ನವೆಂಬರ್ 16ರಿಂದ ಬೆಂಗಳೂರು ಐಟಿ- ಬಿಟಿ ಸಮ್ಮೇಳನ
ಬೆಂಗಳೂರು, ಜುಲೈ 24: ಬೆಂಗಳೂರು ಐ.ಟಿ.ಇ. ಬಿಜ್ 2017 ರ 20ನೇ ಆವೃತ್ತಿ ಹಾಗೂ ಬೆಂಗಳೂರು ಇಂಡಿಯಾ ಬಯೋ 2017 ರ 17 ಆವೃತ್ತಿಯನ್ನು ನವೆಂಬರ್ 16 ರಿಂದ 18 ರವರೆಗೆ ಬೆಂಗಳೂರಿನ ಅರಮನೆ ಮೈದಾನದಲ್ಲಿ ಆಯೋಜಿಸಲಾಗುತ್ತಿದೆ.
ನಗರದ ಖಾಸಗಿ ಹೋಟೆಲ್ ನಲ್ಲಿ ಈ ಕಾರ್ಯಕ್ರಮದ ಥೀಮ್ ಅನಾವರಣೆ ಮಾಡಿ, ಪತ್ರಿಕಾಗೋಷ್ಠಿಯಲ್ಲಿ ರಾಜ್ಯ ಮಾಹಿತಿ ತಂತ್ರಜ್ಞಾನ, ಜೈವಿಕ ತಂತ್ರಜ್ಞಾನ ಮತ್ತು ಪ್ರವಾಸೋದ್ಯಮ ಸಚಿವ ಪ್ರಿಯಾಂಕ್ ಖರ್ಗೆ ಅವರು ಈ ವಿಷಯ ತಿಳಿಸಿದರು.
ಈ ಬಾರಿ ಕೌಶಲ್ಯ ಅಭಿವೃದ್ಧಿಗೆ ಹೆಚ್ಚು ಒತ್ತು ನೀಡಲಿದ್ದೇವೆ. 'ಕಲ್ಪಿಸಿ, ನವೀಕರಿಸಿ ಮತ್ತು ಸಂಶೋಧಿಸಿ' ಎಂಬ ಶೀರ್ಷಿಕೆ ಮೇಲೆ ಕಾರ್ಯಕ್ರಮ ಕೇಂದ್ರೀಕೃತವಾಗಿದೆ. ವೈಮಾನಿಕ, ಮಾಹಿತಿ ಹಾಗೂ ಜೈವಿನ ತಂತ್ರಜ್ಞಾನ ಕ್ಷೇತ್ರದಲ್ಲಿ ಕರ್ನಾಟಕ ಮುಂಚೂಣಿಯಲ್ಲಿರಬೇಕು ಎಂಬುದು ನಮ್ಮ ಉದ್ದೇಶವಾಗಿದೆ.
ಜೈವಿಕ ತಂತ್ರಜ್ಞಾನದಲ್ಲಿ ಸಹ ಅವಕಾಶ ತೆರೆಯಲಾಗಿದ್ದು ಒಟ್ಟು, 20,000 ಕಂಪೆನಿಗಳಲ್ಲಿ 6000 ಉತ್ಪಮ್ಮ ಸಂಬಂಧಿಸಿದ್ದಾಗಿದೆ. ಪ್ರಸ್ತುತ ಗ್ರಾಮೀಣ ಪ್ರದೇಶದಿಂದ 350, ಮಹಿಳೆಯರಲ್ಲಿ 300 ಪ್ರದರ್ಶಕರು ಭಾಗವಹಿಸುತ್ತಿದ್ದು,. ಇದರ ಸಂಖ್ಯೆ ಹೆಚ್ಚಾಗುವ ನಿರೀಕ್ಷೆ ಇದೆ.
ವಿವಿಧ ವಿಷಯಗಳಾದ ಕಾಡ್ ಅಂಡ್ ಬಿಗ್ ಡಾಟಾ, ಏರೋಸ್ಪೇಸ್, ಡಿಫನ್ಸ್, ಟೆಲಿಕಾಮ್, ಅನಿಮೇಶನ್ ಆಂಕಾಲಜಿ ಮುಂತಾದ ವಿಚಾರಗಳು ಸಮ್ಮೇಳನದಲ್ಲಿ ಇರುತ್ತವೆ ಎಂದರು.
For the 1st time @Bengaluruitebiz & Bengaluru India Bio will be hosted together. Grateful to all stakeholders for all their support pic.twitter.com/znLzz8T412
— Priyank Kharge (@PriyankKharge) July 24, 2017
ಸಭೆಯಲ್ಲಿ ಮಾತನಾಡಿದ ಬಯೋಕಾನ್ ಲಿಮಿಟೆಡ್ನ ಸಿಎಂ.ಡಿ ಡಾ. ಕಿರಣ್ ಮುಜುಂದಾರ್ ಷಾ, 'ಜೈವಿಕ ತಂತ್ರಜ್ಞಾನವು ತಂತ್ರಜ್ಞಾನವನ್ನು ಹೆಚ್ಚು ಅಬಲಂಭಿತವಾಗಿದೆ. ನಾವು ಹೊಸ ಅವಿಷ್ಕಾರಗಳನ್ನು ಈ ಪ್ರದರ್ಶನದಲ್ಲಿ ಪ್ರದರ್ಶಿಸಬೇಕು' ಎಂದರು.
ಪತ್ರಿಕಾಗೋಷ್ಠಿಯಲ್ಲಿ ಇನ್ಪೋಸಿಸ್ ಲಿಮಿಟೆಡ್ನ ಸಹ ಸಂಸ್ಥಾಪಕರಾದ ಕ್ರಿಸ್ ಗೋಪಾಲಕೃಷ್ಣನ್, ನಾಸ್ ಕಾಮ್ ನ ಮಾಜಿ ಅಧ್ಯಕ್ಷರು ಹಾಗೂ ಮೈಂಡ್ ಟ್ರೀ ಅಧ್ಯಕ್ಷರಾದ ಕೃಷ್ಣಕುಮಾರ್ ನಟರಾಜನ್, ಎಸ್ಟಿಪಿಐ ನಿರ್ದೇಶಕರಧ ಶೈಲೇಂದ್ರ ತ್ಯಾಗಿ, ಮಾಹಿತಿ, ಜೈವಿಕ ತಂತ್ರಜ್ಞಾನ ಮತ್ತು ವಿಜ್ಞಾನ ಮತ್ತು ತಂತ್ರಜ್ಞಾನ ಇಲಾಖೆ ಪ್ರಧಾನ ಕಾರ್ಯದರ್ಶಿಗಳಾದ ಗೌರವ್ ಗುಪ್ತಾ, ನಿರ್ದೇಶಕರಾದ ಅಸ್ಮಾ ಫಾತಿಮಾ ಅವರು ಉಪಸ್ಥಿತರಿದ್ದರು.
Click it and Unblock the Notifications
Sign in with Google