶಿ ಸೂತ್ರಗಳನ್ನು ರಚನೆ ಮಾಡಲು ವರದಿಯನ್ನು ಸಲ್ಲಿಸಿದ್ದೇವೆ. ಶೀಘ್ರದಲ್ಲೇ ಯೋಜನೆಗೆ ಟೆಂಡರ್ ಕರೆಯುತ್ತೇವೆ. ಸೆಪ್ಟೆಂಬರ್ ಅಥವ ಅಕ್ಟೋಬರ್ನಲ್ಲಿ ಯೋಜನೆ ಜಾರಿಗೆ ಬರಲಿದೆ' ಎಂದು ಡಿಯುಎಲ್ಟಿ ಅಧಿಕಾರಿಗಳು ಹೇಳಿದ್ದಾರೆ.
Click it and Unblock the Notifications
Sign in with Google